BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قاراعاندى وبلىسىنداعى تۇرمەدە تىگىن سەحى اشىلدى

فوتو: ҚАЖ комитетінің баспасөз қызметі

«بيزنەستىڭ جول كارتاسى - 2020» باعدارلاماسىنىڭ شەڭبەرىندە اك-159/25 (جەزقازعان ق.، قاۋىپسىزدىگى ارالاس مەكەمە) مەكەمەسىنىڭ اۋماعىندا سالتاناتتى تۇردە تىگىن ونىمدەرىن شىعاراتىن ٴوندىرىس ورنى اشىلدى، دەپ حابارلايدى ۆaq.kz اقپارات اگەنتتىگى.

«ٴبىزدىڭ وڭىردە سوتتالعانداردىڭ جۇمىسپەن قامتىلۋى 70%-دى قۇرايدى. بۇل شاعىن جانە ورتا كاسىپ وكىلدەرىمەن ٴوزارا ٴىس-قيمىلدىڭ ناتيجەسى بولىپ وتىر. وعان دالەل رەتىندە وبلىس ورتالىعىنان 540 شاقىرىم جەردە ورنالاسقان قاج مەكەمەسىنىڭ اۋماعىندا اشىلىپ وتىرعان بۇگىنگى سەحتى ايتۋعا بولادى»، - دەيدى قاراعاندى وبلىسى بويىنشا قاج دەپارتامەنتىنىڭ باستىعى دارحان قاناتبەكوۆ.

ٴبىرىنشى كەزەڭدە جۇمىسپەن قامتىلعان 10 شاقتى جازاسىن وتەۋشى ازامات توسەك ورىن جابدىقتارىن تىگەدى، سونداي-اق جاقىندا «قازاقمىس» كورپوراسياسىنان ارنايى قولعاپتار مەن كيىمدەر تىگۋگە تاپسىرىس قابىلداندى. ەڭبەك جالاقىسى كەلىسىمدى تۇردە ايىنا 30 مىڭ نەمەسە ودان دا جوعارى تەڭگەنى قۇرايدى.

اتالعان ٴوندىرىس ورنىندا جازاسىن وتەۋ مەرزىمى ارالىعىندا «جەزقازعان تەحنولوگيا جانە قىزمەت كورسەتۋ كوللەدجىندە» وقىتۋ كۋرسىنان وتكەن جانە «تىگىن» ماماندىعى بويىنشا مەملەكەتتىك ۇلگىدەگى ديپلوم العان سوتتالعاندار جۇمىس ىستەپ جاتقانىن اتاپ وتكەن ٴجون.

«مۇنداي ٴوندىرىس ورىندارىنىڭ اشىلۋى تەك قوسىمشا جۇمىس ورىندارىمەن قامتاماسىز ەتىپ قانا قويماي، سوتتالعانداردى تاربيەلەۋ جانە قايتا الەۋمەتتەندىرۋ پروسەسىندە ەرەكشە ورىن الادى»، - دەيدى ٴوز سوزىندە د. قاناتبەكوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي