BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

جاڭا وقۋلىقتا كەيبىر سوزدەر وزگەرتىلدى – باسپاگەر

فوتو: Автор

بيىل جاڭارتىلعان باعدارلاما بويىنشا 3، 6 جانە 8 سىنىپتىڭ وقۋلىقتارى شىقتى جانە وعان كوپتەگەن وزگەرتىلگەن سوزدەر ەندى. بۇل جايىندا «اتامۇرا» كورپوراسياسىنىڭ پرەزيدەنتى راحىمعالي قۇل-مۇحاممەد باق وكىلدەرىمەن كەزدەسۋ بارىسىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

ونىڭ ايتۋىنشا، بۇل وقۋلىقتاردىڭ بارلىعى ٴبىلىم جانە عىلىم مينيسترلىگىنىڭ تاپسىرماسى بويىنشا اپروباسيادان وتكەن جانە مينيسترلىكتەن تىس باسپا ٴوز ىشىندە دە ساراپتاما جاساعان.

«ٴبىر ايتا كەتەرلىگى جاڭادان شىعىپ وتىرعان وقۋلىقتاردا جاڭارعان سوزدەر بار. مىسالى، بۇرىن ماشينا دەگەن ٴسوزدى «ماشينا» دەپ جازا بەرەتىنبىز، ٴقازىر «ماشينە» بولدى. شەكارا ٴسوزىن «ك» ارپىمەن جازاتىنبىز، ٴقازىر «شەگارا» بولدى. سونىمەن قاتار، «الما اعاشى» ٴسوزى «المااعاشى» دەپ بىرگە جازىلاتىن بولدى. مۇنداي سوزدەر كوپ، دەگەنمەن اتا-انالار بىزگە قاتە دەپ حات جازىپ جاتادى. بۇل سوزدەر 2013 جىلى شىققان ورفوگرافيالىق سوزدىكتە بەكىتىلگەن، سوندىقتان ٴبىز وسىنى باسشىلىققا الدىق. سونداي-اق، تۇسىنبەۋشىلىك بولماسىن دەپ بارلىق باسپالار جيىلىپ ا.بايتۇرسىنوۆ اتىنداعى ٴتىل ٴبىلىم ينستيتۋتىنىڭ لينگۆيستيكالىق ساراپتاماسىنا دا جۇگىنىپ، ساراپتاماندان وتكىزدىك»، - دەيدى «اتامۇرا» كورپوراسياسىنىڭ پرەزيدەنتى.

ر.قۇل-مۇحاممەد، جاڭا وقۋلىقتار شىقپاي تۇرىپ ٴار وڭىرگە بارىپ، ۇستازداردىڭ پىكىر، ۇسىنىستارىن تىڭداعاندارىن ايتىپ ٴوتتى.

«وقۋلىق شىقپاي تۇرىپ ٴبىز ٴوزىمىزدىڭ رەداكتورلار، اۆتورلار، ادىسكەرلەرىمىزبەن بىرگە بۇكىل وبلىستاردى ارالاپ شىقتىق. ونداعى ماقسات – ۇستازداردىڭ پەداگوگتىق پىكىرىن ٴبىلىپ، سول كىسىلەردىڭ ورىندى ۇسىنىستارى بولسا قابىلداۋ ەدى. وسىنىڭ بارلىعى وقۋلىقتى شىعارۋ بارىسىندا ەسكەرىلدى»، - دەيدى ول.

بۇگىن ٴبىلىم جانە عىلىم مينيسترلىگى مەكتەپ وقۋشىلارىنا ارنالعان وقۋلىقتاردىڭ شىعارىلۋ جولدارىمەن جانە مەكتەپتەرگە جەتكىزىلۋ ۇردىسىمەن تانىستىرۋ ٴۇشىن باق وكىلدەرىن «اتامۇرا» كورپوراسياسىنىڭ پوليگرافكومبيناتىنا اپاردى.

ول جەردە وقۋلىقتار وندىرىستەن قالاي وتەدى، قانداي ماتەريالدار قولدانىلادى، ونىڭ مۇقاباسى قانداي، ونىڭ قانداي تۇرلەرى بولاتىندىعى ٴتۇسىندىرىلدى.

«اتامۇرا» پوليگراف كومبيناتىنىڭ ديرەكتورى ىدىرىس بەگاليەۆ جاڭا وقۋ جىلىنا ارنالعان وقۋلىقتاردىڭ بارلىعىن باسىپ شىعارىلعاندىعىن، ٴقازىر سولاردى تاسىمالداۋ جۇمىستارى جۇرگىزىلىپ جاتقاندىعىن ايتتى.

«ٴقازىر وقۋلىقتار تۇگەلدەي باسىلىپ بولدى. مۇنىڭ ىشىندە تەك وقۋلىق قانا ەمەس، داپتەر، كۇندەلىك سياقتى ساباققا قاجەتتى قۇرالدار دا بار. جالپى ٴبىزدىڭ ٴوندىرىس ورىن كۇنىنە 150 مىڭ كىتاپقا دەيىن شىعارا الادى. وسى جولى مەرزىم قىسقا بولعاندىقتان، جۇمىسشىلار تاۋلىگىنە ٴۇش جۇمىس كەستەسى بويىنشا جۇمىس جاسادى. وقۋلىقتاردىڭ بارلىعى ستاندارتتىق تالاپتارعا ساي باسىلدى. ٴبىز قاعازداردى فينليانديادان الامىز، ويتكەنى ول ەل الەم بويىنشا ەڭ ساپالى قاعازداردى شىعارادى»، - دەيدى مامان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي