USD 334.89 EUR 361.61 RUB 5.28
استانا:

تۇڭعىش پرەزيدەنت كۇنى قارساڭىندا ارنايى دارىستەر وقىلدى

قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «مەنىڭ تۇڭعىش پرەزيدەنتىم» تاقىرىبىندا مەكتەپ وقۋشىلارىنا ارنالعان تاربيە ساعاتى جانە «توپ – 25 قىزىقتى كىتاپتار» كورمەسى ٴوتتى، دەپ حابارلايدى baq.kz ٴتىلشىسى.

ٴىس-شارا بارىسىندا «ن. نازاربايەۆ – قازاقستان رەسپۋبليكاسىنىڭ سىرتقى ساياساتىنىڭ نەگىزىن قالاۋشى»، « ۇلى دالا ەلى جانە تاريحتاعى تاريحي سانا حاھىندا» تاقىرىپتارىندا دارىستەر وقىلدى.

قر بجعم مەملەكەت تاريحى ينستيتۋتىنىڭ ماماندارى – تاريح عىلىمدارىنىڭ دوكتورى، پروفەسسور قاراسايەۆ عاني مۇقاش ۇلى جانە جەتەكشى عىلىمي قىزمەتكەر، تاريح عىلىمدارىنىڭ كانديداتى ەرىمبەتوۆا قۇندىزاي مىرزاشقىزى ارنايى ٴدارىس وقىدى.

«ٴومىر بولمىستان قۇرالادى. بولمىستان اقىل تۋادى، اقىلدان وي تۋادى. وسى ٴبىر ٴۇش عاجايىپ نارسە ادامنىڭ تۇعىرىن تەڭسەلتپەي ۇستاپ تۇرادى. سول ٴۇش عاجايىپ نارسە ٴبىزدىڭ تۇڭعىش پرەزيدەنتىمىزدىڭ بويىندا بار دەپ سەنىممەن ايتا الامىن. ...ٴبىز وسى ايتىلعان ٴنارلى سوزدەردىڭ بارلىعىن دا ەلباسىنىڭ بويىنان تابا الامىز، جانە سونى ۇلگى ەتەمىز» - دەيدى دارىسكە ارنايى شاقىرىلعان جازۋشى مارات ٴماجيتوۆ.

سونىمەن قاتار، «توپ – 25 قىزىقتى كىتاپتار» تاقىرىبىمەن كىتاپ كورمەسى قويىلدى. مۇندا تۇپتەۋ ونەرى، پوليگرافيالىق ۇلگىسى، كوركەمدىك بەزەندىرىلۋى جاعىنان سيرەك كەزدەسەتىن كىتاپتار مەن سd-ديسكىلەر، شاعىن كولەمدى باسىلىمدار ۇسىنىلدى. بۇل قاتاردا «قازاقتىڭ ٴداستۇرلى 1000 كۇيى»، «قازاقتىڭ ٴداستۇرلى 1000 ٴانى»، «قازاقتىڭ حالىق اندەرى»، «قازاقتىڭ باتىرلىق داستاندارى» ٴتارىزدى كىتاپتار مەن cd-ديسكىلەردەن تۇراتىن ۇلتتىق انتولوگيالار، «جاھاندىق انتيادرولىق قوزعالىس كوشباسشىسى. ۇلت كوشباسشىسى»، «سەنىم. ٴداستۇر. ترانسپارەنتتىلىك. توزىمدىلىك» كىتاپتارى، ٴىلياس ەسەنبەرليننىڭ «كوشپەندىلەر» تريلوگياسى بار.

«ونلاين-رەجىمدەگى ٴدارىستى ەلىمىزدىڭ ٴتۇرلى ايماعىنان كىتاپحانا وقىرماندارى مەن مەكتەپ وقۋشىلارى تىڭدادى. ايتالىق; ش. ٴۋاليحانوۆ اتىنداعى جامبىل وبلىستىق امبەباپ عىلىمي كىتاپحاناسى، ل.ن.تولستوي اتىنداعى قوستاناي وبلىستىق امبەباپ عىلىمي كىتاپحاناسى، شىمكەنت قالاسىنداعى وڭتۇستىك قازاقستان وبلىستىق «وتىرار» امبەباپ عىلىمي كىتاپحاناسى، الماتى قالاسىنداعى №40 ورتا مەكتەپ، شىمكەنت قالاسىنداعى №22 «اقجار» ورتا مەكتەبى قاتارلى رۋحاني ورتالىقتار مەن ٴبىلىم وشاقتارى ٴبىزدىڭ كىتاپحانادا وتكەن ٴدارىستى ونلاين رەجيمدە تىڭداۋعا مۇمكىندىك الدى» - دەيدى كىتاپحانا قىزمەتكەرى.

سونىمەن بىرگە، بۇگىن ۇلتتىق اكادەميالىق كىتاپحانادا «ٴبىزدىڭ پرەزيدەنت. كوشباسشىلىق فەنومەنى» تاقىرىبىنداعى كىتاپ كورمەسىنىڭ اشىلۋ سالتاناتى وتكەن بولاتىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي