BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستاندىق كومپانيالار قىتايعا بال مەن ەت ەكسپورتتايدى

استانا، baq.kz. قحر شانحاي قالاسىندا «china international import expo» يمپورت تاۋارلارى مەن قىزمەت تۇرلەرى بويىنشا حالىقارالىق كورمە ٴوتىپ جاتىر.

كورمەدە قازاقستاندىق ستەندكە دەگەن قىزىعۋشىلىق ەرەكشە. قاتىسۋشىلارعا ەلىمىزدىڭ ەكسپورتتىق جانە ينۆەستيسيالىق الەۋەتى تانىستىرىلۋدا. جالپى، ٴىس-شاراعا 130 مەملەكەتتەن 2800 كومپانيا قاتىسىپ جاتىر.

وسى كورمەنى وتكىزۋ ارقىلى قىتاي الەمگە ٴوز نارىعىن پاش ەتىپ، باسقا مەملەكەتتەردى تاۋارلارىن كورسەتۋگە، سول ارقىلى ساۋدا-ساتتىق قارىم-قاتىناس ورناتۋدى كوزدەيدى.

كورمە اياسىندا ەل بيزنەسمەندەرىنىڭ قول جەتكىزگەن جەتىستىكتەرى بار. ايتالىق، «كۋبلەي» جشس (قازاقستان) مەن «karamay yuguanfu foreign trade co ltd» (قىتاي) اراسىندا قىتايعا 20 مىڭ توننا سيىر مەن قوي ەتىن ەكسپورتتاۋ بويىنشا كەلىسىمشارتقا قول قويىلدى. سونداي-اق، 15 مىڭ توننا بال ەكسپورتتاۋ ٴۇشىن قازاقستاندىق «پاسەكا» شارۋا قوجالىعى مەن قىتايدىڭ «سينسزيان xinhongji international trading co» كومپانياسى ەكەۋارا كەلىسىمشارتقا قول قويدى.

سونىمەن قاتار، تۇڭعىش قىتاي حالىقارالىق يمپورت كورمەسى شەڭبەرىندە قازاقستاندىق كومپانيالار ساۋدا بويىنشا ەۋرازيالىق سەمينارعا قاتىستى. سەميناردا قازاقستاندىق تاراپتان 10 كومپانيا، قىتاي جاعىنان 100-دەن اسا كومپانيا وكىلدەرى بولدى.

بۇل ٴىس-شارا اياسىندا قازاقستان رەسپۋبليكاسى مارال شارۋاشىلىعى پالاتاسى مەن قىتاي اۋىل شارۋاشىلىعىن ارنايى زەرتتەۋ ينستيتۋتىنىڭ اراسىندا بۇعى مەن مارال ٴوسىرۋ جانە ونىڭ ونىمدەرىن ٴوندىرۋ بويىنشا كەلىسىمگە قول قويىلدى.

مارال ٴمۇيىزىنىڭ پايدالى قاسيەتتەرى كوپشىلىككە بەلگىلى. ەجەلگى قىتاي ميفولوگياسىندا مارال جاراتقان يە سەرىگى رەتىندە كەلتىرىلەدى ٴارى ەجەلگى ريم دارىگەرلەرىنىڭ ەڭبەكتەرىندە دە بار. كەيىنىرەك مارال ٴمۇيىزىن قىتاي مەديسيناسىندا كەڭىنەن پايدالانىلاتىن بولعان.

كورمەگە ەلىمىزدەن 302 قازاقستاندىق كومپانيا قاتىسۋدا. ولار ٴوندىرىس، اۋىل شارۋاشىلىعى، ماشينا جاساۋ، تۋريزم جانە ت.ب. سالادان كەلدى.

ايتا كەتۋ كەرەك، 2018 جىلدىڭ 1 قاڭتارىنا اقپارات بويىنشا قىتاي مەملەكەتى مەن قازاقستان اراسىنداعى تاۋار اينالىمى 10،5 ملن دوللاردى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي