BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستان قالالارىندا العاشقى «جاسىل» جوبالار جۇزەگە اسىرىلا باستايدى

استانادا قر ينۆەستيسيالار جانە دامۋ مينيسترلىگى مەن «دامۋ» كاسىپكەرلىكتى دامىتۋ قورى» اق اراسىنداعى قازاقستانداعى بۇۇ دامۋ باعدارلاماسىنىڭ قارجىلاي قولداۋىمەن ەنەرگيا ۇنەمدەۋ ماسەلەلەرىمەن اينالىساتىن كاسىپكەرلەردى قولداۋ جونىندەگى شارالاردى قامتاماسىز ەتۋ بويىنشا ىنتىماقتاستىق تۋرالى بۇعان دەيىن جاسالعان كەلىسىم شەڭبەرىندە ٴباسپاسوز ٴماجىلىسى ٴوتتى، دەپ حابارلايدى baq.kz اقپارات اگەنتتىگى.

ٴىس-شارا اياسىندا مينيسترلىك وسى كەلىسىم بويىنشا تومەن كومىرتەكتى قالالىق جوبالاردى ىسكە اسىرۋعا كىرىسكەن كاسىپكەرلەرگە «جاسىل» سەرتيفيكاتتار تاپسىردى.

ٴباسپاسوز ماجىلىسىنە «دامۋ» كاسىپكەرلىكتى دامىتۋ قورى» اق باسقارما ٴتوراعاسىنىڭ ورىنباسارى داۋلەت ٴابىلقايىروۆ، قر يدم يندۋستريالدى دامۋ جانە ونەركاسىپتىك قاۋىپسىزدىك كوميتەتى ٴتوراعاسىنىڭ ورىنباسارى نىعمەدجان ماقاجانوۆ، قازاقستانداعى بىرىككەن ۇلتتار ۇيىمىنىڭ دامۋ باعدارلاماسىنىڭ ۇيلەستىرۋشىسى ۆيكتوريا بايگازينا، قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ وكىلدەرى مەن بۇۇدب ساراپشىلارى جانە مەنەدجەرلەرى قاتىستى.

«تومەن كومىرتەكتى دامۋعا ارنالعان تۇراقتى قالالار» سياقتى وزەكتى جوبالاردى جۇزەگە اسىرۋ - ۇلكەن جانە شاعىن قالالارداعى تۇراقتىلىقتى ساقتاپ، ەنەرگوتيىمدى قالا ينفراقۇرىلىمىنا ينۆەستيسيا تارتىپ قانا قويماي، قازاقستاننىڭ ٴىجو-نىڭ ەنەرگيا سىيىمدىلىعىن تومەندەتۋ بويىنشا مىندەتتەردى ورىنداپ، «جاسىل» ەكونوميكاعا وتۋىنە دە ىقپال ەتەدى»، - دەدى ٴتوراعا ورىنباسارى ن. ماقاجانوۆ.

ۆ. بايگازينانىڭ ايتۋىنشا، ەنەرگيا ۇنەمدەيتىن جوبالار سەكتورىندا مول وندىرىستىك تاجىريبەسى بار مامانداردى، سونداي-اق قاجەتتى پروسەستەردى سىناقتان وتكىزۋ مەن قۇرۋ جانە ساۋاتتى ۇيىمداستىرۋ ٴۇشىن قاجەتتى رەسۋرستاردى تارتۋ ەنەرگياسىن تۇتىنۋدى ازايتادى جانە بۋلى گازدار تاراۋىن قىسقارتادى. ياعني، وسىنداي جوبالاردى ىسكە اسىرۋدىڭ نەگىزگى ماقساتى بولىپ سانالادى.

«قالا شارۋاشىلىعى سالاسىندا ەنەرگوۇنەمدەۋ باعىتىندا ەڭبەك ەتەتىن شاعىن جانە ورتا كاسىپكەرلىك سۋبەكتىلەرىنە كوممەرسيالىق نەسيەلەرىنىڭ پايىزدىق مولشەرلەمەسىن سۋبسيديالاۋ مەن كەپىلدىك بەرۋ ارقىلى قولداۋ كورسەتىلەدى. ياعني ينۆەستيسيا تارتۋ ارقىلى بۋلى گاز تاراۋىن ازايتۋعا سەپ بولادى. بۇل جوبا تەك بيزنەستىڭ دامۋىنا قولداۋ كورسەتىپ قانا قويماي، قوعام مەن قورشاعان ورتانىڭ ەكولوگيالىق قاۋىپسىزدىگىن قامتاماسىز ەتۋگە قۇندى ۇلەس قوسادى»، - دەدى د. ٴابىلقايىروۆ.

2018 جىلدىڭ ٴبىرىنشى توقسانى سوڭىندا استانا جانە سولتۇستىك قازاقستان وبلىستارىنىڭ عيماراتتارىندا ەنەرگيا تۇتىنۋدى ازايتۋعا باعىتتالعان العاشقى التى جوبا ماقۇلداندى.

جوبالاردىڭ ٴبىرى – «transport tower» اكىمشىلىك-تەحنولوگيالىق كەشەنى عيماراتىنىڭ جارىقتاندىرۋ جۇيەسىن جاڭعىرتۋ جانە پايدالانۋ» مەملەكەتتىك-جەكەمەنشىك سەرىكتەستىك جوباسى. ونىڭ اياسىندا مينيسترلىك عيماراتىنىڭ جارىقتاندىرۋىن جاڭعىرتۋ جوسپارلانعان.

ەستەرىڭىزگە سالا كەتەيىك، تومەن كومىرتەكتى قالالىق جوبالاردى ىسكە اسىرۋ ٴۇشىن قارجىلىق قولداۋ مەحانيزمى قازاقستان رەسپۋبليكاسى ۇكىمەتى مەن بىرىككەن ۇلتتار ۇيىمىنىڭ دامۋ باعدارلاماسى/«تومەن كومىرتەكتى دامۋعا ارنالعان تۇراقتى قالالار» جاھاندىق ەكولوگيالىق قورىنىڭ حالىقارالىق جوباسى شەڭبەرىندە ازىرلەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي