BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ۇستاز مارتەبەسى كۇن تارتىبىندە جۇرگەن وزەكتى ماسەلە – پروفەسسور

فوتو: Автор

الماتى، baq.kz ٴتىلشىسى. اسىرەسە تاۋەلسىزدىك العان كەزەڭنەن بەرى ۇستازدار مارتەبەسىنىڭ كۇرت قۇلدىراپ كەتكەندىگى بايقالادى. بۇل تۋرالى اباي اتىنداعى قازاق ۇلتتىق پەداگوگيكالىق ۋنيۆەرسيتەتى ساياساتتانۋ جانە الەۋمەتتىك فيلوسوفيالىق پاندەر كافەدراسىنىڭ مەڭگەرۋشىسى، پروفەسسور جومارت سيمتيكوۆ «ٴمۇعالىم مارتەبەسى» جونىندەگى زاڭ جوباسىن تالقىلاۋ كەزىندە ايتتى.

ونىڭ ايتۋىنشا، ۇستازداردىڭ مارتەبەسى كۇن تارتىبىندە جۇرگەن ەڭ وزەكتى ماسەلەلەردىڭ ٴبىرى.

«بۇل جونىندە ەلباسى ستراتەگيالىق باعدارلامالاردىڭ بارلىعىندا ايتقان بولاتىن. قازاقستان-2030 ستراتەگياسىندا، كەيىن قازاقستان-2050 ستراتەگياسىندا باسىم باعىتتارى جونىندە ايتقان ەدى. سونىمەن قاتار، 100 ناقتى قادامدا دا ول جالپىلاما كورسەتىلگەنىمەن كەيىنگى كەزدە كۇن تارتىبىنە شىعىپ وتىرعانى بايقالادى. اسىرەسە بيىلعى قازان جولداۋىندا بۇل ماسەلەگە ناقتى كوڭىل ٴبولىپ، بۇل ٴىس-شارانى تىكەلەي ىسكە اسىرۋ، جالپى قالىقتىق تالداۋعا ۇسىنىپ وتىرعاندىعى شىنىندا دا ٴبىزدىڭ مەملەكەتىمىزدىڭ دەموكراتيالىق باعىتتا كەتىپ بارا جاتقاندىعىن ايقىن كورسەتىپ وتىر»، -دەيدى پروفەسسور.

سونداي-اق ول، اباي اتىنداعى قازۇپۋ بيىل ٴوزىنىڭ 90 جىلدىق مەرەيتويىن اتاپ وتكەندىگىن جانە ەلىمىزدەگى ەڭ كونە جوعارى وقۋ ورننىڭ ىرگە تاسىن قۇراعان ۋنيۆەرسيتەت رەتىندە پەداگوگيكالىق ماسەلە جونىندەگى ۇسىنىس-پىكىرلەردىڭ كوپشىلىگىن ماڭايىنا توپتاستىرىپ وتىرعاندىعىن جەتكىزدى.

«ۋنيۆەرسيتەتتىڭ جانىندا قالىپتاسقان بىرنەشە جۇمىس توپتارى بار. زاڭنامالىق جوباسىن، ۇستازداردىڭ مارتەبەسى رەسپۋبليكالىق دەڭگەيدە جوعارى بولۋ جونىندە وعان زاڭنامالىق تۇعىرناما جاساپ وتىرعان كونسەپسيالىق جۇمىستارىمىز بار. ول وسى ۋنيۆەرسيتەتتىڭ عالىمدارى نەگىزىندە قۇرالعان. تەوريالىق جاعىمەن قاتار تاجىريبەلىك جاعى دا جۇزەگە اسۋ ٴۇشىن ٴبىز اۋىلدىق جەرلەردەن، وبلىستىق دەڭگەيلەردەگى وقۋ ورىندارىنان، ارنايى ٴبىلىم بەرەتىن ورىندارداعى ۇستازداردىڭ ٴتۇرلى الەۋمەتتىك جاعدايىن قاراستىرا وتىرىپ تالقىلادىق»،-دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي