BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اۋىل شارۋاشىلىعى ونىمدەرىنىڭ 20-دان استام ٴتۇرى قىتايعا ەكسپورتتالادى

استانا، baq.kz. قازاقستان رەسپۋبليكاسىنىڭ پرەمەر-مينيسترىنىڭ ورىنباسارى-اۋىل شارۋاشىلىعى ٴمينيسترى ٴومىرزاق شوكەەۆتىڭ قىتاي حالىق رەسپۋبليكاسىنا جاساعان ساپارى بارىسىندا قىتايدىڭ باس كەدەن باسقارماسىنىڭ توراعاسىمەن كەلەسى 2 جىلدا، 2019-2020 جىلدارعا قىتايعا ەكسپورتتايتىن 20 جاڭا اۋىل شارۋاشىلىعى ونىمدەرىنىڭ تۇرلەرى تۋرالى جول كارتاسىنا قول قويىلدى.

بۇگىنگى تاڭدا 13 تاۋار ٴتۇرى بويىنشا 13 حاتتاماعا قول قويىلدى، تاعى ٴۇش حاتتاما قر پرەمەر-مينيسترىنىڭ قحر-عا رەسمي ساپارى كەزىندە قول قويۋعا كەلىسىلدى.

جول كارتاسىنا قول قويىلعان جاڭا 20 حاتتاما قۇس شارۋاشىلىعى ونىمدەرى، جىلقى ەتى جانە شوشقا ەتى، سونداي – اق مال سويۋعا ارنالعان ٴتىرى ٴمال-ىقم جانە ۇقم. وسىمدىك شارۋاشىلىعى ونىمدەرىنەن جاڭا جول كارتاسىنا راپس، سافلور، قاراقۇمىق، بۇرشاق، نۋت، كۇنجۋت، كوكونىس پەن جەمىستەردىڭ كەيبىر تۇرلەرى، جاڭعاقتار مەن پىستە، توڭازىتىلعان ەت تۇرلەرى، سونىڭ ىشىندە سالقىنداتىلعان قوي ەتى كىردى.

ساپار بارىسىندا قازاقستاندىق دەلەگاسيا 130-دان استام ەل مەن ۇلتارالىق كومپانيالار قاتىساتىن «china international import expo» يمپورتتىق تاۋارلاردىڭ حالىقارالىق كورمەسىندە بولدى. قازاقستان رەسپۋبليكاسى ۇلتتىق پاۆيلونىندا 30-دان استام كومپانيا ۇسىنىلعان، ولاردىڭ نەگىزگى بولىگى ازىق-تۇلىك وندىرۋشىلەر بولىپ تابىلادى.

“china international import expo” كورمەسى كەزىندە ٴومىرزاق شوكەەۆ “ساۋدا جانە يننوۆاسيالار” فورۋمىنا قاتىسىپ، حالىقارالىق كورمە قوناقتارىنىڭ الدىندا بايانداما جاساپ، قازاقستاننىڭ اۋىل شارۋاشىلىعىنا ينۆەستيسيالاۋدىڭ ارتىقشىلىقتارى تۋرالى ايتىپ بەردى.

سونىمەن قاتار، “ساۋدا جانە يننوۆاسيالار” فورۋمىندا كورمەنىڭ ۇلتتىق دەلەگاسيالارىنىڭ باسشىلارى – ەۋرووداق ەلدەرىنىڭ پرەمەر-مينيسترلەرى جانە مينيسترلەرى، ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) باسشىلىعى، سونداي-اق microsoft بيلل گەيتس جانە alibaba دجەك ما نەگىزىن قالاۋشى اتاقتى ساراپشىلار ٴسوز سويلەدى.

كورمە بارىسىندا قازاقستان رەسپۋبليكاسى اۋىل شارۋاشىلىعى مينيسترلىگىنىڭ، «قازاگرو» اق باسشىلىعىنىڭ جانە وبلىستىق اكىمدىكتەردىڭ وكىلدەرىنىڭ قاتىسۋىمەن قىتاي مەن قازاقستاننىڭ ىسكەر توپتارىنىڭ ەكىجاقتى كەزدەسۋلەرى ٴوتتى.

b2b فورماتىنداعى كەزدەسۋلەر بارىسىندا پاۆلودار وبلىسىنداعى قانت زاۋىتىن سالۋ ماسەلەلەرىن ازىرلەۋ جونىندە كەلىسىمدەرگە قول جەتكىزىلدى. ول ٴۇشىن جاقىن ارادا قازاقستانعا 3 ٴىرى قىتايلىق كومپانيا وكىلدەرى كەلەدى.

سونىمەن قاتار، “qazaq capital partners” مەن “wudeli flour group co. ltd ” اراسىندا استانا قالاسىندا استىق وڭدەۋ جانە كەسپە ٴوندىرۋ زاۋىتىن سالۋ تۋرالى مەموراندۋمعا قول قويىلدى.

قىتاي كومپانيالارىنىڭ وكىلدەرى قازاقستاننىڭ اۋىل شارۋاشىلىعى سالاسىنا ۇلكەن قىزىعۋشىلىق تانىتىپ، ودان ٴارى ماشينا جاساۋ، ەت وڭدەۋ، جەمشوپ ٴوندىرىسى، لوگيستيكا، سونداي-اق اۋىل شارۋاشىلىعى تاۋار وندىرۋشىلەرىنىڭ ساۋدا جانە ماركەتينگ سالالارىنا ينۆەستيسيا سالۋدى جوسپارلاپ وتىر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي