BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سەناتورلار مەملەكەتتىك قارىزدىڭ وسۋىنە الاڭداۋشىلىق ٴبىلدىردى

پارلامەنت سەناتىندا مەملەكەتتىك قارىز بەن مەملەكەت كەپىلدەندىرىلگەن بورىش، كۆازيمەملەكەتتىك سەكتوردىڭ قارىزى ماسەلەلەرى بويىنشا قارجى مينيسترلىگىنىڭ باسشىلىعىمەن كەزدەسۋ ٴوتتى، دەپ حابارلايدى baq.kz اقپارات اگەنتتىگى.

سەناتتىڭ قارجى جانە بيۋدجەت كوميتەتىنىڭ ٴتوراعاسى ولگا پەرەپەچينا شارانى اشا كەلىپ، مەملەكەت باسشىسى كۆازيمەملەكەتتىك سەكتوردىڭ ىشكى جانە سىرتقى قارىزدارىنا مونيتورينگ جانە باقىلاۋ جۇرگىزۋ جۇيەسىن قۇرۋ تۋرالى تاپسىرما بەرگەنىن ەسكە سالدى. ۇكىمەت ٴوز كەزەگىندە، كۆازيمەملەكەتتىك سەكتور سۋبەكتىلەرىنىڭ، جەرگىلىكتى بيلىك ورگاندارىنىڭ سىرتقى قارىزدار كولەمىن كەلىسۋ، ولاردىڭ ىشكى جانە سىرتقى قارىزىنا مونيتورينگ جۇرگىزۋ مەن باقىلاۋ جونىندە شارالار قابىلداعان بولاتىن.

سونىمەن بىرگە، و. پەرەپەچينا اتاپ وتكەندەي، «قابىلدانعان شارالارعا قاراماستان، شىنايى تۇردە دە، سالىستىرمالى تۇردە دە مەملەكەتتىك قارىزدىڭ ٴوسۋ ديناميكاسى مەن وعان قىزمەت ەتۋدىڭ بيۋدجەتتىك شىعىندارى الاڭداتىپ وتىر». ونىڭ سوزىندە قارىز بويىنشا قىزمەت كورسەتۋدىڭ شەگىن ۇستانۋ مەن ونى بيۋدجەت كىرىسىنەن جابۋ قاتىناسى ۇلتتىق قوردىڭ ترانسفەرتى ەسەبىنەن قامتاماسىز ەتىلىپ وتىرعانى ايتىلدى. سەناتوردىڭ ايتۋىنشا، «ٴدال وسى ماسەلە نەگىزگى ٴارى ناقتى بولىپ وتىر – ۇلتتىق قورداعى نەمەسە ىشكى جالپى ٴونىم كولەمىندەگى قارىزدىڭ مولشەرى شارتتى تۇردە سايكەس كەلمەيدى، ايتپەسە، قارىز بويىنشا قىزمەت كورسەتۋگە كوپ قارجى شىعارعان سايىن باسقا بيۋدجەت مۇقتاجدارىنا قارجى از قالاتىن بولادى».

و. پەرەپەچينا وسى شىعىستاردىڭ سوماسى كوپ بولعان سايىن، قارىز دا كوبەيە تۇسەتىنىن اتاپ كورسەتتى، ويتكەنى، بۇرىنعى ەميسسيا جاڭا قارىزدىق مىندەتتەر ەسەبىنەن جابىلادى، ياعني، قارىزداردىڭ ٴوسىمتالدىعى پايدا بولدى. سوندىقتان، سەنات كوميتەتىنىڭ باسشىسى اتاپ وتكەندەي، «قارىز بەن ىشكى جالپى ٴونىمنىڭ قاتىناسى الەمدىك ەسەپتەۋلەر بويىنشا وتە ۇلكەن بولماسا دا تاياۋ ۋاقىتتا قارىز ماسەلەسى باستى ماسەلەگە اينالۋى مۇمكىن».

قارجى ٴمينيسترىنىڭ ورىنباسارى رۋسلان بەكەتايەۆتىڭ بايانداماسىندا مەملەكەتتىك قارىز بەن كۆازيمەملەكەتتىك سەكتوردىڭ بەرەشەگى تۋرالى مالىمەتتەر ايتىلدى. اتاپ ايتقاندا، 2018 جىلعى 1 شىلدەدەن مەملەكەتتىك قارىزى 14 208،5 ملرد تەڭگە نەمەسە ٴجىو-نىڭ 24،8 پايىزىن قۇرادى، 2018 جىلدىڭ باسىنان باستاپ 704،3 ملرد تەڭگەگە وسكەنى اتاپ ٴوتىلدى. مەملەكەتتىك قارىزدىڭ 73،3 پايىزىن ۇكىمەتتىڭ قارىزى، 25،7 پايىزىن ۇلتتىق بانك پەن جەرگىلىكتى اتقارۋشى ورگانداردىڭ قارىزدارى قۇرايدى.

2018 جىلدىڭ 1 شىلدەسىنەن بەرى كۆازيمەملەكەتتىك قارىز 14 195،2 ملرد تەڭگە نەمەسە جىو-گە شاققاندا 81،8 ملرد تەڭگەگە ۇلعايىپ، 24،8 پايىزىن قۇرادى، ونىڭ ىشىندە سىرتقى قارىز - 8 246،8 ملرد تەڭگە (جالپى كولەمنىڭ 58 پايىزى) جانە ىشكى قارىز - 5 948،4 ملرد.تەڭگە (42 پايىزى) بولدى.

ر.بەكەتايەۆ مەملەكەتتىك قارىزدى ٴقاۋىپسىز دەڭگەيدە ۇستاپ تۇرۋ جونىندە قابىلدانعان شارالار تۋرالى باياندادى. ەڭ ماڭىزدى مىندەتتەرىنىڭ ٴبىرى –بيۋدجەت دەفيسيتىن 2019-2020 جىلدارى ٴجىو-نىڭ 1،5 پايىزىنا دەيىن تومەن دەڭگەيدە ۇستاپ تۇرۋ ۇكىمەتتىڭ قارىزىن 2020 جىلعا ٴجىو-نىڭ 25،0 پايىزى دەڭگەيىندە جانە مەملەكەتتىك قارىزدىڭ ٴجىو-نىڭ 27 پايىزى دەڭگەيىندە ساقتاۋعا مۇمكىندىك بەرەدى. بيۋدجەت تاپشىلىعىن 1،5 پايىزدان كوپ ەتپەي ۇستاپ تۇرۋ جانە كۆازي سەكتوردىڭ قارىزدارىن باقىلاۋ جۇرگىزۋ جالعاساتىن بولادى. مەملەكەتتىك قارىز بەن كۆازيسەكتوردىڭ جالپى قارىزى بىرتە-بىرتە تومەندەيتىنى كۇتىلىپ وتىر. ول ورتا مەرزىمى ۋاقىتتا – ٴجىو-نىڭ 49،7 پايىزىنان 2024 جىلى 40،1 پايىزعا ازايۋى ٴتيىس.

بايانداماشى سونداي-اق سوڭعى جىلدارى ۇكىمەتتىك قارىز الۋ ساياساتى، نەگىزىنەن ىشكى نارىقتا جانە ۇلتتىق ۆاليۋتادا قارىز الۋعا باعىتتالعانىن اتاپ ٴوتتى.

سەنات دەپۋتاتتارى داۋرەن ادىلبەكوۆ، ٴالي بەكتايەۆ، باقتىباي شەلپەكوۆ، سەرگەي پلوتنيكوۆ، عۇمار دۇيسەمبايەۆ، ناريمان تورەعاليەۆ جانە نۇرلان قىلىشبايەۆ مەملەكەتتىك قارىزدى قالىپتاستىرۋ جانە وعان قىزمەت كورسەتۋ، كۆازيمەملەكەتتىك سەكتوردىڭ قارىزدارىنىڭ وزەكتى ماسەلەلەرى بويىنشا ٴبىرقاتار ۇسىنىستار مەن سىن ەسكەرتپەلەر ايتتى.

تالقىلاۋعا ۇلتتىق ەكونوميكا مينيسترلىگىنىڭ، ۇلتتىق بانكىنىڭ، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ، «سامۇرىق-قازىنا» ٴال-اۋقات قورىنىڭ، «بايتەرەك» جانە «قازاگرو» ۇلتتىق باسقارۋ حولدينگتەرىنىڭ وكىلدەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي