BAQ.kz - Қазақстан жаңалықтары USD 326.52 BAQ.kz - Қазақстан жаңалықтары EUR 399.33 BAQ.kz - Қазақстан жаңалықтары RUB 5.26
استانا:

ىشكى نارىقتى قامتاماسىز ەتەتىن جانار-جاعارمايدىڭ 1 ايلىق قورى بار – ۆيسە-مينيستر 

ىشكى نارىقتى قامتاماسىز ەتۋگە قاجەتتى جانار-جاعارماي قالدىقتارىنىڭ كولەمى 1 ايلىق قوردى قۇرايدى. بۇل جونىندە بۇگىنگى ۇكىمەت وتىرىسىندا قر ەنەرگەتيكا ۆيسە-مينيسترى ماحامبەت دوسمۇحامبەتوۆ مالىمدەدى، دەپ حابارلايدى baq.kz ٴتىلشىسى.

«2018 جىلدىڭ ٴبىرىنشى توقسانى بويىنشا وتىن-ەنەرگەتيكا سالاسىنداعى الدىن الا قورىتىندىلارى جايىندا ايتسام، مۇناي جانە كوندەنسات ٴوندىرۋ كولەمى 22،4 ملن توننانى قۇرادى. بۇل 2017 جىلدىڭ سايكەس كەزەڭىمەن سالىستىرعاندا 6،1% ارتتى جانە وسى جىلدىڭ توقسان جوسپارى 2% ارتىعىمەن ورىندالدى. ٴۇش ٴىرى جوبا بويىنشا مۇناي ٴوندىرۋ كولەمى 13،5 ملن توننانى قۇرادى. سونىڭ ىشىندە، قاشاعاندا 2،9 ملن توننا، تەڭىزدە 7،4 ملن توننا، قاراشىعاناقتا 3،2 ملن توننا مۇناي ٴوندىرىلدى. ٴبىرىنشى توقساندا 18 ملن توننا مۇناي ەكسپورتتالدى. مۇناي وڭدەۋ كولەمى 3،9 ملن توننانى قۇرادى. 2017 جىلدىڭ سايكەس كەزەڭىمەن سالىستىرعاندا 9،4% ٴوسىم كورسەتتى. وسى جىلدىڭ توقسان جوسپارى 2% ارتىعىمەن ورىندالدى»، - دەدى دوسمۇحامبەتوۆ.

سونداي-اق، ونىڭ ايتۋىنشا، اعىمداعى جىلدىڭ ٴبىرىنشى توقسانىندا ەلىمىزدەگى ٴۇش مۇناي وڭدەۋ زاۋىتى 2،8 ملن توننا كولەمىندە مۇناي ونىمدەرىن شىعاردى. بۇل 2017 جىلدىڭ سايكەس كەزەڭىمەن سالىستىرعاندا شامامەن 5% ارتىق.

«جالپى، ٴبىرىنشى توقسان بويىنشا مۇناي ونىمدەرىنىڭ نارىعىنداعى جاعداي تۇراقتى جانە جانار-جاعارماي تاپشىلىعى بايقالمايدى. ىشكى نارىقتى قامتاماسىز ەتۋگە قاجەتتى جانار-جاعارماي قالدىقتارىنىڭ كولەمى 1 ايلىق قوردى قۇرايدى. بەنزين 324،2 مىڭ توننا، ديزەل وتىنى 334،8 مىڭ توننا بولىپ وتىر»، - دەدى ۆيسە-مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي