USD 335.71 EUR 357.36 RUB 5.23
استانا:

ەلىمىزدە توعىز ايدا 30،8 مىڭ كولىك ساتىلعان

فوتو: autopremium-tver.ru

وسى جىلدىڭ 9 ايىنىڭ قورىتىندىسى بويىنشا قازاقستاندىقتار 569 ملن دوللارعا 30،8 مىڭ جاڭا جەڭىل اۆتوكولىك ساتىپ العان. بۇل تۋرالى ورتالىق كوممۋنيكاسيالار قىزمەتىندە «وتاندىق اۆتوكولىك سالاسى جۇمىسىنىڭ قورىتىندىسى» تاقىرىبىندا وتكەن ٴباسپاسوز ٴماسليحاتىندا «قازاۆتوپروم» اۆتوكولىك سالاسىنداعى كاسىپورىندار وداعى» زتب باسقارما ٴتوراعاسى ولەگ الفەروۆ مالىمدەدى، دەپ حابارلايدى baq.kz ٴتىلشىسى.

«وسى جىلدىڭ 9 ايىنىڭ قورىتىندىسى بويىنشا رەسمي ديللەرلەر 30 759 جەڭىل جانە جەڭىل كوممەرسيالىق اۆتوكولىك ساتتى. بۇل بىلتىرعىمەن سالىستىرعاندا 59%-عا تومەن (74 911 بىرلىك). ياعني، قاڭتار-قىركۇيەك ايلارى ارالىعىندا قازاقستاندىقتار 569 ملن اقش دوللارىنا 30،8 مىڭ جاڭا جەڭىل كولىك ساتىپ الدى. اۆتوكولىك نارىعىنداعى ساتىلىمنىڭ 76%-ى يمپورتتىڭ ۇلەسىنە تيەسىلى. ال 7 154 ساتىپ الۋشى، ياعني قازاقستاندىقتاردىڭ 24%-ى اۆتوكولىك قۇراستىرۋشى زاۋىتتاردىڭ ٴونىمىن تاڭدادى»، - دەدى ٴتوراعا.

ولەگ الفەروۆتىڭ ايتۋىنشا، ەلىمىزدە كولىك ساتۋ كورسەتكىشى 60 پايىزعا تومەندەگەن.

«وتكەن جىلمەن سالىستىرعاندا، كولىك ساتۋ 8 129 بىرلىكتەن 3 207 بىرلىككە دەيىن قىسقاردى. ياعني كولىك ساتۋ 60%-عا تومەندەدى»، - دەپ تۇيىندەدى ٴسوزىن باسشى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي