BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

وپەك brent-كە جاڭا ٴۇش جىلدىق رەكورد ورناتۋعا كومەكتەستى

فوتو: ашық дереккөзден

2018 جىلدىڭ ساۋىرىندە ەكسپورتتاۋشىلار ۇيىمىنا (وپەك) قاتىسۋشى-ەلدەر مۇناي ٴوندىرىسىن تاۋلىگىنە 12،1 مىڭ باررەلگە دەيىن جانە كۇنىنە 31،93 ملن باررەلگە دەيىن ارتتىردى. بۇل تۋرالى ۇيىمنىڭ اي سايىنعى ەسەبىندە ايتىلعان، دەپ حابارلايدى baq.kz اقپارات اگەنتتىگى.

سونىمەن، كارتەل ٴوندىرىس كولەمىن قىسقارتۋ تۋرالى كەلىسىمدى شامامەن 163%-عا ورىندادى.

قۇجاتتا اتاپ كورسەتىلگەندەي، جەتكىزىلىمدەر كولەمىنىڭ ارتۋى ساۋد ارابيا مەن الجيردە تىركەلدى. الايدا، ونىڭ ورنى ۆەنەسۋەلا، گابون مەن نيگەريادا ٴوندىرىس كولەمىنىڭ شامالاپ ازايۋىمەن تولتىرىلدى.

وسى رەتتە، الەمدە مۇنايعا دەگەن سۇرانىس تاۋلىگىنە 20 مىڭ باررەلگە ارتتىرىلىپ، تاۋلىگىنە 1،65 ملن باررەلگە جەتتى.

ال، وپەك-كە كىرمەيتىندەرگە كەلەتىن بولساق بولجام وزگەرىسسىز قالىپ وتىر: 2018 جىلى ولاردىڭ تاراپىنان ٴوندىرىس كولەمى تاۋلىگىنە 1،7 ملن باررەلگە دەيىن ارتادى. ونىڭ ىشىندە اقش-قا 89% تيەسىلى بولسا، قالعانى كانادا، برازيليا، ۇلىبريتانيا مەن قازاقستان ەنشىسىندە. مۇندا ٴوندىرىس كولەمى تاۋلىگىنە 80 مىڭ باررەلگە دەيىن ارتادى.

سونىمەن قاتار، ەسەپكە سايكەس قازاقستاندا 2018 جىلدىڭ ناۋرىزىندا شيكىزات ٴوندىرىسى تاۋلىگىنە 14 مىڭ باررەلگە ازايىپ، كۇنىنە 1،56 باررەلگە دەيىن تومەندەدى. جالپى، مەملەكەت ٴتورت ايدىڭ قورىتىندىسى بويىنشا ورتاشا ەسەپپەن مەملەكەت كۇنىنە 1،8 ملن باررەل وندىرە باستادى. بۇل وتكەن جىلمەن سالىستىرعاندا تاۋلىگىنە 70 مىڭ باررەلگە ارتىق.

وپەك-تىڭ پايىمىنشا، 2018 جىلى قازاقستاندا ٴوندىرىس كولەمى كۇنىنە 1،81 ملن باررەلدى قۇرايدى دەپ كۇتىلۋدە. ٴوسىم قاشاعان كەنورنى ەسەبىنەن بولادى دەپ كۇتىلۋدە، وندا ٴوندىرىس كولەمى بولجامعا ساي تاۋلىگىنە 270 مىڭ باررەلگە جەتەتىن بولادى.

ايتا كەتەيىك، وپەك ەسەبى جاريالانعاننان كەيىن 2014 جىلدىڭ قاراشاسىنان بەرى العاش رەت brent باعاسى باررەلىنە 78 دوللاردان اسىپ جىعىلدى. ساعات 9:23 قارا التىننىڭ ماۋسىمدىق فيۋچەرستەرى باررەلىنە 78،27 دوللاردان ساتىلىپ جاتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي