BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

مەملەكەت باسشىسى جوعارى ەەك وتىرىسىنا قاتىستى

فوتو: Бауыржан Жуасбаев

كەڭەستىڭ وتىرىسىنا بەلارۋس رەسپۋبليكاسىنىڭ پرەزيدەنتى ا.لۋكاشەنكو، قىرعىز رەسپۋبليكاسىنىڭ پرەزيدەنتى س.جەەنبەكوۆ، رەسەي فەدەراسياسىنىڭ پرەزيدەنتى ۆ.پۋتين، مولدوۆا رەسپۋبليكاسىنىڭ پرەزيدەنتى ي.دودون، ارمەنيا رەسپۋبليكاسىنىڭ پرەمەر-مينيسترى ن.پاشينيان جانە ەۋرازيالىق ەكونوميكالىق كوميسسيا القاسىنىڭ ٴتوراعاسى ت.ساركيسيان دا قاتىستى، دەپ حابارلايدى اقوردانىڭ ٴباسپاسوز قىزمەتى.

باسقوسۋ بارىسىندا تاراپتار ەكونوميكالىق وداق اياسىنداعى ەكونوميكالىق ٴوزارا ىقپالداستىقتى نىعايتۋ ماسەلەلەرىن تالقىلادى.

قازاقستان پرەزيدەنتى ەۋرازيالىق ەكونوميكالىق وداققا مۇشە ەلدەردىڭ ودان ٴارى ەكونوميكالىق ينتەگراسيالانۋ ناتيجەلەرى مەن پەرسپەكتيۆالارىنا ەرەكشە توقتالدى.

فوتو: باۋىرجان جۋاسبايەۆ

مەملەكەت باسشىسى ينتەگراسيالىق ۇدەرىستەر ەۋرازيالىق ەكونوميكالىق وداققا مۇشە ەلدەردىڭ ەكونوميكالىق دامۋ قارقىنىنا زور ۇلەس قوسىپ وتىرعانىن ايتتى.

– بۇعان ستراتەگيالىق سالالارداعى – اۋىل شارۋاشىلىعى مەن ونەركاسىپتەگى وڭ قارقىن سەپتىگىن تيگىزدى. سىرتقى ساۋدادا دا، ىشكى ساۋدادا دا ايتارلىقتاي ىلگەرىلەۋشىلىك بار. بىلتىر ەۋرازيالىق ەكونوميكالىق وداقتىڭ سىرتقى جانە ٴوزارا ىشكى ساۋدا-ساتتىق كولەمى تيىسىنشە 24،4 جانە 26،1 پايىزعا ٴوستى. وڭ قارقىن بيىل دا ساقتالىپ وتىر، – دەدى قازاقستان پرەزيدەنتى.

نۇرسۇلتان نازاربايەۆ ەكونوميكالىق وداقتىڭ حالىقارالىق بەدەلى ارتا تۇسكەنىن، سونداي-اق شەت ەلدەر وسى ۇيىممەن ساۋدا-ەكونوميكالىق قاتىناستاردى دامىتۋعا زور قىزىعۋشىلىق تانىتىپ وتىرعانىن اتاپ ٴوتتى.

فوتو: باۋىرجان جۋاسبايەۆ

مەملەكەت باسشىسى جوعارى ەۋرازيالىق ەكونوميكالىق كەڭەستىڭ شاعىن قۇرامدا وتكەن وتىرىسىنىڭ ناتيجەلەرىنە ەرەكشە توقتالدى. وندا ەۋرازيالىق ەكونوميكالىق وداقتىڭ جارعىلىق شارتىنا جانە ۇيىمنىڭ حالىقارالىق قىزمەتىنە وزگەرىستەر ەنگىزۋ، سونداي-اق ەكونوميكالىق وداقتىڭ ودان ٴارى دامۋىن قامتاماسىز ەتۋ ماسەلەلەرى تالقىلاندى.

قازاقستان پرەزيدەنتى زاماناۋي كۇردەلى گەوەكونوميكالىق جاعدايدى ەسكەرە وتىرىپ، قابىلدانعان شەشىمدەردىڭ ورىندالۋىنا تالداۋ جاساۋ جانە ەۋرازيالىق ەكونوميكالىق وداقتىڭ ەكونوميكاسىن ىلگەرىلەتۋ جونىندەگى شارالار كەشەنىن ازىرلەۋ ٴۇشىن ارنايى ۇكىمەتارالىق جۇمىس توبىن قۇرۋدى ۇسىندى.

– ٴىرى ينفراقۇرىلىمدىق «مەگاجوبالاردى» ىسكە اسىرۋ مۇمكىندىگىن دە قاراستىرۋ قاجەت. بىرلەستىگىمىزدىڭ قىزمەتىندە ەۋرازيالىق دامۋ بانكى مەن ەۋرازيالىق تۇراقتاندىرۋ جانە دامۋ قورىنىڭ ٴرولىن ارتتىرعان ٴجون. ولار ٴىرى ينفراقۇرىلىمدىق جوبالاردى ىسكە اسىرۋعا بەلسەندى اتسالىسۋى كەرەك، – دەدى نۇرسۇلتان نازاربايەۆ.

​​​​​​​فوتو: باۋىرجان جۋاسبايەۆ

سونداي-اق، مەملەكەت باسشىسى وداق جۇمىسىندا «ەكسپو-2017» كەشەنىنىڭ بازاسىندا قۇرىلىپ جاتقان ٴۇش حالىقارالىق ورتالىقتىڭ مۇمكىندىكتەرىن پايدالانۋدى ۇسىندى.

– ەۋرازيالىق ەكونوميكالىق وداققا مۇشە ەلدەردىڭ قارجى ينستيتۋتتارىن «استانا» حالىقارالىق قارجى ورتالىعىنىڭ مۇمكىندىكتەرىن پايدالانۋعا شاقىرامىن. سونىمەن قاتار، «ەكسپو» اۋماعىندا وداقتىڭ قارجى بولىگىنە قاتىستى ٴىس-شارالاردى، سونىڭ ىشىندە كومەكشى جانە كونسۋلتاتيۆتىك-كەڭەسشى ورگانداردىڭ وتىرىستارىن وتكىزگەن ٴجون. سونداي-اق، كۇن تارتىبىندەگى سيفرلاندىرۋ ماسەلەلەرىن ىسكە اسىرۋ ٴۇشىن كەلەشەكتە بوي كوتەرەتىن ٴىت-ستارتاپتاردىڭ حالىقارالىق تەحنوپاركى بازاسىندا ەۋرازيالىق ەكونوميكالىق وداق اياسىنداعى «سيفرلىق جوبالار مەن باستامالاردى باسقارۋ ٴوفيسىنىڭ» جۇمىسىن ۇيىمداستىرۋدى ۇسىنامىن، – دەدى قازاقستان پرەزيدەنتى.

سوڭىندا نۇرسۇلتان نازاربايەۆ جوعارى ەۋرازيالىق ەكونوميكالىق كەڭەستىڭ وتىرىسى بارىسىندا قول جەتكىزىلگەن ۋاعدالاستىقتاردىڭ ىسكە اسىرىلۋى وسى ۇيىمعا مۇشە بارلىق مەملەكەتتەردىڭ ىنتىماقتاستىعىن ودان دا جوعارى دەڭگەيگە كوتەرۋگە مۇمكىندىك بەرەتىنىنە سەنىم ٴبىلدىردى.

جوعارى ەۋرازيالىق ەكونوميكالىق كەڭەس وتىرىسىنىڭ قورىتىندىسى بويىنشا ٴبىرقاتار شەشىمدەر مەن قۇجاتتار قابىلداندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي