BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

«بجك-2020» ارقىلى 600-گە جۋىق كاسىپكەر گەرمانيادا تاعىلىمدامادان ٴوتتى

فوتو: автор

استانا، baq.kz ٴتىلشىسى. بۇل تۋرالى بۇگىن ەلوردادا «ىسكەرلىك بايلانىس» جوباسى جانە «بيزنەستىڭ جول كارتاسى-2020» بيزنەستى قولداۋ جانە دامىتۋدىڭ مەملەكەتتىك باعدارلاماسى اياسىندا «اتامەكەن» ۇكپ جانە گەرمانيالىق حالىقارالىق ىنتىماقتاستىق قوعامىنىڭ (giz) بىرلەسۋىمەن ۇيىمداستىرىلعان باسقارۋ كادرلارىن دايىنداۋ باعدارلاماسىن جۇزەگە اسىرۋ قورىتىندىسى بويىنشا كەڭەيتىلگەن كونفەرەنسيا بارىسىندا «اتامەكەن» ۇكپ باسقارما ٴتوراعاسىنىڭ ورىنباسارى ەلدار جۇماعازيەۆ ايتتى.

«اتامەكەن» ۇكپ باسقارما ٴتوراعاسىنىڭ ورىنباسارى ەلدار جۇماعازيەۆ قازاقستاندا كاسىپكەرلەردى شەتەلدە تاعىلىمداماعا جىبەرۋ «بيزنەستىڭ جول كارتاسى-2020» باعدارلاماسى اياسىندا ىسكە اسىپ جاتقانىن ايتتى. قازاقستاندىق باعدارلاما گەرمانيانىڭ «ىسكەرلىك بايلانىس» باعدارلاماسىنا جوبا رەتىندە ەنگىزىلگەن.

«ەڭ الدىمەن ايتقىم كەلەتىنى، بۇل – مەملەكەتتىك باعدارلاما. «بيزنەستىڭ جول كارتاسى-2020» مەملەكەتتىك باعدارلاماسى اياسىندا ەلدەگى كاسىپكەرلەردى گەرمانياعا تاعىلىمدامادان وتكىزۋگە جىبەرىپ وتىرامىز. بيىل ەل بويىنشا 569 ادام وقىدى. ەكى ەل اراسىندا 1 ملن ەۋروعا كەلىسىمشارت جاسالدى»، - دەدى «اتامەكەن» ۇكپ باسقارما ٴتوراعاسىنىڭ ورىنباسارى ەلدار جۇماعازيەۆ.

قازاقستان رەسپۋبليكاسىندا باسقارۋشى كادرلاردى دايىنداۋ باعدارلاماسى 2004 جىلدان بەرى جۇزەگە اسىرىلىپ كەلەدى. باعدارلاما «ىسكەرلىك بايلانىس» جوباسى رەتىندە «بيزنەستىڭ جول كارتاسى-2020» باعدارلاماسىنا ەنگىزىلگەن. جوبا شوب-تىڭ جوعارى جانە ورتا بۋىنى جەتەكشىلەرىنىڭ بيزنەستى جۇرگىزۋدىڭ زاماناۋي مودەلدەرىن وقۋىن، سونىمەن قاتار مەملەكەت ەسەبىنەن شەتەلدىك بەيىندى كاسىپورىنداردا تەگىن تاعىلىمدامادان ٴوتۋىن قاراستىرادى.

جوبا باستالعالى 2011-2018 جىلدار ارالىعىندا ٴبىرىنشى كەزەڭ اياسىندا بيزنەس-ترەنينگتەرگە 4467 كاسىپكەر قاتىسقان. ەكىنشى كەزەڭگە 2011-2018 جىلدار اراسىندا 328 كاسىپكەر گەرمانيادا تاعىلىمدامادان ٴوتتى.

قازاقستانداعى گەرمانيا ەلشىلىگىنەن كەلگەن ارنايى وكىل بولاشاقتا جوبا اياسى كەڭەيىپ، جاڭا جوبالار قوسۋعا نيەتتى ەكەنىن جەتكىزدى.

«قازاقستان مەن گەرمانيا اراسىنداعى قارىم-قاتىناسقا 25 جىل بولدى. نەمىس تاراپى، نەمىس ەكونوميكاسى نوۋ-حاۋ، جاڭا ٴبىلىم اكەلسە، قازاقستاندىق تاراپ ديناميكا، يدەيا مەن جاقسى جاعداي ۇسىنادى. قازاقستان ۇكىمەتى ٴوز جاستارىن «ىسكەرلىك بايلانىس» باعدارلاماسى اياسىندا قولدايتىنى قۋانتادى. ٴبىزدىڭ باعدارلامامىز اياسىندا «اتامەكەن» ۇلتتىق كاسىپكەرلەر پالاتاسىمەن جۇمىس ىستەپ جاتقانىمىزعا دا قۋانىشتىمىز. ٴبىز ٴۇشىن باعدارلاما وتە ماڭىزدى. 600-گە جۋىق قاتىسۋشىسى بار. باعدارلامانىڭ ەرەكشەلىگى – بولاشاقتا ەكونوميكاعا ۇلەس قوساتىن بەلسەندى جاستارعا ۇلكەن مۇمكىندىك. قازاقستاندىق ارىپتەستەرىمىزبەن: «اتامەكەن» ۇكپ، ۇلتتىق ەكونوميكا مينيسترلىگىمەن باعدارلاماعا جاڭا جوبالار قوسامىز دەپ ۇمىتتەنەمىز»، - دەدى قازاقستانداعى گەرمانيا فەدەراتيۆتىك رەسپۋبليكاسى ەلشىسىنىڭ تۇراقتى ورىنباسارى يونوتان ۆايەنبەرگ.

ول تاعىلىمداماعا بارعان جاستاردىڭ قاي باعىتتا ٴبىلىم الاتىنىنا قىسقاشا توقتالدى.

«نەگىزىنەن، تاعىلىمدامادان وتۋگە بارعان جاستار جالپى ساۋدا، جالپى ەكونوميكالىق باعىتتا ٴبىلىم الادى. ٴبىراق ٴبىز بولاشاقتا اگرارلىق سالاعا دا نازار اۋدارۋدى كوزدەپ وتىرمىز»، - دەدى ەلشىلىك وكىلى.

جوبا اياسىندا قازاقستاندىق كاسىپكەرلەر جاڭا ارىپتەستەر تاپتى جانە نەمىس بيزنەسىمەن ەكونوميكالىق بايلانىستى جولعا قويۋ ماقساتىندا گەرمانيادا ٴارتۇرلى ۋاقىتتا اپتالىق تاعالىمدانادان ٴوتتى.

كونفەرەنسيادا قازاقستاندىق كاسىپكەرلەر وتانعا قايتىپ كەلگەن سوڭ يگەرىلگەن نەمىس تاجىريبەسىن قالاي قولدانادى، كاسىپورىندارىندا قانداي وگەرىستەردى جۇزەگە اسىرا الدى، ولاردىڭ شەتەلدىك ارىپتەستەرمەن بايلانىسى قالاي قالىپتاستى تاقىرىپتارى بويىنشا تاعىلىمدامالار ناتيجەسىن جاريا ەتتى.

پلەنارلىق وتىرىستا 2017 جىلى وتكەن تاعىلىمداما ناتيجەلەرى قورىتىندىلاندى، سونىمەن قاتار تۇلەكتەر جوبانى دامىتۋ بويىنشا ٴوز يدەيالارىمەن ٴبولىستى. تاعىلىمدامالارعا قاتىسۋشىلار جوباعا قاتىسۋ ارقىلى جۇزەگە اسىرعان جوبالارىن كوپشىلىككە تانىستىردى.

وسى ۋاقىت ارالىعىندا گەرمانيادان تاعىلىمدامادان ٴوتۋ رەسپۋبليكالىق بيۋدجەت جانە گەرمانيانىڭ ەكونوميكا مەن ەنەرگەتيكا فەدەرالدى مينيسترلىگى ەسەبىنەن قارجىلاندىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي