BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

«قازاقستاننىڭ ۇزدىك تاۋارى» كورمەسىنە جۇزدەگەن كومپانيا ٴونىمى ۇسىنىلدى

فوتو: Нұржас Жақсыбай

استانادا «قازاقستاننىڭ ۇزدىك تاۋارى» رەسپۋبليكالىق كورمە-بايقاۋى ٴوتىپ جاتىر. ٴىس-شارانى بۇگىن قر ينۆەستيسيالار جəنە دامۋ ٴمينيسترى جەڭىس قاسىمبەك اشتى، دەپ حابارلايدى baq.kz ٴتىلشىسى.

«كورمە» ورتالىعىنداعى شاراعا كەلىپ، وتاندىق ونىمدەرمەن تانىسىپ قانا قويماي، əرىپتەستىك ورناتىپ، تاپسىرىس بەرىپ، ساۋدا جاساپ جاتقاندار كوپ. سەبەبى كورمەگە «قازاقستاننىڭ ۇزدىك تاۋارى» وڭىرلىك بايقاۋى كەزەڭدەرىندە جەڭىمپاز اتانعان 153 كومپانيا قاتىسىپ وتىر. سونداي-اق، كەلۋشىلەر ۇسىنىلىعان ونىمدەردىڭ ساپاسىن تەكسەرىپ، ازىق-تۇلىكتىڭ ٴدəمىن تاتىپ، ولاردى ٴوندىرۋشى باعاسىمەن ساتىپ الا الادى. شارادا وندىرىستىك ونىمدەرمەن قاتار، حالىققا ارنالعان تۇرمىستىق تاۋارلار كوپ. جيھاز، ىدىس-اياق، كيىم-كەشەك، əشەكەيلەر مەن ەت، ٴسۇت، شۇجىق ونىمدەرى، جەمىس-جيدەك، كوكونىس تە جەتكىلىكتى. ۇلتتىق ناقىشتاعى كيىم، ىدىس پەن قازاقتىڭ ۇلتتىق تاعامدارى دا كوپ كەزدەسەدى. كورمە 12-13 قازاندا وتەدى.

«بۇگىن ٴدəستۇر بويىنشا وندىرۋشىلەردىڭ كورمەسىن اشىپ وتىرمىز. جالپى ٴبىر مىڭنان استام ٴəرتۇرلى وتاندىق كومپانيا وسى كورمە-بايقاۋعا قاتىسقان (وڭىرلىك كەزەڭدە باق سىناعان كومپانيالار سانى-1163-اۆتور). بەسىنشى قازاندا ەلباسى ٴوز جولداۋىندا ۇكىمەتتىڭ الدىنا وتاندىق تاۋار وندىرۋشىلەردى قولداۋ بويىنشا ناقتى مىندەتتەر قويدى. وتاندىق ەكسپورتتاۋشىلار مەن ىشكى نارىققا جۇمىس ىستەيتىن وندىرۋشىلەردى قولداۋ بويىنشا ناقتى سومالار مەن ناقتى مەحانيزمدەر بەكىتىلدى. ٴبىزدى كورمە-بايقاۋعا قاتىسۋشىلار سانى جىل سايىن ٴوسىپ كەلە جاتقانى قۋانتادى. ٴبىز قازاقستاندىق بيزنەس ساپالى ٴəرى ٴقاۋىپسىز ٴونىم شىعارادى دەپ سەنەمىز»، - دەدى جەڭىس قاسىمبەك.

كورمە-بايقاۋ ٴۇش نوميناسيا: «وندىرىستىك ماقساتتاعى ۇزدىك تاۋارلار»، «حالىققا ارنالعان ۇزدىك تاۋارلار» جانە «ۇزدىك ازىق-تۇلىك تاۋارلارى» اتالىمدارى بويىنشا ٴوتىپ جاتىر. كورمە-بايقاۋ قاتىسۋشىلارى ەرتەڭ كەشكە ماراپاتتالادى.

بۇدان باسقا، شارا بارىسىندا قوناقتاردى وتاندىق وندىرۋشىلەر ۇيىمداستىرعان ٴسان ۇلگىلەرىنىڭ تانىستىرىلىمى، شەبەرلىك ساباقتار مەن سىيلىقتار ۇتىسى (كۇندەلىكتى ساعات 15.00-دە) كۇتىپ تۇر.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي