BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ٴۇش ۇزدىك بيزنەس-ينكۋباتور 35 ملن تەڭگەگە دەيىن مەملەكەتتىك قولداۋعا يە بولادى

فوتو: ашық дереккөзден

بيزنەس-ينكۋباسيالاۋ جۇيەسىن دامىتۋ باعدارلاماسىمەن ەڭ مىقتى ٴۇش بيزنەس-ينكۋباتور 50%-عا دەيىن مەملەكەت تاراپىنان قارجىلاندىرىلادى. بۇل تۋرالى قر ۇلتتىق ەكونوميكا مينيسترلىگى كاسىپكەرلىكتى دامىتۋ دەپارتامەنتى ديرەكتورىنىڭ مىندەتىن اتقارۋشى شىڭعىس احمەتوۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا مالىمدەدى، دەپ حابارلايدى baq.kz ٴتىلشىسى.

2018 جىلدىڭ 14 ماۋسىمىنان باستاپ 3 شىلدەسىنە دەيىن بيزنەس-ينكۋباتورلاردى ىرىكتەۋگە ارنالعان بايقاۋعا قاتىسۋ وتىنىمدەرى قابىلدانادى.

«بيزنەستىڭ جول كارتاسى – 2020» شەڭبەرىندە ىسكە اسىرىلاتىن باعدارلاما كاسىپكەرلەرگە ەكىنشى دەڭگەيلى بانكتەردەن الىناتىن كرەديتتەردى سۋبسيديالاۋ، كەپىلدىك جوق كەزىندە كەپىلدەندىرۋ قۇرالدارىن ىسكە اسىرىپ جاتىر. مەملەكەت بيزنەس-جوبالارىن جاڭا باستاعان كاسىپكەرلەرگە مەملەكەت تاراپىنان ارنايى گرانت بەرۋدى كوزدەپ وتىر. جەتىسپەيتىن ينفراقۇرىلىمداردى جەتكىزۋ ىسكە اسىرىلادى. وسى قۇرالداردىڭ شەڭبەرىندە جاڭا فورماتتا بيزنەس جوبالاردى ىسكە اسىرۋ جانە ولاردى قارجىلاندىرۋ ماقساتىندا وسى باعدارلاما جۇزەگە اسىرىلادى»، - دەدى احمەتوۆ.

ونىڭ ايتۋىنشا ٴۇش ەڭ مىقتى جەكە كوممەرسيالىق بيزنەس-ينكۋباتورعا ولاردىڭ شىعىندارىن مەملەكەت تاراپىنان جابۋ، ٴار بيزنەس-ينكۋباتوردى جىلىنا 35 ميلليونعا دەيىن مەملەكەت تاراپىنان قارجىلاندىرۋ، بيزنەس-ينكۋباتورلاردىڭ رەزيدەنتتەرىنە جاڭا نەمەسە ايتارلىقتاي جاقسارتىلعان ٴونىمدى، بيزنەس-پروسەستى قۇرۋ ٴۇشىن 50 ملن تەڭگەگە دەيىن مەملەكەتتىك گرانتتار بەرۋ كوزدەلىپ وتىر.

گرانتتاردى الۋ ٴۇشىن ٴاربىر كاسىپكەر جوباسىن بيزنەس-ينكۋباتور ىشىندە دايىنداپ، ارنايى جەرگىلىكتى اتقارۋشى ورگانداردىڭ جانىنداعى كونكۋرستىق كوميسسيادان ٴوتۋى قاجەت. سونداي-اق، كونكۋرسقا قاتىساتىن جەكە بيزنەس-ينكۋباتورلارعا بىرنەشە تالاپتار قويىلادى.

«بىرىنشىدەن، جوو-مەن سەرىكتەستىك قارىم-قاتىناستا بولۋى ٴتيىس; ەكىنشىدەن، بيزنەس-جوبانى ينكۋباسيالاي الاتىن، جوعارى ٴبىلىمى بار كەم دەگەندە 5 ادامنان تۇراتىن بىلىكتى قىزمەتكەرلەردىڭ بولۋى; ۇشىنشىدەن، قاجەتتى ينفراقۇرىلىم، ياعني كەمىندە 250 شارشى مەتر كولەمىندە ٴۇي-جايدىڭ بولۋى; تورتىنشىدەن، قارجىلىق جاعدايىنا قويىلاتىن تالاپ بويىنشا بىزگە كەلەتىن بيزنەس-ينكۋباتورلار مەملەكەت كومەگىنسىز كەمىندە 6 اي جۇمىس ىستەي الاتىن مۇمكىندىگى بولۋى ٴتيىس»، - دەدى ول.

مۇنداي جوعارى تالاپتار مىقتى بيزنەس-ينكۋباتورلاردى دايىنداپ شىعارۋ ٴۇشىن قويىلىپ وتىر.

ايتا كەتسەك، بيزنەس ينكۋباتور - وندىرىستىك ٴۇي-جايلاردى، جابدىقتاردى ۇيىمداستىرۋ، قۇقىقتىق، قارجىلىق، كونستالتينگتى جانە اقپاراتتىق قىزمەتتەردى كورسەتۋ ارقىلى شاعىن كاسىپكەرلىك سۋبەكتىلەرىن قالىپتاستىرۋ كەزىندە قولداۋ كورسەتۋ ٴۇشىن قۇرىلعان زاڭدى تۇلعا.

باعدارلامانىڭ ماقساتى – بيزنەس-ينكۋباتورلاردىڭ بىلىكتىلىگىن كۇشەيتىپ، ٴىرى تەحنولوگيالىق كومپانيالارعا اينالا الاتىن، ساپالى ستارتاپتاردىڭ كوبەيۋۋى ٴۇشىن جاعداي جاساۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي