BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اۋىلداعى تابىستى ايەلدەر جەتىستىككە جەتۋ تاريحىمەن ٴبولىستى

فوتو: Бауыржан Жуасбаев

استانا، baq.kz ٴتىلشىسى. بۇگىن استانادا ٴبىرىنشى رەت وتكەن اۋىل ايەلدەرىنىڭ فورۋمىندا بيزنەستە، الەۋمەتتىك سالادا، مەملەكەتتىك قىزمەتتە جۇرگەن ايەلدەر وزدەرىنىڭ جەتىستىككە جەتۋ جولدارىمەن ٴبولىستى.

فورۋم بارىسىندا «مەنىڭ جەتىستىگىمنىڭ تاريحى» نوميناسياسىنىڭ لاۋرەاتتارى بايانداما وقىپ، ٴوز تاجىريبەلەرىمەن ٴبولىستى.

مەنى قاناتتاندىرعان ادام – انام

شىعىس قازاقستان وبلىسى، زايسان اۋدانىنداعى «ايكا» شارۋا قوجالىعىنىڭ جەتەكشىسى اەليتا احمەتساليمقىزى مال شارۋاشىلىعىمەن عانا ەمەس، اۋىل تۋريزمىمەن اينالىسادى جانە اعىلشىننىڭ اسىل تۇقىمدى جىلقىسىن وسىرۋدە.

«مەنىڭ جەتىستىك تاريحىم ەلىمىز تاۋەلسىزدىك العان جىلدارمەن تىعىز بايلانىستى. قازىرگى ۋاقىتتاعى مەنىڭ ەڭ ۇلكەن ماقتانىشىم – كىشى جەمەنەي سايىنداعى الما باعى. 2016 جىلى الما اعاشتارىن وتىرعىزدىق. تۋريزم سالاسىن قولعا العالى ٴبىز جاققا اۆستراليا، پولشا، يتاليا، انگليا، فرانسيا، شۆەيساريا، ۋكراينا، رەسەيدەن قوناقتار كەلدى. «ايكا» شارۋا قوجالىعى قايىرىمدىلىق جۇمىستارىمەن دە اينالىسادى. وسكەمەندەگى «ٴۇمىت» بالالار ٴۇيىنىڭ تاربيەلەنۋشىلەرىنە، الەۋمەتتىك از قامتىلعان وتباسىلاردىڭ بالالارىنا، مۇمكىندىگى شەكتەۋلى بالالارعا كومەكتەسەمىز»، - دەيدى ول.

سونداي-اق، ول 2001 جىلى ٴوز قاراجاتىنا زايسان قالاسىندا مەشىت سالدىرعان.

«مەن كاسىبىم ارقىلى اۋداننىڭ ەكونوميكالىق دامۋىنا ۇلەس قوسقانىم ٴۇشىن قۋانامىن. مەنى جەتىستىككە جەتۋگە قاناتتاندىرىپ، شابىتتاندىرعان ادام – انام ەكەنىن ايتقىم كەلەدى. ول ٴقازىر 79 جاستا. انام وتە ەڭبەكقور ادام. قازىرگى كۇنگە دەيىن اۋداننىڭ تىنىس-تىرشىلىگىنە بەلسەنە ارالاسىپ، قيىن جاعدايعا تاپ بولعان جاندارعا كومەكتەسەدى. ول مەنى سوزبەن عانا ەمەس، ىسپەن دە قولدايدى»، - دەيدى ول.

كوللەدج اشۋ – ۋاقىت تالابى بولدى

«پروگرەسس» جەكە پوليتەحنيكالىق كوللەدجىنىڭ ديرەكتورى جاننا تەلپەكبايەۆانىڭ اپاسى دا، اتا-اناسى دا پەداگوگيكا سالاسىندا ەڭبەك ەتكەن جاندار. الماتىعا وقۋعا كەلگەن ول كۇندەردىڭ ٴبىر كۇنىندە اۋىلىنا قايتىپ باراتىنىن تۇسىنگەن. ول 2002 جىلى اۋىلىندا كوللەدج اشقان.

«مەنى اتا-انام، جۇبايىم قولدادى. قاڭىراپ بوس تۇرعان عيماراتقا ٴوزىمىز جوندەۋ جۇمىستارىن جۇرگىزىپ، سول عيماراتتا وتباسىمىزبەن بىرگە تۇردىق»، - دەيدى ول.

قازىرگى ۋاقىتتا كوللەدج قابىرعاسىندا 500 ستۋدەنت وقىسا، ونىڭ ٴ300-ى مەملەكەتتىك تاپسىرىس بويىنشا وقىپ، شاكىرتاقى الادى.

«كاسىپپەن اينالىساتىن اۋىل تۇرعىندارى ماعان شاعىن بيزنەسپەن قالاي اشۋعا بولاتىنىن وقىعىسى كەلەتىنىن ايتا باستادى. سول كەزدە «باستاۋ» بيزنەس جوباسى جۇمىس ىستەي باستاعان. سول كەزدەن باستاپ بيزنەسپەن اينالىسۋ سالاسىن دامىتا باستادىق. ۋاقىت وتە كەلە مۇمكىندىگى شەكتەۋلى ادامدار كەڭەس سۇراي باستادى. ٴسويتىپ 2010 جىلدان باستاپ كوللەدجدە «ىلە اۋدانىندا تۇراتىن مۇگەدەكتەردى كاسىپتىك دايارلاۋ» الەۋمەتتىك باعدارلاماسى بويىنشا مۇگەدەكتەر وقي باستادى. كوللەدجدە تىگىن سەحى جابدىقتالعان. 2010 جىلدان باستاپ 2017 جىلعا دەيىن مۇگەدەكتىگى بار 200-گە جۋىق ايەل وقىدى»، - دەيدى جاننا تەلپەكبايەۆا

مۇعالىمدىكتى تاستاپ، جەمىس ەگۋدى قولعا الدىق

«coca-cola بەلەستەرى – 2016» الەۋمەتتىك جوباسىنىڭ جەڭىمپازى، قاراعاندى وبلىسىنىڭ تۇرعىنى شولپاناي تۇردىشەۆا ٴوزىنىڭ جەتىستىككە جەتۋ جولىن ەرەكشە ىقىلاسپەن باياندادى.

«ٴدال بۇگىن، ٴدال وسى جەردە ماعان ٴسوز بەرىپ، جەتىستىككە جەتۋ تاريحىممەن بولىسۋگە مۇمكىندىك بەرىلگەنى ٴۇشىن قۋانىشتىمىن. مەن 4 بالانىڭ اناسىمىن. 2004 جىلى تاشكەنت قالاسىنان ەلگە كەلدىم. تاشكەنتتە مەكتەپتە ورىس ٴتىلىنىڭ، ال جولداسىم ماتەماتيكا ٴپانىنىڭ ٴمۇعالىمى بولدى. 2004-2005 جىلدارى جەر ٴۇيىمىزدىڭ اۋلاسىنا 250 شارشى مەترلىك جىلىجاي سالدىق. بالا-شاعامىز دارۋمەنى مول، تازا جەمىس-جيدەك جەسىن دەپ نيەتتەندىك. قاراعاندىنىڭ اۋا رايى جاعدايىندا قيار مەن قىزاناق وسىرۋگە بولاتىنىن بىلدىك. سودان وسىرگەن جەمىس-جيدەكتەردى تۋعان-تۋىس، دوس-جاراندارعا بەرە باستادىق. ۋاقىت وتە كەلە ونى ساتىپ الاتىندار قاتارى پايدا بولىپ، بىزگە تابىس الىپ كەلدى. ٴسويتىپ جولداسىمىز ەكەۋمىز اقىلداسا كەلە جىلىجاي اۋماعىن 450 شارشى مەترگە ۇلعايتتىق»، - دەيدى ول.

شىمكەنتتە ۇستازدىق ەتىپ جۇرگەن شولپانايدىڭ اتا-اناسى جۇمىستارىن تاستاپ، ولارعا قولعابىس بولۋ ٴۇشىن قاراعاندىعا كەلگەن ەكەن.

«coca-cola بەلەستەرى» دەگەن جوباعا قاتىسىپ، 4000 دوللاردىڭ گرانتىن ۇتىپ الدىم. وسى جوبا ارقىلى تازا ەكولوگيالىق ونىمدەردى قالاي الۋعا بولاتىنىن مەڭگەردىم. وسى ٴىستى قولعا العان كەزدە مەنى قولداعان اتا-ەنەمە العىس ايتام. ولار دا قاسىمىزعا كەلىپ، كومەكتەستى. ادام ەڭبەك ەتۋ ارقىلى شىڭدالادى، سول ەڭبەكتىڭ ارقاسىندا ٴدال ٴقازىر سىزدەردىڭ الدارىڭىزدا ٴسوز سويلەپ تۇرمىن»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي