BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الماتىدا ۇزدىك تاۋار وندىرۋشىلەردىڭ كورمەسى وتەدى 

9-10 تامىز كۇندەرى الماتى قالاسىندا «قازاقستاننىڭ ۇزدىك تاۋارى» وڭىرلىك كورمە-بايقاۋى وتەدى، دەپ حابارلايدى baq.kz اقپارات اگەنتتىگى.

الماتى قالاسى كاسىپكەرلەر پالاتاسىنىڭ مالىمەتى بويىنشا، بيىل ايتۋلى بايقاۋعا الماتىداعى 60 كومپانيا قاتىسادى. ەڭ ۇزدىكتەرى ٴۇش اتالىم – «وندىرىستىك ماقساتتاعى ۇزدىك تاۋار»، «حالىققا ارنالعان ۇزدىك تاۋار» جانە «ۇزدىك ازىق-تۇلىك تاۋارلارى» بويىنشا انىقتالادى. جەڭىمپازدارعا ەستەلىك سىيلىق پەن بايقاۋدىڭ رەسپۋبليكالىق كەزەڭىنە جولداما تابىستالادى.

ٴىس-شاراعا «اتامەكەن» قر ۇكپ باسقارما ٴتوراعاسى ابىلاي مىرزاحمەتوۆ، الماتى قالاسىنىڭ اكىمى باۋىرجان بايبەك، «اتامەكەن» قر ۇكپ بايقاۋلاردى ۇيىمداستىرۋ جونىندەگى باسقارۋشى ديرەكتورى سالتانات ابدىكارىموۆا، الماتى قالاسى كاسىپكەرلەر پالاتاسى وڭىرلىك كەڭەسىنىڭ ٴتوراعاسى يۋريي تىلەۋمۇراتوۆ، الماتى قالاسى كاسىپكەرلەر پالاتاسىنىڭ ديرەكتورى باعدات تەلەباي، سونداي-اق بيزنەس-قوعامداستىق جانە مەملەكەتتىك ورگانداردىڭ وكىلدەرى قاتىسادى.

كورمە-بايقاۋىندا الماتى قالاسىنىڭ تۇرعىندارى مەن قوناقتارىنا جەرگىلىكتى كومپانيالاردىڭ ونىمدەرىمەن تانىسىپ قانا قويماي، ٴوز باعاسىمەن ساتىپ تا الۋلارىنا مۇمكىندىك جاسالادى.

قالىپتاسقان ٴۇردىس بويىنشا بايقاۋ ەكى كۇنگە سوزىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي