BAQ.kz - Қазақстан жаңалықтары USD 343.45 BAQ.kz - Қазақстан жаңалықтары EUR 399.57 BAQ.kz - Қазақстан жаңалықтары RUB 5.52
استانا:

قازاقستان مەن شۆەيساريانىڭ ساۋدا اينالىمى 14%-عا ارتتى

فوتو: ҚР Инвестициялар және даму министрлігі

بۇل تۋرالى اقتاۋداعى قر ينۆەستيسيالار جانە دامۋ ٴمينيسترى جەڭىس قاسىمبەكتىڭ شۆەيساريانىڭ ەكونوميكا، ٴبىلىم جانە زەرتتەۋ ٴبولىمىنىڭ باسشىسى يوحانن شنايدەر-اممان باستاعان دەلەگاسيامەن كەزدەسۋى بارىسىندا بەلگىلى بولدى، دەپ حابارلايدى baq.kz ٴتىلشىسى.

اتاپ وتسەك، 2017 جىلى قازاقستان مەن شۆەيساريا اراسىنداعى سىرتقى ساۋدا اينالىمى 3 ميلليارد دوللاردان استى. بۇل 2016 جىلعا قاراعاندا 14% جوعارى. سول كەزەڭدە قازاقستانعا شۆەيساريا ەكسپورتى دا 14% -عا ٴوستى.

«شۆەيساريا ٴبىز ٴۇشىن قازاقستاننىڭ ەۋروپاداعى ستراتەگيالىق جانە ماڭىزدى ساۋدا-ەكونوميكالىق ارىپتەسى بولىپ تابىلادى. ٴبىزدىڭ بۇگىنگى كەزدەسۋىمىز ساۋدا-ەكونوميكالىق بايلانىستاردى ودان ٴارى نىعايتۋعا، ٴوزارا مۇددەلى سالالارداعى ٴوزارا قارىم-قاتىناس سالالارىن كەڭەيتۋگە دەگەن ۇمتىلىسىمىزدىڭ تاعى ٴبىر دالەلى»، - دەدى قر ينۆەستيسيالار جانە دامۋ ٴمينيسترى.

سوڭعى 12 جىلدا شۆەيساريادان قازاقستانعا تىكەلەي ينۆەستيسيالاردىڭ جالپى اعىنى 20 ميلليارد دوللاردان استى. بۇگىنگى كۇنى قازاقستاندا ەنەرگەتيكا، كولىك، يننوۆاسيا، مەديسينا سياقتى سالالاردا شۆەيساريا كاپيتالىنىڭ قاتىسۋىمەن 300-دەن استام بىرلەسكەن كاسىپورىن جۇمىس ىستەيدى.

يوxانن شنايدەر-اممانن ٴوزىنىڭ ساپارى ەكىجاقتى ىنتىماقتاستىقتى نىعايتۋعا باعىتتالعانىن جانە شۆەيساريادا يننوۆاسيا مەن سيفرلاندىرۋدىڭ دامۋى تۋرالى ايتتى.

ٴوز كەزەگىندە، قر ينۆەستيسيالار جانە دامۋ ٴمينيسترى قاسىمبەك قاسىمبەك ەكىجاقتى ىنتىماقتاستىقتى ودان ٴارى تەرەڭدەتۋگە دايىن ەكەنىن جەتكىزدى.

كەزدەسۋ سوڭىندا بىرلەسكەن مالىمدەمەگە قول قويىلعاننان كەيىن ىشكى ۇيلەستىرۋدىڭ قوسىمشا ٴراسىمى جانە شۆەيساريا كونفەدەراسياسىنىڭ فەدەرالدىق كەڭەسى مەن قازاقستان رەسپۋبليكاسىنىڭ ۇكىمەتى اراسىنداعى باعالى مەتالدارعا جانە ولاردان جاسالعان بۇيىمدارعا قاتىستى بەلگىلەردى ٴوزارا تانۋ تۋرالى ٴتيىستى كەلىسىمگە قول قويىلدى.

ساپار بارىسىندا شۆەيساريا دەلەگاسياسى «پورت-قۇرىق» جشس، «اقتاۋ تەڭىزى سولتۇستىك تەرمينال» جشس، «مورپورت اكتاۋ» اەا №1 سۋبزونى، «قازاقستاندىق قۇبىرلار ترەيدەرلەرى» جشس (tenaris) جانە «arcelor mittal tubular products» اق ارالاپ كوردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي