USD 336.23 EUR 360.3 RUB 5.28
استانا:

استانادا وڭتۇستىك قازاقستان وبلىسىنىڭ كۇندەرى قورىتىندىلاندى

كەشەلى-بەرى ارقا ٴتوسىن ٴان-دۋمانعا بولەپ، استا-توك اۋىل شارۋاشىلىعى ونىمدەرىن اكەلگەن وڭتۇستىك قازاقستان وبلىسىنىڭ ەلوداداعى كۇندەرى قورىتىندىلاندى. اۋقىمدى شارا اياسىندا ايماق ونەرپازدارى «ٴان شاشۋىم وزىڭە، مەرەيلى استانام» اتتى گالا-كونسەرت وتكىزدى.

شۋاقتى وڭتۇستىك قاشاندا مازمۇندى مادەني باعدارلاماسىمەن ەرەكشە. بۇل جولى ونداعان تەاتر ۇجىمىنىڭ 300-دەي تانىمال تالانتتارى ونەر كورسەتىپ، ەلگە رۋحاني ازىق سىيلادى. كونسەرتتى وبلىس باسشىسى جانسەيىت تۇيمەبايەۆ پەن ەلوردا اكىمى اسەت يسەكەشوۆ تە تاماشالادى.

شارا اياسىندا «نۇرىن شاشقان وڭتۇستىك» دەگەن اتاۋمەن فوتوكورمە ۇيىمداستىرىلدى. وعان ايماقتىڭ تاۋەلسىزدىك جىلدارىنداعى تىنىس-تىرشىلىگى ارقاۋ ەتىلدى. سونداي-اق ەلباسىنىڭ رەسمي ساپارلارىنان سىر شەرتەتىن كورنەكى قۇرالدار كورسەتىلدى.

بولاتبەك تولەگەن، وقو ىشكى ساياسات باسقارماسىنىڭ باسشىسى:

- ەكى كۇننىڭ اياسىندا 30-تان استام ٴىس-شارا ۇيىمداستىرىلدى. سونداي-اق 300 توننادان استام اۋىل شارۋاشىلىق ونىمدەرىن اكەلىپ، نارىقتان تومەن باعادا جارمەڭكە ٴوتتى. وسى ٴىس-شارا اياسىندا وڭىرلەر اياسىنداعى بىرلىكتى نىعايتتىق دەپ ويلايمىز.

اينابەك وسپانوۆ، قر ەڭبەك سىڭىرگەن قايراتكەرى:

- كورمە تاۋەلسىزدىكتىڭ 25 جىلدىعىنا ارنالعان. وسى 25 جىل كولەمىندە ەلباسى ٴبىزدىڭ وڭتۇستىككە كوپتەگەن ساپارلار جاسادى. ٴارتۇرلى جۇمىستار جۇرگىزدى. سونىڭ ٴبىرى مىسالى، 1993 جىلى ورداباسىداعى كەزدەسۋدەن باستالادى. سونان كەيىن، سپورت الەمىندەگى جۇلدىزدارمەن جولىقتى. سودان كەيىن «بولاشاق» باعدارلاماسى، وندىرىستىك، ونەركاسىپتىك باعدارلامالار بويىنشا تۇسىرىلگەن سۋرەتتەر قويىلدى.

حابار 24.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي