USD 335.61 EUR 361.32 RUB 5.26
استانا:

اقتوبە وبلىسى مەن رەسەي اراسىندا تاۋار اينالىمى 12 ەسەگە ۇلعايعان

اقتوبەلىك دەلەگاسيا «ورەنبۋرجە – ەۋرازيا جۇرەگى» حالىقارالىق فورۋمىنا قاتىسىپ قايتتى. رەسەي، ارمەنيا، قىرعىزستان، وزبەكستان جانە بەلارۋس ەلدەرىنىڭ كاسىپكەرلەرىمەن تاجىريبە الماسىپ، ورتاق ماسەلەلەردى بىرگە تالقىلادى.

وسىمەن التىنشى رەت وتكەن فورۋمنىڭ ماقساتى – شەكارارالىق ارىپتەستىكتى دامىتىپ، ەكسپورتتىڭ الەۋەتىن ارتتىرۋ. فورۋم اياسىندا رەسەيلىك جاس كاسىپكەرلەردىڭ «بيزنەس-كلاسس» جوبالار بايقاۋى ٴوتتى. وعان التى جۇزدەن استام ىسكەر جاس تىڭ يدەياسىن ۇسىنعان. ساراپشىلار 50 بيزنەس جوبانى ىرىكتەپ الدى. اقتوبە وبلىسى اكىمىنىڭ ۇسىنىسىمەن اتالعان بايقاۋعا كەلەسى جىلدان باستاپ قازاقستاندىق كاسىپكەرلەر دە قاتىسا الادى.

جالپى، 25 جىل ىشىندە اقتوبە وبلىسى مەن رەسەي اراسىندا تاۋار اينالىمى 12 ەسەگە ۇلعايىپ، 70 ملن اقش دوللارىنان 862 ملن-عا دەيىن وسكەن. كورشىلەس ورىنبور وبلىسىندا اقتوبەلىك بىرنەشە كاسىپورىننىڭ فيليالدارى تۇراقتى جۇمىس ىستەپ تۇر. جاقىندا وڭىردەگى ەڭ ٴىرى كونديتەرلىك سەح ورىنبوردىڭ ورتالىعىندا دۇكەنىن اشتى.

زاۋرەش ەركىنالينوۆا، كونديتەرلىك ونىمدەر شىعاراتىن ٴوندىرىس ديرەكتورى:

- ٴبىز ٴوز كۇشىمىزبەن وسىنداي دۇكەن اشتىق. مەملەكەت تاراپىنان دا قولداۋ بولدى. رەسەيلىكتەرگە ٴونىمنىڭ جۇزدەگەن ٴتۇرىن ۇسىنىپ وتىرمىز. ورىنبور تۇرعىندارىنا تاتتىلەرىمىز ۇنادى. تۇراقتى تۇتىنۋشىلارىمىز پايدى بولدى.

بەردىبەك ساپاربايەۆ، اقتوبە وبلىسىنىڭ اكىمى:

- ينتەگراسيا، كووپەراسيا جانە ارىپتەستىكتى اركەز دامىتىپ وتىرۋمىز كەرەك. سونىڭ ٴبىر دالەلى – وسى حالىقارالىق فورۋم. جاس كاسىپكەرلەردىڭ اياعىنان تۇرىپ كەتۋىنە سەپتىگىن تيگىزەتىن وسىنداي جوبالار ٴبىزدىڭ كوڭىلىمىزدەن شىقتى. بۇل بيزنەس بايقاۋدى حالىقارالىق دەڭگەيدە وتكىزۋدى ۇسىندىق. بولاشاقتا اقتوبەلىك كاسىپكەرلەر دە قاتىساتىن بولدى.

حابار 24.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي