BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستاندا ۆەنچۋرلىق قارجىلاندىرۋ جۇيەسى ٴۇشىن قولايلى جاعدايلار جاسالماق

فوتو: Forbes.kz

2018 جىلى 9 شىلدەدە مەملەكەت باسشىسى نۇرسۇلتان نازاربايەۆ ۆەنچۋرلىك قارجىلاندىرۋ تۋرالى زاڭعا قول قويدى. زاڭدا جەكە ۆەنچۋرلىك كاپيتال نارىعىن دامىتۋدى ىنتالاندىرۋعا باعىتتالعان ٴبىرقاتار جاڭا تالاپتار ەنگىزىلگەن. بۇل ەلىمىزدەگى ۆەنچۋرلىق قارجىلاندىرۋ جۇيەسىنىڭ دامۋىنا وڭ سەرپىن بەرمەك، دەپ حابارلايدى baq.kz ٴتىلشىسى.

اتالعان زاڭدى «تەحنولوگيالىق دامۋ جونىندەگى ۇلتتىق اگەنتتىك» اق مەن قر ينۆەستيسيالار جانە دامۋ مينيسترلىگىمەن بىرلەسىپ ازىرلەگەن.

اتالعان قۇجات ەلىمىزدە يننوۆاسيالىق-بەلسەندى كاسىپورىنداردىڭ دامۋىنا،

ٴارى ۆەنچۋرلىق قارجىلاندىرۋ نارىعىنداعى ينۆەستيسيالىق جانجالداردى وڭتايلى شەشۋگە، جاڭا جۇمىس ورىندارى اشۋعا جانە شەتەلدەن ينۆەستيسيا تارتۋعا مۇمكىندىك بەرەدى.

«ەڭ الدىمەن، زاڭ جاڭا تۇسىنىكتى ەنگىزۋدى جانە ۆەنچۋرلىق قورلاردىڭ قۇقىقتىق مارتەبەسىنىڭ ەرەكشەلىكتەرىن انىقتاۋدى كوزدەيدى. وسىلايشا، ۆەنچۋرلىق قورعا، ۆەنچۋرلىق قارجىلاندىرۋعا جانە ۆەنچۋرلىق باسقارۋشىعا زاڭ جۇزىندە انىقتاما بەرىلەدى. «ۆەنچۋرلىق قور» ۇعىمى يندۋستريالىق-يننوۆاسيالىق ينفراقۇرىلىمنىڭ ەلەمەنتتەرىنىڭ ٴبىرى رەتىندە انىقتالادى. بۇل قازاقستاندىق ينۆەستورلارعا جانە يننوۆاتورلارعا وتاندىق يۋريسديكسياداعى مامىلەلەردى قۇرۋعا مۇمكىندىك بەرەدى. بۇل ينۆەستيسيالار مەن يننوۆاسيالاردىڭ شەتەلگە كەتۋىنە جول بەرمەيدى»، - دەلىنگەن تەحنولوگيالىق دامۋ جونىندەگى ۇلتتىق اگەنتتىكتىڭ ٴباسپاسوز قىزمەتى تاراتقان حابارلامادا.

قازىرگى تاڭدا ەىدۇ ەلدەرىندە جەكە ۆەنچۋرلىق كاپيتال يننوۆاسيالىق قىزمەتتى قارجىلاندىرۋدىڭ نەگىزگى كوزى بولىپ سانالادى. وسى ورايدا اتالعان زاڭ جوباسى ينۆەستورلاردى قولداۋ تەتىكتەرى ەنگىزىلگەن.

«قابىلدانعان زاڭدا ۆەنچۋرلىق ينۆەستيسيالار جوعارى تاۋەكەلدەرمەن بايلانىستى ەكەنىن ەسكەرە وتىرىپ، ۆەنچۋرلىك قورلار قارجىلاندىراتىن يننوۆاسيالىق جوبالارعا مەملەكەتتىك قولداۋدىڭ تيىمدىلىگىن باعالاۋ تاسىلدەرى وزگەردى. ياعني مەملەكەتتىك اۋديت جانە قارجىلىق باقىلاۋ قىزيمەتى بارىسىندا مەملەكەت قارجىلاندىراتىن ۆەنچۋرلىق قور جوبالارىنىڭ بارلىق پورتفەلىنىڭ ناتيجەلەرى ەسكەرىلەدى. وسىلايشا، جەكە ينۆەستورلار تاۋەكەلدى جوبالاردى سەنىمدى تۇردە ينۆەستيسيالاۋ مۇمكىندىگىنە يە بولادى»، - دەلىنگەن حابارلامادا.

سونداي-اق ەلباسى قول قويعان زاڭدا سەرىكتەستىككە قاتىسۋشىلاردىڭ قۇقىقتارىن ىسكە اسىرۋ تۋرالى تۇسىنىك ەنگىزىلگەن.

«بۇل سەرىكتەستەر اراسىندا كەلىسىلگەن «ەرەجەلەردى» بەكىتۋ، ونىڭ ىشىندە بيزنەسكە «كىرۋ» جانە «شىعۋ» شارتتارى، ٴارى كورپوراتيۆتىك جانجالداردىڭ تاۋەكەلدەرىن ازايتۋعا باعىتتالعان. كەلىسىم قاتىسۋشىلارعا ٴوز قۇقىقتارىن مۇمكىندىگىنشە قورعاۋعا، سەرىكتەستىكتىڭ قۇرىلتاي شارتىندا رەتتەلمەيتىن اسپەكتىلەردى رەتتەۋگە مۇمكىندىك بەرەدى»، - دەلىنگەن حابارلامادا.

ساراپشىلاردىڭ پىكىرىنشە، اتالعان زاڭنىڭ قابىلدانۋى جەكە ۆەنچۋرلىك كاپيتال نارىعىن دامىتۋدى ىنتالاندىرىپ، يننوۆاسيالىق بەلسەندى كاسىپورىنداردىڭ دامۋىنا جول اشادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي