USD 334.89 EUR 361.61 RUB 5.28
استانا:

ەندى وتاندىق كاسىپكەرلەر شاعىن نەسيەلەر ارقىلى ٴوز بيزنەسىن كەڭەيتە الادى – ق.بيشىمبايەۆ

فوتو: Шыңғыс ҚАППАРОВ

قر ۇلتتىق ەكونوميكا ٴمينيسترى قۋاندىق بيشىمبايەۆ ۇكىمەت وتىرىسىندا قالالارداعى كاسىپكەرلىك قىزمەتتى كەڭەيتۋ جونىندە قابىلدانىپ جاتقان شارالار تۋرالى ايتتى، دەپ حابارلايدى baq.kz ٴتىلشىسى.

وتىرىستا قۋاندىق بيشىمبايەۆ «ٴونىمدى ەڭبەكپەن قامتۋ جانە بۇقارالىق كاسىپكەرلىك» باعدارلاماسى اياسىندا كاسىپكەرلەرگە بيزنەسىن كەڭەيتۋ ماقساتىندا شاعىن نەسيەلەر بەرۋ قاراستىرىلعانىن اتاپ ٴوتتى. ٴمينيستردىڭ ايتۋىنشا، جاڭا باعدارلاما بويىنشا جىل سايىن ازاماتتارعا 2 500-دەن استام قارىز بەرۋ جوسپارلانىپ وتىر. ونىڭ 20%-ى ستارتاپ جوبالاردى جۇزەگە اسىرۋعا جۇمسالادى. كاسىپكەرلىك داعدىسىنا 15 مىڭ ازاماتتى ۇيرەتۋ كوزدەلگەن.

«جاڭا كاسىپ ورىندار مەن جۇمىس ىستەپ تۇرعان بيزنەستى كەڭەيتۋگە 6%-دىق سىياقى مولشەرلەمەسىمەن 16 ملن تەڭگەگە شاعىن نەسيە بەرىلەدى. وپەراتورى – «دامۋ» كاسىپكەرلىكتى دامىتۋ قورى. شاعىن نەسيەلەر ەكىنشى دەڭگەيلى بانكتەر مەن شاعىن قارجىلىق ۇيىمدار ارقىلى تىكەلەي بەرىلەدى»، - دەدى ول.

سونداي-اق، ۇلتتىق ەكونوميكا ٴمينيسترى بۇگىندە قارجى ينستيتۋتتارىنىڭ وسى باعدارلاماعا قاتىسۋ شارتى ازىرلەنگەنىن اتاپ ٴوتتى.

«كاسىبىن جاڭا باستاعان كاسىپكەرلەر ٴۇشىن كەپىلدىكتىڭ كولەمى شاعىن نەسيە قۇنىنىڭ 85%-ىن قۇرايدى. ال جۇمىس ىستەپ تۇرعان كاسىپ ورىندار ٴۇشىن – 50%. ەندى وتاندىق كاسىپكەرلەر ٴوز بيزنەسىن شاعىن نيەسيەلەر ارقىلى كەڭەيتە الادى»، - دەدى ق. بيشىمبايەۆ.

سونداي-اق، مينيستر «ٴونىمدى ەڭبەكپەن قامتۋ جانە بۇقارالىق كاسىپكەرلىك» باعدارلاماسىنىڭ ناتيجەلى بولۋى جەرگىلىكتى اتقارۋشى ورگانداردىڭ جۇمىسىنا تىكەلەي بايلانىستى ەكەندىگىن اتاپ ٴوتتى.

«باعدارلامانىڭ ناتيجەلى بولۋى جەرگىلىكتى اتقارۋشى ورگانداردىڭ ٴوزارا ٴتيىمدى جۇمىسىنا بايلانىستى»، - دەدى ول.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي