BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

قازاقستان «جاسىل ەكونوميكاسىنىڭ» جەتىستىگىن شەتەلدىك ساراپشىلار باعالايدى

قازاقستاننىڭ ەكولوگيالىق قىزمەتى ناتيجەلىلىگىنىڭ ٴۇشىنشى شولۋىن ازىرلەۋ بويىنشا ساراپشىلار توبى جۇمىسىنا كىرىستى، دەپ حابارلايدى baq.kz اقپارات اگەنتتىگى.

ٴار ٴتۇرلى ەلدەردەن، ەىدۇ، ددسۇ، يۋنەپ جانە بۇۇ ەەك-تەن كەلگەن ون ٴتورت ساراپشى ەلىمىزدە 10 كۇن بويى قازاقستاننىڭ «جاسىل ەكونوميكانى» قۇرۋ جانە ەكولوگيالىق كورسەتكىشتەردى جاقسارتۋ بويىنشا مىندەتتەرىن ورىنداۋدا قول جەتكىزگەن پروگرەسىنە شولۋ جاسايدى.

ميسسيا بارىسىندا ساراپشىلار توبى مەملەكەتتىك ورگانداردىڭ، حالىقارالىق ۇيىمداردىڭ، بيزنەستىڭ، عىلىمي ورتانىڭ جانە ۇكىمەتتىك ەمەس ۇيىمداردىڭ وكىلدەرىمەن كەزدەسەدى. ساراپشىلار ٴار ٴتۇرلى وبەكتىلەرگە بارادى: جىلۋ ەلەكتر ستانسيالارى، مەتاللۋرگيالىق زاۋىتتار جانە ەرەكشە قورعالاتىن تابيعي اۋماقتار.

2019 جىلدىڭ قاڭتارىندا ەكولوگيالىق قىزمەتى ناتيجەلىلىگىن شولۋدىڭ ناتيجەلەرىن بۇۇ ەەك-تىڭ ەكولوگيالىق ساياسات جونىندەگى كوميتەتى قاراستىرادى.

ەكولوگيالىق قىزمەتى ناتيجەلىلىگىن شولۋدىڭ «جاسىل» ەكونوميكانى دامىتۋ سالاسىندا، اتاپ ايتقاندا ەنەرگەتيكا، ونەركاسىپ، اۋىل شارۋاشىلىعى جانە دەنساۋلىق ساقتاۋ سەكتورلارىندا قازاقستاننىڭ قول جەتكىزگەن ناتيجەلەرىن باعالاۋعا باعىتتالعان. وندا اتموسفەرالىق اۋانىڭ لاستانۋىن ازايتۋ، سۋدىڭ ساپاسىن جاقسارتۋ، قالدىقتاردىڭ ٴتۇزىلۋ كولەمىن ازايتۋ جانە ەرەكشە قورعالاتىن تابيعي اۋماقتاردى باسقارۋ بويىنشا ۇكىمەتتىڭ ٴىس-قيمىلدارىنا باعا بەرىلەدى.

شولۋ ٴوز ۋاقىتىندا جۇرگىزىلۋدە، سەبەبى قازىرگى ۋاقىتتا ەلىمىزدە قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمدامانى (2013 ج.) جانە ەكولوگيالىق كودەكستى (2007 ج.) قايتا قاراۋ بويىنشا جۇمىستار اتقارىلۋدا.

قازاقستاننىڭ ەكولوگيالىق قىزمەتى ناتيجەلىلىگىن شولۋدىڭ بۇۇ ەەك قازاقستان رەسپۋبليكاسى ەنەرگەتيكا مينيسترلىگىمەن ىنتىماقتاستىقتا وتكىزۋدە. گەرمانيا، ۆەنگريا، يتاليا جانە پورتۋگاليا، سونداي-اق ەىدۇ، يۋنەپ جانە ددسۇ سياقتى حالىقارالىق ۇيىمدار ٴوز ساراپشىلارىن وسى شولۋعا قاتىسۋ ٴۇشىن جىبەردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي