BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

ەاەو-دا ٴۇشىنشى مەملەكەتتىڭ سانكسيالارىنا قارسى ۇجىمدىق شارالار مەحانيزمى تالقىلانۋدا

فوتو: ашық дереккөзден

ەاەو مۇشە-ەلدەردىڭ ٴبىرىنىڭ ەكونوميكالىق مۇددەسىنە قىسىم كورسەتىلگەن جاعدايدا ٴۇشىنشى مەملەكەتتەرگە قارسى بىرلەسكەن ەكونوميكالىق شارالار ەنگىزۋ مۇمكىندىگىن قاراستىرۋدا. بۇگىندە سايكەسىنشە تاپسىرمانى ەۋرازيالىق ەكونوميكالىق كوميسسيا رەسەي، ارمەنيا، قازاقستان، بەلارۋسيا مەن قىرعىزستاننىڭ پرەمەر-مينيسترلەرىنە بەردى، دەپ حابارلايدى baq.kz اقپارات اگەنتتىگى «يزۆەستيا» باسىلىمىنا سىلتەمە جاساپ.

ەەك ساۋدا بويىنشا ٴمينيسترى ۆەرونيكا نيكيشينانىڭ ايتۋىنشا، بۇل ماسەلە ەاەو-نىڭ ۇكىمەتارالىق كەڭەسىندە تالقىلاندى. پىكىرتالاسقا رەسەي تاراپى باستاماشى بولدى.

«ازىرگە ٴبىز ناقتى شارالار تۋرالى ايتىپ جاتقان جوقپىز، تەك وداقتىڭ وسىنداي قۇرالى بولۋى مۇمكىن ەكەندىگى تۋرالى ايتىپ جاتىرمىز. (…) قاتىسۋشىلاردىڭ ٴبىرىنىڭ ەكونوميكالىق مۇددەسىنە قىسىم كەلتىرىلگەن جاعدايدا ۇجىمدىق شارالار جۇيەسىن ەنگىزۋ مۇمكىندىگىن تالقىلاپ جاتىرمىز. شەشىمىن تاپپاي وتىرعان ماسەلەلەر كوپتەپ جينالىپ قالدى. بۇل وداقتى جاۋاپ بەرۋگە يتەرمەلەۋدە. ازىرگە ٴبىز زەرتتەپ جاتىرمىز»، - دەدى ول.

نيكيشينا تولىقتىرىپ كەتكەندەي، ەاەو ەلدەرىنىڭ ٴارقايسىسىندا زاڭسىز قىسىم كورسەتىلىپ جاتقان جاعدايلار بار.

ەەك ٴتۇسىندىرىپ كەتكەندەي، ٴبىرىنشى كەزەكتە ەاەو مۇشە-ەلدەرىنىڭ ٴبىرىنىڭ ەكونوميكالىق مۇددەسىنە قىسىم كەلتىرىلگەن جاعدايدا ٴۇشىنشى مەملەكەتتىڭ تاۋارىنا باج سالىعىن كوتەرۋ مۇمكىندىگى قاراستىرىلۋدا. مىسالى، اقش رەسەيلىك تاۋارلاردىڭ باج سالىعىن كوتەردى، رەسەيدە ٴوز كەزەگىندە اقش تاۋرالارىنىڭ باس سالىعىن كوتەرىپ جاۋاپ قايتاردى. الايدا بۇل تەك رەسەيدىڭ اۋماعىندا جۇمىس ىستەيتىن زاڭ. ياعني، اقش-تىڭ تاۋارى رەسەي نارىعىنا وزگە وداقتاس ەلدەر ارقىلى تومەن باج سالىعىمەن كەلىپ تۇسۋدە.

ساراپشىلاردىڭ پايىمداۋىنشا، ەاەو اياسىندا جاۋاپتى شارالار ەنگىزۋ ۇزاق ٴارى قيىن بولادى. اتاپ ايتقاندا، امەريكالىق تاۋرالارعا باج سالىعىن ەنگىزۋ ەاەو ەلدەرىنىڭ بارلىعىمەن كەلىسۋدى تالاپ ەتەدى. وسى رەتتە قازاقستان جانە بەلارۋسيامەن ورتاق كەلىسىمگە كەلۋ وڭايعا سوقپايدى. كەلىسسوزدەردىڭ قيىندىعى ەاەو ەلدەرىنىڭ وزگە مەملەكەتتەرىنىڭ جەكە مۇددەسىنە قاتىستى بولماق، دەپ ەسەپتەيدى ساراپشىلار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي