BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستان doing business-تەگى رەيتينگىن كوتەرمەك – ساعىنتايەۆ

فوتو: Бауыржан Жуасбаев

استانا، baq.kz ٴتىلشىسى. بۇل تۋرالى قر پرەمەر-مينيسترى باقىتجان ساعىنتايەۆ ەلوردادا وتكەن قازاقستان-ەستونيا بيزنەس فورۋمىندا ايتتى.

«جاقىندا دۇنيەجۇزىلىك بانك «doing business-2019» رەيتينگىن جاريالادى. وندا ٴبىز العاش رەت ۇزدىك 30 ەلدىڭ قاتارىنا كىردىك. ەلىمىز بىردەن 8 ساتىعا كوتەرىلىپ، 28-ورىندا تۇرمىز. بۇل تاۋەلسىزدىك جىلدارىنداعى ەڭ ۇلكەن جەتىستىگىمىز. ال ەستونيانىڭ 16-ورىندا ەكەنىن بىلەمىز. ماقساتىمىز – كەلەسى جىلى ودان دا جوعارى كوتەرىلۋ»، - دەدى قر پرەمەر-مينيسترى.

ساعىنتايەۆ بۇعان اتالعان رەيتينگتە كوتەرىلۋگە كەدەرگى جاساعان فاكتورلاردى اتادى.

«قازاقستاندى «doing business»-تە ۇستاعان ينديكاتورلاردىڭ ٴبىرى حالىقارالىق ساۋدا بولاتىن. باسىندا حالىقارالىق ساۋدانى تەڭىز پورتىنان قانشالىقتى الىس ەكەنىنە قاراپ قاراستىراتىن. ارينە، ٴبىز تەڭىزگە شىعاتىن جولى جوق ەلمىز. ٴبىراق ٴقازىر ەسەپتەۋ ٴادىسى وزگەردى. ەندى تاۋارلارىڭ شەگارادان قانشالىقتى تەز شىعۋىنا قارايدى. بۇل جەردە كوپ جۇمىس اتقاردىق»، - دەدى ۇكىمەت باسشىسى.

ايتۋىنشا، حالىقارالىق ساۋدا باعىتىنداعى ٴتيىستى زاڭنامالىق قۇجات قابىلداندى.

«قىتايمەن شەگارادا «استانا-1» قۇجاتى جىبەرىلدى. ەلەكتروندى ەسەپشوتتار ٴقازىر ەلەكتروندى تۇردە راسىمدەلەدى. ٴقازىر جۇكتىڭ 80%-ى «جاسىل ٴدالىز» بويىنشا قازاقستان مەن قىتاي شەگاراسىنان وتەدى. بيىل جاسالعان رەفورما كەلەسى جىلى تولىق ىسكە اسىرىلىپ، سولتۇستىك بانك تاراپىنان ۇلكەن رەفورما رەتىندە ەسەپتەلىپ، رەيتينگتە ەستونيانىڭ قاسىندا بولامىز دەگەن ۇمىتتەمىن»، - دەپ ٴبولىستى ساعىنتايەۆ.

ەستونيالىق پرەمەر ەكى ەل اراسىنداعى ماڭىزدى سالالاردى اتادى.

«ەڭ الدىمەن، ٴسىزدىڭ پرەمەر-مينيسترمەن وتە ماڭىزدى جانە ناتيجەلى كەزدەسۋ بولدى. ٴبىز قازاقستان مەن ەستونيا اراسىنداعى ىنتىماقتاستىقتى، سونىمەن قاتار سيفرلاندىرۋ، ٴبىلىم، اۋىل شارۋاشىلىعى سالاسىن تالقىلادىق. «ٴبىر بەلدەۋ، ٴبىر جولدى» دا قوزعادىق. ەستونيا بۇل باستاماعا قاتىسۋعا نيەتتى، سەبەبى ول - ەكى ەل اراسىن بىرىكتىرەتىن تەمىرجول»، - دەدى راتاس.

ونىڭ ايتۋىنشا، ەكى ەلدىڭ حالىق سانى بويىنشا ايىرماشىلىعى ۇلكەن بولسا دا، ەكىجاقتى ەكونوميكالىق ىنتىماقاستىقتى نىعايتاتىن باعىتتار كوپ.

«قازاقستاننىڭ 18 ملن حالقى، مۇناي جانە ماڭىزدى ساۋدا بايلانىسى بار. ال ەستونيادا 1،3 ملن تۇرعىن بار. الىپ ورمان مەن حايتەك باعىتىمىز مىقتى. دەگەنمەن، اتالعان ايىرماشىلىقتارعا قاراماستان، ەكى ەل اراسىندا ٴىت، ترانسپورت، لوگيستيكا، اۋىل شارۋاشىلىعى جانە ەكولوگيالىق تەحنولوگيالار مەن قالدىقتاردى باسقارۋدا ىنتىماقتاستىعىمىز بار. بۇل ٴتىزىمدى بولاشاقتا ۇلعايتامىز دەگەن ويدامىن»، - دەپ قوستى ەستونيالىق پرەمەر.

ەستونيا – سولتۇستىك ەۋروپاداعى قازاقستاننىڭ ماڭىزدى ساۋدا-ەكونوميكالىق جانە ينۆەستيسيالىق سەرىكتەستەرىنىڭ ٴبىرى. 2018 جىلدىڭ 8 ايىندا ەكى ەل اراسىنداعى سىرتقى ساۋدا اينالىمى 21،8 ملن دوللاردى قۇرادى. بۇگىنگى تاڭدا قازاقستاندا ەستونيالىق كاپيتالدىڭ قاتىسۋىمەن 70 كومپانيا جۇمىس ىستەيدى.

قازاقستان مەن ەستونيا ٴوزارا تاۋار اينالىمدى ارتتىرۋ ماقساتىندا ەكىجاقتى ساۋدا-ەكونوميكالىق ىنتىماقتاستى جانداندىرۋعا نيەتتى. سونداي-اق ترانزيتتىك جانە كولىك سالاسىنداعى ىنتىماقتاستىقتى، ەكولوگيالىق جانە ەنەرگيا ۇنەمدەۋ تەحنولوگيالارىن، سۋ ۇنەمدەۋدى، ىت-تەحنولوگيالاردى دامىتۋدا ىنتىماقتاستىقتى ارتتىرۋ كوزدەلىپ وتىر. بۇل سالالار بويىنشا ەستونيا ەۋروپالىق وداقتا ايرىقشا ورىن الادى.

بيزنەس-فورۋمنىڭ نەگىزگى ماقساتى – جاڭا ىسكەر سەرىكتەستەر تابۋ، ەستونيانىڭ بيزنەس وكىلدەرىن قازاقستانداعى ينۆەستيسيالىق كليماتتان حاباردار ەتۋ، ەلىمىزدەگى ينۆەستورلارعا كورسەتىلگەن جەڭىلدىكتەر مەن ارتىقشىلىقتاردى جەتكىزۋ.

ٴىس-شارا بارىسىندا «kazakhinvest» اق وكىلدەرى قازاقستاننىڭ ينۆەستيسيالىق جوبالارىن ۇسىندى، ال ٴوز كەزەگىندە «enterprise estonia» ينۆەستيسيالىق اگەنتتىگى ەستونيالىق جوبالاردى كورسەتتى. سونىمەن قاتار، ەكى ەل اراسىنداعى بيزنەس سەرىكتەستىك ماسەلەلەرى، اسىرەسە سيفرلاندىرۋ سالاسى تالقىلاندى.

بيزنەس-فورۋم سوڭىندا ەكىجاقتى قۇجاتتارعا قول قويىلدى.

دەگەنمەن، قازىرگى ۋاقىتتا ەكىجاقتى ساۋدا كورسەتكىشتەرى جوعارى ەمەس، وعان الەمدىك ەكونوميكاداعى داعدارىس اسەر ەتتى.

سوڭعى ٴۇش جىلدا قر مەن ەستونيا اراسىندا قازاقستانعا يمپورت 29 % قىسقاردى، سونداي-اق ەستونياعا ەكسپورت تا 26% ازايدى. رەسمي دەرەكتەرگە سۇيەنسەك، قازاقستان مەن ەستونيا اراسىنداعى تاۋار اينالىمى 31،638 مىڭ دوللاردى قۇرادى (ەسكپورت- 11،104 مىڭ دوللار، يمپورت 20،534 مىڭ دوللار). 2018 جىلدىڭ ٴى جارتىجىلدىعىندا ەكى ەل اراسىنداعى تاۋار اينالىمى 19،192 مىڭ دوللاردى (يمپورت – 14،712، ەسپورت – 4،480) قۇرادى.

قازىرگى ۋاقىتتا قازاقستان ەستونياعا مۇناي مايلارىن جانە بيتۋمينوز مينەرالداردان الىنعان (شيكى مۇنايدان باسقا) مايلاردى، مىس، رافينادتالعان جانە مىس ەرىتىندىلەرى، وڭدەلمەگەن اليۋمينيي، سۆەتوديودتى لامپالار جانە ت.ب. ەكسپورتتايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي