USD 335.61 EUR 361.32 RUB 5.26
استانا:

لينس قالاسىندا قازاقستان-اۆستريا ىسكەرلىك كەڭەسى ٴوتىپ جاتىر

اۆستريانىڭ لينس قالاسىندا وسى ەلدىڭ hessen platz جوعارعى پالاتاسىندا قازاقستان – اۆستريا ىسكەرلىك كەڭەسى ٴوتىپ جاتىر. جيىنعا كەڭەستىڭ تەڭ ٴتوراعالارى مەيرام پشەمبايەۆ پەن ريحارد شەنس قاتىسۋدا.

كەڭەس وتىرىسىنا ماشينا جاساۋ، استىق ونەركاسىبى، مۇناي جانە گاز، ەنەرگەتيكا، اۋىل شارۋاشىلىعى، قۇرىلىس جانە قارجى، ينۆەستيسيا، تۋريزم سالاسىنداعى قازاقستاندىق جانە اۆستريالىق كومپانيا وكىلدەرى قاتىسۋدا.

كەزدەسۋدە تاراپتار ەكى ەلدىڭ ينۆەستيسيالىق احۋالى مەن ىنتىماقتاستىقتى دامىتۋ مۇمكىندىگىن تالقىلادى.

ساپار اياسىندا قازاقستاندىق بيزنەس دەلەگاسياسى اۆستريالىق بيزنەستىڭ ەكسپورتتىق مۇمكىندىگى كورمەسىنە قاتىستى. شارادا ٴبىزدىڭ دەلەگاسيا قازاقستاندىق يندۋستريا مەن قازاقستاندىق ەكسپورتتىڭ حالىقارالىق قىزمەتى تۋرالى اقپارات بەردى.

كەزدەسۋ بارىسىندا ىنتىماقتاستىقتى ودان ٴارى دامىتۋ ماسەلەسى تالقىلاندى: سالىق سالۋ، ۆيزالىق قولداۋ. قازاقستاندىق كومپانيالار كەلەسى باعىتتاردا جۇمىس ىستەۋدى ۇسىندى:

✓بالامالى ەنەرگەتيكا، ترانسفورماتورلاردى ٴوندىرۋ جانە ەكسپورتتاۋ، «alageum electric» اق – avl، va intertrading ag.

✓ مۇناي-گاز قوندىرعىسى، «كازاحسەلماش كورپوراسياسى» جشس– sonnek;

✓اپپاراتتىق قامتاماسىز ەتۋ، اقپاراتتىق تەحنولوگيالار، قازاقستاندىق اۆتوماتتاندىرۋ مەن روبوتوتەحنيكانىڭ قاۋىمداستىعى – s&t ag، fabasoft ag;

✓اۋىل شارۋاشىلىعى تەحنيكاسىن ٴوندىرۋ، «ماشزاۆود №1» جشس، «اگروماشحولدينگ» اق–pöttinger$;

✓جاڭا ماتەريالدار، «الماتىلىق بوياۋلار» جشس - rembrandtin;

✓كومپرەسسورلىق قوندىرعى، «كازكومپرەسسورماش» جشس– lmf.

سونداي-اق، ىسكەرلىك كەڭەس وتىرىسىندا جوعارعى اۆستريا فەدەرالدى جەرى مەن پاۆلودار وبلىسى اراسىندا ىنتىماقتاستىق تۋرالى كەلىسىم ورناتىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي