USD 336.23 EUR 360.3 RUB 5.28
استانا:

اقتوبەگە پرەمەر-مينيستردىڭ ٴبىرىنشى ورىنباسارى اسقار مامين كەلدى

فوتو: автор

پرەمەر-مينيستردىڭ ٴبىرىنشى ورىنباسارى اسقار مامين اقتوبەگە جۇمىس ساپارىمەن كەلدى. ساپار بارىسىندا اقتوبە رەلس-ارقالىق زاۋىتىنا، اقتوبە ٴۇي كومبيناتى مەن بىرنەشە ٴوندىرىس ورنىنا باردى. سونىمەن قاتار، تۇرعىن ٴۇي قۇرىلىس جيناق بانكى ارقىلى سالىنىپ جاتقان تۇرعىن ٴۇي قۇرىلىسىمەن تانىستى، دەپ حابارلايدى baq.kz ٴتىلشىسى.

پرەمەر-مينيستردىڭ ٴبىرىنشى ورىنباسارى اسقار مامين اقتوبەدەگى ٴىرى ٴوندىرىس ورىندارىنىڭ جۇمىسىمەن تانىستى. الدىمەن اقتوبە رەلس-ارقالىق زاۋىتىنا بارىپ، قۋاتتىلىعى جىلىنا 430 مىڭ توننا ٴونىم شىعاراتىن زاۋىتتى ارالاپ كوردى. كەيىن تۇرعىن ٴۇي قۇرىلىسىن جەدەلدەتىپ، باعانى تۇراقتى ۇستاپ تۇرۋعا ىقپال ەتەتىن «ٴۇي قۇرىلىس كومبيناتى» سەرىكتەستىگىنىڭ بەتون قابىرعالار ٴوندىرىسىن قاراپ شىقتى. ۇكىمەت باسشىسىنىڭ ٴبىرىنشى ورىنباسارى ا. مامين باستاعان جۇمىس توبى تاۋ-كەن سالاسىنا قاجەتتى مەتالل قۇرىلعىلار، شاحتا ٴۇشىن تىرەۋ شىعاراتىن ٴوندىرىس ورنىندا بولدى. «كاسپيي پليۋس» سەرىكتەستىگى بولات كەسەككە قاجەتتى شيكىزاتتى قاراعاندىدان الىپ وتىر. كومپانيا ديرەكتورى جاندوس پانگەرەەۆتىڭ ايتۋىنشا، بۇل جەردە شىعارىلاتىن ٴونىم 100 پايىز قازاقستاندىق ۇلەستى قۇرايدى. جاڭا ٴوندىرىس ورنىندا 30 ادام جۇمىس ىستەپ جاتىر. جىل باسىنان بەرى قۇنى 145 ميلليون تەڭگەنىڭ ٴونىمى شىعارىلدى.

اقتوبەدە شەشىمى تابىلماي تۇرعان ماسەلەلەر دە بار. ماسەلەن، «تەڭىزشەۆرويلدىڭ» تاپسىرىستارىن ورىنداۋعا اقتوبەلىك كاسىپكەرلەر دايىن. الايدا الپاۋىت كومپانيا ٴالى كۇنگە دەيىن قازاقستاندىق تاۋار وندىرۋشىلەردى جانىنا جۋىتار ەمەس. سونىمەن قاتار، ەلىمىزدىڭ باتىس ايماعى مۇناي كومپانياسى كەڭەيگەن كەزدە كادر دايىنداپ بەرۋگە ٴازىر.

«ٴقازىر قىتاي مەن قازاقستان اراسىندا، اسىرەسە، اقتوبەدە بەس جوبا دايىن تۇر. كەلىسىمگە قول قويىلعانىمەن، العا جىلجۋ جوق. بۇل جالپى قۇنى 1،5 ميلليارد دوللار بولاتىن جوبا. ولار: كاليي تىڭايتقىشى، كاتودتى مىس، سەمەنت، مينەرالدى تىڭايتقىش جانە جارىلعىش زاتقا قاجەتتى اكتاس شىعاراتىن زاۋىتتار»،- دەدى وبلىس اكىمى بەردىبەك ساپاربايەۆ.

ايتا كەتەيىك، ۇكىمەت باسشىسىنىڭ ٴبىرىنشى ورىنباسارى اسقار مامينگە جەر قويناۋىن پايدالانۋشىلاردى ەرەكشە نازارعا الۋدى ۇسىندى. سەبەبى، جەرگىلىكتى كاسىپكەرلەر ەكونوميكالىق، الەۋمەتتىك مىندەتتەرىن ورىنداۋعا ق ۇلىقسىزدىق تانىتىپ وتىر. كەلىسىم بويىنشا اقتوبە وبلىسىنىڭ اكىمدىگى مەن ۇكىمەت بىرلەسكەن باقىلاۋ كوميسسياسىن قۇرىپ، ٴار جەر قويناۋىن پايدالانۋشىمەن جەكە-جەكە جۇمىس ىستەيتىن بولدى.

التىناي ساعىندىقوۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي