USD 335.71 EUR 357.36 RUB 5.23
استانا:

اسقار مامين تۇرىكمەنستان پرەزيدەنتىمەن كەزدەستى

قر پرەمەر-مينيسترىنىڭ ٴبىرىنشى ورىنباسارى اسقار مامين اشحابادتا وتكەن حالىقارالىق تۇراقتى كولىك بويىنشا جاھاندىق كونفەرەنسياعا قاتىستى، دەپ حابارلايدى primeminister.kz. كونفەرەنسيا اياسىندا ا.مامين تۇرىكمەنستان پرەزيدەنتى گۋربانگۋلى بەردىمۇحامەدوۆپەن كەزدەستى.

ا. مامين ٴوڭىردىڭ الەم مۇحيتتارى مەن حالىقارالىق تەڭىز جولدارىنا شىعۋ مۇمكىندىگى جوق، ەكونوميكالىق دامۋ ەلدەرى تۇرعىسىنان العانداعى تۇراقتى كولىك تاقىرىبىنىڭ ماڭىزدىلىعىن اتاپ ٴوتتى.

«ساۋدا اعىندارىن زاماناۋي لوگيستيكالىق ينفراقۇرىلىممەن جانە جەتكىزۋدىڭ جىلدامدىعى مەن باعاسى جاعىنان ساپالى قىزمەتىمەن قامتاماسىز ەتۋ – ترانزيتتىك دالىزدەردىڭ قاتىسۋشى ەلدەرىنە جاڭا نارىقتاردى يگەرىپ، جۇك اعىنىن تارتۋعا مۇمكىندىك بەرەدى»، - دەدى ا.مامين.

ونىڭ ايتۋىنشا، بۇۇ باس اسسامبلەياسىنىڭ 70-سەسسياسى اياسىندا قابىلدانعان تۇراقتى دامۋ ماقساتتارى، سونىڭ ىشىندە تۇراقتى سيپاتتاعى ترانزيتتىك جانە كولىك ينفراقۇرىلىمىن قۇرۋ جاھاندىق دامۋدىڭ ماڭىزدى قارقىنى بولىپ تابىلادى.

«قازاقستان ٴوڭىردىڭ لوگيستيكالىق ينفراقۇرىلىمىن جەتىلدىرۋگە جانە دامۋىنا ايتارلىقتاي ۇلەسىن قوسۋدا»، - دەدى ا.مامين.

جاھاندىق كونفەرەنسياعا قاتىسۋ اياسىندا قر پرەمەر-مينيسترىنىڭ ٴبىرىنشى ورىنباسارى تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ قابىلداۋىندا بولدى.

تاراپتار قازاقستان پرەزيدەنتى نۇرسۇلتان نازاربايەۆتىڭ ەكىجاقتى قازاقستاندىق-تۇرىكمەندىك قارىم-قاتىناستى دامىتۋداعى، مەملەكەتارالىق بايلانىستاردىڭ بارلىق سالالارىندا ىنتىماقتاستىقتى نىعايتۋداعى ٴرولى مەن ماڭىزدىلىعىن باسا ايتتى.

كەزدەسۋ بارىسىندا ماڭىزدى بولىگى قازاقستان-تۇرىكمەنستان-يران جاڭا تەمىرجول ماگيسترالى بولىپ تابىلاتىن «سولتۇستىك-وڭتۇستىك» تەمىرجول ٴدالىزىن دامىتۋ پەرسپەكتيۆالارى تالقىلاندى. 2014 جىلعى جەلتوقساندا قازاقستان، تۇرىكمەنستان جانە يران پرەزيدەنتتەرى ٴۇش مەملەكەتتى جالعايتىن وزەن–بەرەكەت–گورگان تەمىرجول ماگيسترالىن اشتى.

تاراپتار بۇل حالىقارالىق ماگيسترالدىڭ ٴوڭىردىڭ ەكونوميكاسىن دامىتۋداعى، سونداي-اق ەكى ەل اراسىنداعى ٴوزارا ٴتيىمدى ىنتىماقتاستىقتىڭ گۇلدەنۋى جانە ونى نىعايتۋداعى ماڭىزدىلىعىن اتاپ ٴوتتى.

بۇدان وزگە، تاراپتار گاز، ترانسشەكارالىق سۋدى پايدالانۋ سالاسىنداعى قازاقستاندىق-تۇرىكمەندىك ىنتىماقتاستىقتى دامىتۋ ماسەلەلەرى جونىندە پىكىر الماستى.

ا.مامين الداعى ەكسپو-2017 «بولاشاق ەنەرگياسى» حالىقارالىق كورمەسىنە قاتىساتىندىعى ٴۇشىن تۇرىكمەن تاراپىنا العىس ايتتى.

فورۋم اياسىندا ا. مامين قىتاي، رەسەي، تۇركيا، ٴازىربايجان، ۋكراينا ۇكىمەتتەرىنىڭ مۇشەلەرىمەن كەزدەسۋ وتكىزدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي