BAQ.kz - Қазақстан жаңалықтары USD 361.15 BAQ.kz - Қазақстан жаңалықтары EUR 414.71 BAQ.kz - Қазақстан жаңалықтары RUB 5.53
استانا:

قازاقستان برەندتەرى تۋرالى كىتاپتىڭ ەكىنشى تومى جارىق كوردى 

فوتو: Нұржас Жақсыбай

بۇگىن ەلورداداعى قر ۇلتتىق كىتاپحاناسىندا «قازاقستان برەندتەرى» اتتى كىتاپتىڭ ەكىنشى تومىنىڭ تۇساۋكەسەرى ٴوتتى، دەپ حابارلايدى baq.kz ٴتىلشىسى.

وتاندىق برەندتەردى شەتەلگە تانىستىرۋ ماقساتىندا جارىق كورگەن باسىلىمنىڭ ەكىنشى تومى استانانىڭ 20 جىلدىق مەرەيتويىنا وراي شىعارىلىپ وتىر.

«قازاقستاندىق برەندتەردى الەمدە ٴبىزدىڭ ەلىمىزدى تانۋ ٴۇشىن، شيكىزاتتىق ەمەس ەكسپورتتىق تاۋارلاردى باسقا مەملەكەتتەرگە شىعۋىن سۇيەمەلدەۋ ٴۇشىن ەلىمىزدى ارنايى مەملەكەتتىك باعدارلاماسى بولعان. سول سياقتى، بۇل ماقساتتى جۇزەگە اسىرۋعا ەلدەگى ٴبىرقاتار كاسىپكەرلەر دە ٴوز ۇلەستەرىن قوسىپ وتىر. سەبەبى، ٴبىز بەلگىلى ٴبىر شيكىزاتتىق ەمەس تاۋاردى ەكسپورتقا جونەلتكەن كەزدە ونى تانۋى كەرەك. بىرىنشىدەن، ونىڭ ساپاسى جاقسى بولۋى كەرەك، ەكىنشىدەن، ول برەند جايلى تولىق اقپارات ۇسىنۋىمىز كەرەك. سوندىقتان، بۇل كىتاپتىڭ نەگىزگى ماقساتى بىزگە كەلگەن ينۆەستورلار، ترەيدورلارعا وزىمىزدە وسىنداي ساپالى ونىمدەردىڭ، برەندتەردىڭ بار ەكەنىن تانىستىرۋ، ٴبىزدىڭ كاسىپكەرلەردى جوعارى دەڭگەيگە شىعۋعا ىنتالاندىرۋ بولىپ تابىلادى»، - دەيدى قر ينۆەستيسيالار جانە دامۋ مينيسترلىگى ەكسپورتتى دامىتۋ جانە سۇيەمەلدەۋ دەپارتامەنتىنىڭ ديرەكتورى ٴالىمجان توقتاسىنوۆ.

قازاقستاندىق كومپانيا «kazakhstan-export-import.com» 2016 جىلدان بەرى اتالعان كىتاپتىڭ شىعارىلۋىنا قولداۋ كورسەتىپ كەلە جاتىر.

ۆيدەو: نۇرجاس جاقسىباي

قازاقستاندىق برەندتەر جايلى بۇل باسىلىم ازىرشە تەك اعىلشىن جانە ورىس تىلىندە جارىق كورۋدە. كىتاپ باسىلىمىن ۇيىمداستىرۋشىلاردىڭ ايتۋىنشا، الداعى ۋاقىتتا ىشكى نارىققا جانە كاسىپكەرلەرگە ارنالعان كىتاپتى قازاق تىلىندە باسىپ شىعارۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي