BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

قىتاي اۋەكومپانياسى qazaq air ۇلەسىن ساتىپ الۋى مۇمكىن

فوتو: QAZAQ AIR

qazaq air اۋەكومپانياسى مەن china express airlines اراسىندا ٴوزارا تۇسىنىستىك تۋرالى مەموراندۋمعا قول قويىلدى، دەپ حابارلايدى baq.kz اقپارات اگەنتتىگى قازاقستاندىق تاسىمالداۋشىنىڭ ٴباسپاسوز قىزمەتىنە سىلتەمە جاساپ.

قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ قىتاي حالىق رەسپۋبليكاسىنا جاساعان رەسمي ساپارى بارىسىندا وتكەن قازاقستان-قىتاي ىسكەرلىك كەڭەسى اياسىندا qazaq air اۋەكومپانياسىنىڭ باسقارما ٴتوراعاسى بلەر ترەحەرن پوللوك پەن china express airlines co.، ltd. باسقارما ٴتوراعاسى لۋنسزيان ۆۋ اراسىندا حالىقارالىق ايماقتىق جولاۋشىلار تاسىمالداۋدى دامىتۋ تۋرالى ستراتەگيالىق ىنتىماقتاستىق سۇراقتارىندا تۇسىنىستىك ورناتۋ جونىندە مەموراندۋمعا قول قويىلىپ، china express airlines-تىڭ qazaq air جەكەشەلەندىرۋگە قاتىسۋ مۇمكىندىگى تۋرالى كەلىسسوز جۇرگىزدى.

«قول قويىلعان مەموراندۋم شەڭبەرىندە ەكى ايماقتىق اۋەكومپانيا ترانسشەكارالىق جولاۋشىلار لەگىمەن الماسىپ، ٴبىزدىڭ كومپانيامىزدىڭ دامۋىنا سەپتىگىن تيگىزەتىن china express airlines تاراپىنان تىكەلەي قارجىلاندىرۋ مۇمكىندىگى قاراستىرىلدى» – دەپ اتاپ كەتتى qazaq air اۋەكومپانياسىنىڭ باسقارما ٴتوراعاسى بلەر ترەحەرن پوللوك.

سونىمەن قاتار، مەموراندۋم قازاقستاندىق اۋەتاسىمالداۋشىعا قىتايدىڭ ايماقتىق جولاۋشىلار لەگىمەن تىكەلەي بايلانىس ورناتۋعا مۇمكىندىك بەرەتىنىنە كامىل سەنەتىنىن جەتكىزدى.

ٴوز كەزەگىندە، لۋنسزيان ۆۋ «ٴبىر بەلبەۋ، ٴبىر جول» اتتى قازاق-قىتاي ايماقتىق ىنتىماقتاستىق باستاماسى اياسىندا قول قويىلعان قۇجاتتىڭ ماڭىزدىلىعىن ەرەكشە اتاپ ٴوتتى.

سونىمەن قاتار، qazaq air مەن china express airlines سەرىكتەستىگى، ساۋدا-ەكونوميكالىق ارا-قاتىناستىڭ كۇشەۋىنە سەپتىگىن تىگىزىپ، كورشىلەس ەلدەردىڭ ىنتىقتاستىعىن كەڭەيتە تۇسەتىنىنە سەنىم ٴبىلدىردى.

ايتا كەتەيىك، qazaq air 100% اكسيالارى «سامۇرىق-قازىنا» اق-نا تيەسىلى، قازاقستاننىڭ ايماقتىق باعىتتارىندا قىزمەت كورسەتەتىن اۋەكومپانياسى. ال، china express airlines قىتتاي اۋەكومپانياسى (huaxia airlines اتىمەن تانىمال) 2006 قۇرىلىپ، قىتايداعى العاش جەكەمەنشىك ايماقتىق كومپانياسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي