BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اياگوزدەن شاۋەشەككە تەمىرجول سالىنۋى مۇمكىن

فوتو: altaynews.kz

استانا، baq.kz. قىتايدىڭ شىڭجاڭ-ۇيعىر اۆتونومدى اۋدانى شاۋەشەك وكرۋگىنىڭ رەسمي دەلەگاسياسى شىعىس قازاقستان وبلىسىنا جۇمىس ساپارىمەن كەلدى، دەپ جازالدى altaynews.kz.

توپتى شۇاا تارباعاتاي وكرۋگى پارتيا كوميتەتى حاتشىسىنىڭ ورىنباسارى يان سزيۋنشەن باستاپ كەلدى.

قىتايلىقتار الاكولدىڭ تۋريستىك الەۋەتىمەن تانىسۋ ماقساتىندا جاعالاۋداعى دەمالىس بازالارىندا، سونداي-اق، گلۋبوكوە اۋدانىنداعى مايلى داقىلداردىڭ تاجىريبەلىك شارۋاشىلىعىنا، ۇلان اۋدانىنداعى قۇس فابريكاسىنا، وسكەمەندەگى روبوتتى حيرۋرگيا ورتالىعىنا، ٴۇلبى مەتاللۋرگيالىق زاۋىتىنا جانە ولكەتانۋ مۇراجايىنا بارىپ، جۇمىستارىمەن تانىستى.

بۇدان سوڭ دەلەگاسيا وبلىس اكىمى دانيال احمەتوۆتىڭ قابىلداۋىندا بولدى. كەزدەسۋ بارىسىندا تاراپتار شەكارالىق ساۋدا اۋماعىن دامىتۋ، تاچەن – اياگوز تەمىرجولىن سالۋ، ٴتۋريزمدى وركەندەتۋ، مەديسينا سالاسىندا ىنتىماقتاستىق ورناتۋ سىندى ماسەلەلەردى تالقىلادى.

قىتاي جاعى وبلىستىڭ اۋىل شارۋاشىلىق ونىمدەرىنە قىزىعۋشىلىق تانىتىپ وتىر. وسكەمەندە سەرتيفيكاتتاۋ زەرتحاناسى اشىلماق، اتالمىش مەكەمە ونىمدەرىمىزدى قىتايعا كوپتەپ ەكسپورتتاۋعا مول مۇمكىندىكتەر تۋعىزاتىن بولادى.

«ارىپتەستىكتىڭ ەڭ ٴبىر ماڭىزدى سالاسى – تۋريزم. اتاپ ايتساق، قىتايلىق ازاماتتاردىڭ الاكول جاعاسىندا دەمالعانىن قالايمىز. ٴبىز الاكولدە بولىپ، تابيعاتىنىڭ ەرەكشە سۇلۋلىعىنا، سۋى مەن بالشىعىنىڭ ەمدىك قاسيەتتەرىنە كۋا بولدىق»، – دەدى دەلەگاسيا باسشىسى.

كەزدەسۋ سوڭىندا ايماق باسشىسى وبلىس دەلاگاسياسىنىڭ تاچەن وكرۋگىنە تاجىريبە الماسۋ جانە تانىسۋ ماقساتىنداعى ٴىسساپارى كوزدەلىپ وتىرعانىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي