USD 335.71 EUR 357.36 RUB 5.23
استانا:

 2018 جىلدان باستاپ قازاقستاندا الەۋمەتتىك كومەكتىڭ جاڭا ٴتۇرى ەنگىزىلەدى

2018 جىلدان باستاپ قازاقستاندا الەۋمەتتىك كومەكتىڭ جاڭا ٴتۇرى ەنگىزىلەدى. دەنساۋلىق ساقتاۋ جانە الەۋمەتتىك دامۋ مينيسترلىگى جۇمىسسىزدىقپەن وسىلاي كۇرەسپەك.

ٴقازىر پيلوتتىق جوبا رەتىندە «ورلەۋ» باعدارلاماسى جۇزەگە اسىرىلىپ جاتىر. ماراتوۆتار وتباسى اقمولا وبلىسىنا قاراستى سەمەنوۆكا اۋىلىنا ٴبىر جىل بۇرىن قونىس اۋداردى. ٴقازىر تاڭات پەن گۇلزەراي 8 بالانى ماپەلەپ ٴوسىرىپ وتىر.

تاڭات ماراتوۆ، «ورلەۋ» باعدارلاماسىنىڭ قاتىسۋشىسى:

- وسى كىشكەنتايلاردىڭ كەلەشەگى جاقسى بولسىن دەپ، وسى جاققا كوشىپ كەلدىك. 2007 جىلى استانا قالاسىندا جۇمىس ىستەپ، سەمەنوۆكا اۋىلىنا بىلتىر كوشىپ كەلدىك.

وتاعاسىنا اۋەلدە تۇراقتى جۇمىس تابىلمادى. ٴبىراق ٴۇي يەسى قول قۋسىرىپ وتىرماي، باقشا ەگىپ، كۇنىن كورە باستادى. ال جاقىندا «ورلەۋ» باعدارلاماسى بويىنشا جەرگىلىكتى اكىمدىككە قىزمەتكە تۇردى. ەندى تۇراقتى ەڭبەكاقىسى بار. بۇدان بولەك، ول 100 مىڭ تەڭگەدەن استام جاردەماقى الادى. اقشانىڭ باسىن قۇراپ، تاياۋدا شاعىن شارۋاشىلىق اشتى.

تاڭات ماراتوۆ، «ورلەۋ» باعدارلاماسىنىڭ قاتىسۋشىسى:

- ٴقازىر قۇس اسىراپ وتىرمىز، ەندى مىنا «ورلەۋ» باعدارلاماسىنىڭ ارقاسىندا قارا مال الساق، ٴسۇت بولادى. تابيعي زاتتار جەسە، حالقىمىزدى دەنى ساۋ بولادى عوي. سوندىقتان مالدىڭ باسىن كوبەيتىپ، جىلقى دا اسىرايمىز با دەپ وتىرمىز.

نازكەن ماكەنبايەۆا، «ورلەۋ» باعدارلاماسى بويىنشا كومەكشى:

- 2014 جىلدان باستاپ «ورلەۋ» باعدارلاماسى بويىنشا پيلوتتىق جوبا رەتىندە جۇمىس ىستەيمىز. بۇل باعدارلاما شارتى اقشالاي كومەك رەتىندە جەتىمسىز وتباسىلارعا بەرىلەتىن كومەك اقشا. نوۆويشيمكا سەلولىق وكرۋگىندە وتباسىلار ٴقازىر الىپ جاتىر. وسى كۇنگە دەيىن 6 وتباسى الدى.

بۇگىندە 30 مىڭنان استام ادام «ورلەۋ» باعدارلاماسىنىڭ شاراپاتىن كورىپ وتىر. بۇل - ەلىمىزدىڭ 160-تاي اۋدانى مەن قالا تۇرعىندارى.

اينۇر ٴابدىراحمانوۆا، قر دەنساۋلىق ساقتاۋ جانە الەۋمەتتىك دامۋ مينيسترلىگى دەپارتامەنتى باسقارماسىنىڭ باس ساراپشىسى:

- «ورلەۋ» باعدارلاماسىنا قاتىسۋ ٴۇشىن تابىسىنا قاراي ەسەپتەلىنەتىن بولادى. بۇل جەردە كوپبالالى وتباسىلارمەن عانا شەكتەلمەيدى. ەگەر وتباسىنىڭ كىرىسى ەڭ تومەنگى كۇنكورىس دەڭگەيىنىڭ 60 پايىزىنان تومەن بولعان جاعدايدا، تولەنەتىن اقشالاي كومەك. كەم دەگەندە ٴبىر قابىلەتتى وتباسى مۇشەسى بولعان جاعدايدا الەۋمەتتىك كەلىسىم-شارت جاساسۋ ارقىلى تولەنەتىن شارتتى اقشالاي كومەك.

ال تۇراقتى تابىسى بار كوپبالالى وتباسىلار ٴۇشىن سالىقتىق جەڭىلدىكتەر قاراستىرىلعان. وسىعان قاتىستى سالىق كودەكسىنە ٴتيىستى تۇزەتۋلەر ەنگىزىلىپ، بۇل نورما 2017 جىلدىڭ ٴبىرىنشى قاڭتارىنان باستاپ كۇشىنە ەنەدى.

حابار 24.kz

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي