USD 334.31 EUR 355.17 RUB 5.31
استانا:

وقو-دا ونەركاسىپ ٴونىمىنىڭ كولەمى توعىز ايدا 4،9 پايىزعا ارتتى

وڭتۇستىك قازاقستان وبلىسىندا توعىز ايدا ونەركاسىپ ٴونىمىنىڭ كولەمى 4،9 پايىزعا ارتىپ، 574،2 ملرد. تەڭگەنى قۇرادى، دەپ حابارلايدى baq.kz.

ٴونىم كولەمى نەگىزىنەن تاماق (104،5 پايىز)، مۇناي وڭدەۋ (117،5)، فارماسەۆتيكا (127،3)، وزگە مەتالل ەمەس مينەرالدى ونىمدەر (115،4) مەن مەتاللۋرگيا ٴوندىرىسى (107،4) ەسەبىنەن ٴوسىپ وتىر.

ال، اۋىل شارۋاشىلىعىندا جالپى ٴونىم كولەمى 319،6 ملرد. تەڭگەنى قۇراسا، ونىڭ ىشىندە مال شارۋاشىلىعىندا – 150،3 ملرد. تگ، ەگىن شارۋاشىلىعىندا - 168،6 ملرد. تەڭگەنىڭ ٴونىمى ٴوندىرىلدى.

سونىمەن قاتار، جىل باسىنان بەرى قۇرىلىس جۇمىستارىنىڭ كولەمى 125،3 ملرد. تەڭگەنى قۇراپ، 385،2 مىڭ شارشى مەتر تۇرعىن ٴۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 10 پايىزعا ارتتى.

ال 9 ايدا نەگىزگى قورعا 240،8 ملرد. تەڭگە ينۆەستيسيا باعىتتالىپ، 2015 جىلدىڭ ٴتيىستى كەزەڭىنە 82،4 پايىزدى قۇرادى.

سونداي-اق، وقو اكىمى ٴباسپاسوز قىزمەتىنىڭ مالىمەتىنشە، وبلىستا 2016-2020 جىلدارعا ارنالعان دامۋ باعدارلاماسى قابىلداندى. ايقىندالعان 83 ينديكاتورلاردىڭ ىشىندە ٴ11-ى بيىلعى جىلدان باستاپ، العاش رەت قازاقستان رەسپۋبليكاسى پرەمەر-مينيسترى مەن وبلىس اكىمى اراسىندا تۇزىلگەن مەموراندۋمنىڭ ينديكاتورلارى بولىپ تابىلادى. جىل سوڭىنا دەيىن بەلگىلەنگەن ينديكاتورلارعا قول جەتكىزىلەتىن بولادى.

ايتا كەتەيىك، 2015 جىلدىڭ قورىتىندىسىمەن جالپى وڭىرلىك ٴونىم بويىنشا رەسپۋبليكادا تۇراقتى 5 ورىندا ورنالاسقان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي