BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

رەسەيدەن قازاقستانعا 80 توننا پياز قايتارىلدى

قازاقستاننان رەسەيدىڭ ٴنوۆوسىبىر وبلىسىنا ٴتورت رەت زاڭسىز پياز الىپ ٴوتۋ فاكتىسىنە توسقاۋىل قويىلدى. ۇستالعان جۇكتىڭ جالپى سالماعى 80 توننا، دەپ حابارلايدى baq.kz اقپارات اگەنتتىگى روسسەلحوزنادزوردىڭ وبلىستىق باسقارماسىنا سىلتەمە جاساپ.

سوڭعى جاعداي وتكەن جەكسەنبىدە ورىن الدى. قازاقستان رەسپۋبليكاسىنان ٴنوۆوسىبىر وبلىسىنىڭ اۋماعىنا بولاشاقتا كراسنويار قالاسىندا ساتىپ جىبەرۋ ٴۇشىن 20 توننا پيازدى زاڭسىز الىپ ٴوتۋ فاكتىسى تىركەلگەن.

«جۇرگىزىلگەن تەكسەرىس جۇمىستارىنىڭ ناتيجەسىندە ٴونىم قاپتاماسىنىڭ سىرتىندا ارنايى تاڭبانىڭ جوقتىعى، ٴونىمنىڭ اتاۋى، قاي ەلدەن ەكەنى، ەكسپورتتاۋشى نەمەسە رەەكسپورتتاۋشىنىڭ كورسەتىلمەگەنى انىقتالعان»، - دەلىنگەن روسسەلحوزنادزوردىڭ حابارلاماسىندا.

كارانتيندىك زاڭناماعا سايكەس رەسەي فەدەراسياسىنىڭ اۋماعىنا فيتوسانيتارلىق تاۋەكەلى جوعارى ٴونىمدى الىپ كەلۋگە تىيىم سالىنعان. جۇك قازاقستان رەسپۋبليكاسىنداعى جونەلتۋشىگە قايتارىلدى.

ەستەرىڭىزگە سالا كەتەيىك، بۇعان دەيىن رەسەيدەن قازاقستانعا شامامەن ٴبىر توننا ٴقاۋىپتى شۇجىقتى الىپ ٴوتۋ جاعدايى الدى الىندى دەپ حابارلاعان بولاتىنبىز. ۆەتەرينارلىق-سانيتارلىق قاتىناستاعى ٴونىمنىڭ قاۋىپسىزدىگىن راستايتىن ۆەتەرينارلىق جولداما قۇجاتى بولماعاندىقتان قازاقستان رەسپۋبليكاسىنىڭ جەتىقارا قالاسىنا چەليابينسك قالاسىنان 862 كگ شۇجىقتى جونەلتۋگە تىيىم سالىندى. بۇل جاعداي 12 ساۋىردە ورىن العان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي