USD 336.23 EUR 360.3 RUB 5.28
استانا:

سالىق سالۋعا قاتىستى 234 زاڭ جوباسىنا وزگەرىس ەنگىزىلمەك

قر ۇلتتىق ەكونوميكا ٴمينيسترى قۋاندىق بيشىمبايەۆ پارلامەنت ماجىلىسىندە «سالىق سالۋ جانە كەدەندىك اكىمشىلەندىرۋ ماسەلەلەرى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىردى، دەپ حابارلايدى baq.kz ٴتىلشىسى.

«قازىرگى كەزدە 234 زاڭ جوباسىنا وزگەرىس ەنگىزىلەدى. ونىڭ ٴ207-سى سالىقتىق اكىمشىلىككە، ال قالعان ٴ27-سى سالىق ساياساتىنا قاتىستى. قوسىلعان قۇن سالىعى بويىنشا ەسەپكە قويۋ ماقساتىندا قولدانىستاعى ەڭ تومەن شەكتى ٴماندى (30 مىڭ ايلىق ەسەپتىك كورسەتكىش) كەزەڭ-كەزەڭىمەن جۇزەگە اسىرۋدى 2020 جىلعا قاراي 15 000 ايلىق ەسەپتىك كورسەتكىشكە دەيىن (31،8 ملن تەڭگە) تومەندەتۋدى ۇسىنامىن»، -دەيدى قۋاندىق بيشىمبايەۆ.

مينيستر سونىمەن قاتار سالىق كودەكسىندە قوسىلعان قۇن سالىعى بويىنشا تىركەۋ ەسەبىنە ەرىكتى قويۋ جونىندەگى نورمانى قالپىنا كەلتىرۋدى ۇسىندى.

«وتاندىق اۋىل شارۋاشىلىعى ونىمدەرىن وندىرۋشىلەردى قولداۋ ٴۇشىن بۇدان بۇرىن پايدالانىلعان اكتيۆتەردى ساتاتىن شارۋا قوجالىقتارىنىڭ ٴبىرىڭعاي جەر سالىعىن قولداۋ قۇقىعىن ساقتاۋ قاجەت. سونداي-اق يمپورتتالعان اسىل تۇقىمدى مالدار ولگەن جانە ٴماجبۇرلى سويىلعان كەزدە تابيعي كەمۋ نورماتيۆتەرى شەگىندە قوسىلعان قۇن سالىعى بويىنشا تاراتۋ كوزدەلگەن»، -دەپ تۇيىندەدى قۋاندىق ٴۋاليxان ۇلى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي