BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

«كوز جۇمىپ» قول قويىپ، سوتتاسامىز: «اتامەكەندە» بيزنەس سەرىكتەس داۋىنىڭ سەبەبى تالقىلاندى

قر ۇكپ الاڭىندا قايىربەك سۇلەيمەنوۆتىڭ توراعالىعىمەن كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ٴىس-قيمىل جونىندەگى كەڭەس وتىرىسى ٴوتتى، دەپ حابارلايدى ۆaq.kz اقپارات اگەنتتىگى.

بىلتىرعى جىلى الماتىدا ٴىرى كاسىپكەر ەۆگەنيي موليبوگيننەن بيزنەستەگى ارىپتەسى اقشا تالاپ ەتكەن، قورقىتىپ-ۇركىتىپ اياۋسىز ساباعان، سوڭىندا قيناپ ولتىرگەن. بيىل استانادا كاسىپكەر مايور اۆازوۆ جول بويىنداعى ٴدامحاناسىن مەملەكەتتىك ورگان زاڭسىز دەپ تانىپ، جاپقان كەزدە وزىنە-وزى مىلتىق كەزەپ، اتىپ تاستاعان. ەلىمىزدە بيىلدىڭ وزىندە 3146 ٴوندىرىس وشاعى بانكروتقا ۇشىراعان. بيزنەس سەرىكتەستەردىڭ اراسىنداعى قاقتىعىستار مەن داۋلار كەيىنگى كەزدەرى نەلىكتەن ٴورشىپ بارادى؟ مىنە وسى وزەكتى تاقىرىپ بۇگىن «اتامەكەن» قر ۇكپ الاڭىندا قايىربەك سۇلەيمەنوۆتىڭ توراعالىعىمەن وتكەن كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ٴىس-قيمىل جونىندەگى كەڭەس وتىرىسىندا تالقىلاندى.

ٴىس-شاراعا قر جوعارعى سوتىنىڭ سۋدياسى اقىلتاي قاسيموۆ، قر پارلامەنتى ٴماجىلىسىنىڭ دەپۋتاتتارى كەڭەس ٴابساتيروۆ، ايگۇل سولوۆەۆا، پاۆەل كازانسەۆ، مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل جونىندەگى اگەنتتىگى ٴتوراعاسىنىڭ ورىنباسارى ولجاس بەكتەنوۆ، سونىمەن قاتار بيزنەس پەن مەملەكەتتىك ورگاندار وكىلدەرى قاتىستى.

كۇن تارتىبىندە كاسىپكەرلەردىڭ سەرىكتەستەرمەن، مەردىگەرلەرمەن جانە كليەنتتەرمەن كەلىسىمشارتتىق قاتىناستار سالاسىنداعى قۇقىقتارىن قورعاۋ ماسەلەلەرى قارالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي