BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جاڭا زاڭ اياسىندا ٴبىلىم سالاسىندا كىمدەردىڭ جالاقىسى وسەدى؟

«پەداگوگتار مارتەبەسى تۋرالى» جاڭا زاڭ اياسىندا مەكتەپ ديرەكتورى مەن ونىڭ ورىنباسارىنىڭ، سىنىپ جەتەكشىلەردىڭ ەڭبەكاقىلارىن ٴوسىرۋ قاراستىرىلىپ وتىر. بۇل تۋرالى ٴبىلىم جانە عىلىم ۆيسە-مينيسترى بيبىگۇل اسىلوۆا ۇكىمەت ۇيىندە وتكەن ٴباسپاسوز ٴماسليحاتىندا مالىمدەدى، دەپ حابارلايدى baq.kz ٴتىلشىسى.

«مەملەكەت باسشىسىنىڭ تاپسىرماسىنا ساي 2019 جىلدان باستاپ ٴبىلىم سالاسىنا جۇمسالاتىن شىعىستاردى ۇلعايتۋ قاراستىرىلىپ وتىر. 2023 جىلعا قاراي ٴبىلىم سالاسىنا بولىنەتىن شىعىندار ايتارلىقتاي كوبەيەدى. بىزگە بولىنەتىن قوسىمشا قارجى اياسىندا 2019 جىلدان باستاپ تاربيەشىلەردىڭ، ادىستەمەشىلەردىڭ، بالاباقشا مەڭگەرۋشىلەرىنىڭ ەڭبەكاقىسى وسەتىن بولادى. پەداگوگتار مارتەبەسى تۋرالى زاڭ جوباسىنىڭ اياسىندا مەكتەپ ديرەكتورىنىڭ، ونىڭ ورىنباسارىنىڭ، سونداي-اق سىنىپ جەتەكشىنىڭ جالاقىسىن كوبەيتۋ جوسپارلانىپ وتىر»، - دەپ مالىمدەدى ۆيسە-مينيستر.

ەسكە سالا كەتسەك، قر پرەزيدەنتى نۇرسۇلتان نازاربايەۆ كەزەكتى حالىققا جولداۋىندا «پەداگوگتار مارتەبەسى تۋرالى» زاڭ قابىلداۋدى تاپسىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي