BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جامبىلدا 6 مىڭنان استام مۇمكىندىگى شەكتەۋلى بالا وقۋمەن قامتىلعان 

تاراز، baq.kz. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگ بارىسىندا جامبىل وبلىستىق ٴبىلىم باسقارماسى باسشىسىنىڭ ورىنباسارى تالعات جامالوۆ مالىمدەدى.

«بۇگىنگى كۇنى جامبىل وبلىسىندا 0-18 جاس ارالىعىندا 419 965 بالا بولسا، ولاردىڭ ٴ1448-ى جەتىم جانە اتا-اناسىنىڭ قامقورلىعىنسىز قالعان بالالار.ي وبلىستا 2015-2018 جىلدار ارالىعىندا 17 وتباسىلىق ۇلگىدەگى بالالار ٴۇيى جانە 2 قابىلداۋشى وتباسى اشىلدى. 2018 جىلى بالالار ۇيىنەن 81 بالا (اسىراپ الىندى-2، پاتروناتقا –30، قامقورلىققا – 25، وتباسى ۇلگىسىندەگى بالالار ۇيىنە - 7، تۋعان وتباسىلارىنا - 17) وتباسىلىق تاربيەگە ورنالاستىرىلدى. ونىڭ ىشىندە، 2 اسىراپ الىندى، 30 پاتروناتقا، 25 قامقورلىققا، 7 وتباسى ۇلگىسىندەگى بالالار ۇيىنە، 17 تۋعان وتباسىلارىنا جىبەرىلدى»، - دەدى جامالوۆ.

ول وڭىردەگى ق.سارىمولدايەۆ اتىنداعى №1 بالالار ٴۇيىنىڭ تاربيەلەنۋشىلەرى سوڭعى ٴۇش جىلدا 156 بالادان 83 بالاعا كەمىگەنىن ايتتى. بالا سانىنىڭ ازايۋىنا بايلانىستى اتالعان بالالار ٴۇيى مەن كامەلەتكە تولماعانداردى بەيىمدەۋ ورتالىعى بىرىكتىرىلىپ، ومىرلىك قيىن جاعدايداعى بالالاردى قولداۋ ورتالىعى رەتىندە قايتا قۇرىلعان.

«وبلىستا بالالار ۇيلەرى تۇلەكتەرىن بيۋدجەتتىك نەگىزدە 100 پايىز ارنالۋلى جانە جوعارى وقۋ ورىندارىنا ورنالاستىرۋ ٴۇردىسى قالىپتاسقان. بيىلعى جىلى بالالار ۇيلەرىن ٴبىتىرىپ شىققان 21 تۇلەكتىڭ بىرەۋى الماتى قالاسىنداعى جوعارعى وقۋ ورنىنا، تورتەۋى الماتى قالاسىنا، ون التىسى تاراز قالاسىنداعى كوللەدجدەرگە وقۋعا ٴتۇستى. وبلىستا 4 ارنايى تۇزەتۋ مەكتەپ-ينتەرناتى. 6 پسيحولوگيالىق-مەديسينالىق-پەداگوگيكالىق كونسۋلتاسيالارى مەن 11 پسيحولوگيالىق-پەداگوگيكالىق تۇزەتۋ كابينەتتەرى، 1 وڭالتۋ ورتالىعى بار. 2018-2019 وقۋ جىلىندا 7911 مۇمكىندىگى شەكتەۋلى بالانىڭ 6286، ياعني 80% وقۋ جانە تاربيەمەن قامتىلعان»، - دەدى ٴبىلىم باسقارماسىنىڭ وكىلى.

ونىڭ ايتۋىنشا، 2015-2018 جىلدار ارالىعىندا مەملەكەتتىك تۇرعىن ٴۇي قورىنان كەزەكتە تۇرعان 300 بالاعا پاتەر بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي