USD 335.71 EUR 357.36 RUB 5.23
استانا:

قازاقستان مەن ماجارستان اراسىنداعى ساۋدا اينالىمى 80 ملن دوللارعا جەتتى – ت. جاقسىلىقوۆ

فوتو: Азамат ӘЛИЕВ

بيىلعى جىلدىڭ 8 ايىنىڭ قورىتىندىسى بويىنشا قازاقستان مەن ماجارستان اراسىنداعى ساۋدا اينالىمى 80 ملن دوللارعا جەتكەن. بۇل تۋرالى بۇگىن استانادا ٴوتىپ جاتقان ەكى ەل اراسىنداعى بيزنەس-فورۋمدا قر ۇلتتىق ەكونومكا ۆيسە-مينيسترى تيمۋر جاقسىلىقوۆ ايتتى، دەپ حابارلايدى baq.kz ٴتىلشىسى.

«بۇگىنگى تاڭدا قازاقستاندا ماجارستان سالعان كاپيتالدىڭ ارقاسىندا 50 بىرلەسكەن كاسىپورىن جۇمىس ىستەيدى. ولاردىڭ كوپشىلىگى قۇرلىس، ساۋدا، ٴوندىرىس سەكتورىنا باعىتتالعان. ەكى ەلدىڭ ساۋدا-ەكونوميكالىق ارىپتەستىگىن كەڭەيتۋ بويىنشا ۇلكەن پوتەنسيال بار. 2015 جىلى قازاقستان مەن ماجارستاننىڭ ساۋدا اينالىمى 102 ملن دوللاردى قۇرادى. ال بيىلعى جىلدىڭ 8 ايىنىڭ قورىتىندىسى بويىنشا بۇل كورسەتكىش 80 ميلليون دوللارعا جەتىپ وتىر. قازىرگى كەزدە ەكى ەل اراسىندا ستراتەگيالىق كەڭەس، ەكونوميكالىق ارىپتەستىككە بايلانىستى ۇكىمەتارالىق كوميسسيا، ىسكەرلىك كەڭەس، سونداي-اق اۋىلشارۋاشىلىعى جوبالارىن قارجىلاندىرۋعا بايلانىستى بىرلەسكەن قور قۇرىلعان. قازىرگى كەزدە ونىڭ كولەمى 40 ميلليون دوللارعا جەتىپ وتىر»، – دەيدى تيمۋر جاقسىلىقوۆ.

فورۋم جۇمىسى اياسىندا «kaznex invest» اۇ، «فيتوحيميا» حالىقارالىق عىلىمي-وندىرىستىك حولدينگى» جانە pannopharma ltd اراسىندا زاۋىت سۋبستانسيالار نەگىزىندە بىرەگەي دارى-دارمەكتەرىن ٴوندىرۋدى ۇيىمداستىرۋ جونىندەگى ٴوزارا تۇسىنىك تۋرالى مەموراندۋمعا قول قويىلدى. ودان بولەك «express» اق جانە «rail cargo hungario» اراسىندا حالىقارالىق ينتەرمودالدىق تاسىمالداۋدى دامىتۋ تۋرالى موراندۋمعا، «ابىلايحان» كومپانيالار توبى مەن «لاكيچ» ماشينا جاساۋ كومپانياسىنىڭ اراسىندا جەل ەلەكتر ستانسيالارىن ٴوندىرۋ جانە ساتۋ تۋرالى كەلىسىمگە، «وليمپ» كلينكالىق-دياگنوستيكالىق زەرتحاناسى مەن «77 ەلەكترونيكا» اراسىندا كەلىسىمدەرگە قول قويىلدى.
ايتا كەتەيىك، ماجارستان 2005 جىلدان بەرى قازاقستانعا 103،5 ميلليون دوللار تىكەلەي ينۆەستيسيا سالعان.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي