BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قازاقستاندا شىعارىلعان كولىكتەر ساپالى – شەتەلدىك كاسىپكەر

وسكەمەندەگى زاۋىتتا شىعارىلاتىن «skoda» اۆتوكولىكتەرى ساپالى. سەبەبى، قازاقستاندىق ماماندار ٴوز ىسىنە ادال. بۇل تۋرالى چەحيانىڭ تمد ەلدەرى بويىنشا ساۋدا-ونەركاسىپ پالاتاسىنىڭ باسقارما ٴتوراعاسى فرانتيشەك ماسوپۋت ايتتى، دەپ حابارلايدى baq.kz ٴتىلشىسى.

الدىمەن فرانتيشەك ماسوپۋت چەحيالىق كاسىپكەرلەرگە تمد ەلدەرىندە بيزنەس اشۋعا، ٴارى وسى مەملەكەتتەردەگى كاسىپكەرلەرمەن جانە مەملەكەتتىك ورگاندارمەن بايلانىس ورناتۋعا كومەكتەسەتىنىن اتاپ ٴوتتى. كەيىن ول قازاقستان كوشەلەرىنەن چەحيالىق ماشينالاردى كورگەندە قۋانىپ قالاتىتىن ايتتى.

«قازاقستان كوشەلەرىنەن چەحيالىق ماشينالاردى كورگەندە ٴبىر مارقايىپ قالامىن. سەبەبى، بۇل – ٴبىزدىڭ ەلىمىزدىڭ ٴونىمى عوي. قازاقستاندا «skoda» اۆتوكولىكتەرىن قۇراستىرۋعا كومەكتەسەتىن ارىپتەس تاپقانىمىزعا باقىتتىمىز. قازىرگى تاڭدا وسكەمەندە «skoda» ماشيناسى شىعارىلىپ جاتىر. ٴبىز وسى باعىتتاعى جۇمىسىمىزدى ودان ٴارى جانداندىرا بەرەمىز»، - دەدى ول استانادا ٴوتىپ جاتقان «قازاقستان-چەحيا ٴوندىرىس كووپەراسياسى» اتتى سەميناردىڭ كۋلۋارىندا.

وسى ورايدا فرانتيشەك ماسوپۋت ەلىمىزدە شىعارىلاتىن اۆتوكولىكتەر ساپالى ەكەنىن اتاپ ٴوتتى. ونىڭ پىكىرىنشە، قازاقستاندىق ماماندار ٴوز ىسىنە ادال.

«چەحيا مەن قازاقستاندا شىعارىلاتىن «skoda» اۆتوكولىكتەرىنىڭ اراسىندا ٴسال عانا تەحنيكالىق ايىرماشىلىق بار. بۇل – نارىقتىڭ تالابىنا بايلانىستى. قازاقستاننىڭ تابيعاتى قاتال. مىسالى، چەحيادا قىستا ەڭ سۋىق گرادۋس -19°س. ال مۇنداعى سۋىق سۇيەگىڭنەن ٴوتىپ كەتەدى. ونى ٴوز باسىم سەزىندىم. وسى جاعدايلاردى ماماندار ماشينا قۇراستىرۋدا دا ەسكەرەدى. مەن ماشينانى شىعاراتىن وسكەمەندەگى زاۋىتتا بولدىم. ونداعى باسشىلىق پەن قاراپايىم جۇمىسشىلاردىڭ جۇمىسقا دەگەن ىنتاسىن ٴوز كوزىممەن كوردىم. سەبەبى، قازاقستاندىق ماماندار ٴوز ىستەرىنە ادال. ولار ماشينالاردى ۇلكەن جاۋاپكەرشىلىكپەن قۇراستىرادى. سوندىقتان قازاقستاندا شىعارىلاتىن «skoda» اۆتوكولىكتەرى ساپالى»، - دەپ تۇيىندەدى ٴسوزىن چەحيانىڭ تمد ەلدەرى بويىنشا ساۋدا-ونەركاسىپ پالاتاسىنىڭ باسقارما ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي