BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

وڭتۇستىك قازاقستاننىڭ سايرام اۋدانىندا 6 ينۆەستيسيالىق جوبا جۇزەگە اسادى

وڭتۇستىك قازاقستان وبلىسى سايرام اۋدانىندا اعىمداعى جىلى 6 ينۆەستيسيالىق جوبانى ىسكە اسىرۋ ارقىلى ونەركاسىپ ٴونىم كولەمىن 39،3 ملرد تەڭگەگە جەتكىزىپ، ٴوسىمدى 8 پايىزعا جەتكىزۋ جوسپارلانۋدا، دەپ حابارلايدى baq.kz اقپارات اگەنتتىگى.

بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە سايرام اۋدانىنىڭ اكىمى باقتيار مامايەۆ ٴمالىم ەتتى.

اۋدان باسشىسىنىڭ ايتۋىنشا، ايماقتاعى ونەركاسىپ ٴوندىرىسىنىڭ ۇلەسى وبلىس بويىنشا 4،2 پايىز كولەمىندە. «وڭىرلەر كاسىپكەرلىگىن قولداۋ كارتاسىنا» اۋداننان 13 جوبا ەنگەن. ولاردىڭ جالپى قۇنى - 7،3 ملرد تەڭگەنى قۇرايدى. 2018 جىلى باعدارلاما اياسىندا «كونۋس ي ك»، «بىرلىك» جشس، «كوكتال گرۋپپ»، «ەليت ستوري m&a» سىندى 4 جوبانى ىسكە قوسۋ جوسپارلانىپ وتىر.

سونداي-اق، اۋداندا شاعىن جانە ورتا كاسىپكەرلىك سالاسىندا 25 مىڭنان استام سۋبەكت جۇمىس ىستەيدى.

«شاعىن جانە ورتا كاسىپكەرلىكتە وندىرىلگەن ٴونىم كولەمى وتكەن جىلى 84،2 ملرد تەڭگەگە جەتىپ، ٴوسىم 4،5 پايىزدى قۇرادى. ال «بيزنەستىڭ جول كارتاسى 2020» باعدارلاماسى بويىنشا 7،2 ملرد تەڭگە كولەمىندە 17 جوبا قولداۋ تاپقان»، - دەدى باقتيار ٴساپارالى ۇلى.

بۇدان بولەك، اۋدانداعى اۋىل شارۋاشىلىعى سالاسىندا وندىرىلگەن ٴونىم كولەمى وتكەن جىلى 58،9 ملرد تەڭگەگە جەتىپ، ٴوسىم 3،6 پايىزدى قۇراعان. سالىنعان جىلىجايلار كولەمى 8،1 گەكتارعا ۇلعايعان. سونداي-اق، 887 مال بورداقىلاۋ الاڭدارىندا ٴبىر مەزەتتە 31 مىڭ باس مال بورداقىلانۋدا. ناتيجەسىندە، مال شارۋاشىلىعىندا 32،5 ملرد تەڭگەنىڭ ٴونىمى ٴوندىرىلىپ، وتكەن جىلمەن سالىستىرعاندا 9،7 پايىزعا ارتقان.

«دامۋ» باعدارلاماسىنا سايكەس، 2020 جىلعا دەيىن ٴونىم كولەمىن 58،8 ملرد تەڭگەدەن 64 ملرد تەڭگەگە جەتكىزۋ جوسپارلانۋدا. ونىڭ ىشىندە اعىمداعى جىلى اۋىل شارۋاشىلىعىنداعى ٴونىم كولەمىن 59،5 ملرد تەڭگەگە جەتكىزۋ كوزدەلگەن»، - دەدى باقتيار ٴساپارالى ۇلى.

«ناتيجەلى جۇمىسپەن قامتۋدى ۇيلەستىرۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» اياسىندا وتكەن جىلى جۇمىسسىز ازاماتتاردى جۇمىسپەن قامتۋدىڭ جىلدىق جوسپارى 189 پايىزعا، ونىڭ ىشىندە ناتيجەلى جۇمىسپەن قامتۋ 132 پايىزعا ارتىعىمەن ورىندالعان.

وقو اكىمىنىڭ ٴباسپاسوز قىزمەتى ٴمالىم ەتكەندەي، ينفراقۇرىلىم بويىنشا اۋدانداعى 42 ەلدى مەكەننىڭ 36-سىندا 24 ساعات بويى اۋىز سۋ بەرىلسە، 5 ەلدى مەكەندە كەستەمەن، بىرەۋى تاسىمال سۋىن پايدالانادى. 2018-2021 جىلدار ارالىعىندا 23 ەلدى مەكەن تۇرعىندارىن تابيعي گازبەن قامتاماسىز ەتىپ، قامتۋ كورسەتكىشىن 100 پايىزعا جەتكىزۋ جوسپارلانىپ وتىر.

اعىمداعى جىلدىڭ قاڭتار ايىنىڭ قورىتىندىسىمەن ايماقتاعى مەكتەپكە دەيىنگى تاربيەمەن قامتۋ كورسەتكىشى 86،2 پايىزعا جەتكەن. بالاباقشامەن قامتۋ دەڭگەيىن جوعارىلاتۋ ماقساتىندا 3 نىساننىڭ قۇرىلىستارى مەملەكەتتىك-جەكەشەلىك ارىپتەستىك ارقىلى جۇزەگە اسىرىلۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي