BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

«ٴتىل-قازىنا» ورتالىعى ونلاين سەمينار وتكىزەدى

استانا، baq.kz. قازاقستان رەسپۋبليكاسى مادەنيەت جانە سپورت مينيسترلىگى ٴتىل ساياساتى كوميتەتىنىڭ شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى وسى جىلدىڭ 16 قاراشاسىنان باستاپ «باستاپقى دەڭگەي: ٴتىل ۇيرەتۋ مەن لەكسيكالىق مينيمۋمدى انىقتاۋ ادىستەمەسى» تاقىرىبىندا رەسپۋبليكالىق ونلاين سەمينارىن وتكىزۋدى جوسپارلاپ وتىر.

ونلاين سەميناردىڭ ماقساتى – «باستاپقى دەڭگەي: ٴتىل ۇيرەتۋ مەن لەكسيكالىق مينيمۋمدى انىقتاۋ ادىستەمەسى» ونلاين رەجيمدە جۇزەگە اسىرۋ ارقىلى قازاق ٴتىلىن مەڭگەرتۋدىڭ ادىستەمەسىن جاڭا دەڭگەيگە كوتەرۋ.

ونلاين سەمينار بارىسىندا عالىمدار مەن بىلىكتى ماماندار «لەكسيكالىق مينيمۋم جانە سوزدەردىڭ قولدانۋ جيىلىگى: بايلانىسى مەن اراقاتىناسى»، «تىلدىك قۇزىرەتتىلىكتەردى قالىپتاستىرۋداعى جاعداياتتىق تاپسىرمالاردىڭ تيىمدىلىگى»، «ٴتىل ۇيرەتۋدە زاماناۋي اقپاراتتىق-كوممۋنيكاسيالىق تەxنولوگيالاردى قولدانۋدىڭ ادىستەمەسى»، «شەت تىلدەردى ۇيرەتۋ ادىستەر: پراكتيكالىق مىسالدار نەگىزىندە»، «باستاپقى دەڭگەي: سىني تۇرعىدان ويلاۋ ادىستەرى ارقىلى سوزدىك قوردى ارتتىرۋ جولدارى» تاقىرىپتارى اياسىندا بايانداما وقىپ، سەمينارعا قاتىسۋشىلار ونلاين رەجيمى ارقىلى ٴوزارا تاجىريبە الماساتىن بولادى.

ونلاين سەمينارعا قازاقستان رەسپۋبليكاسى مادەنيەت جانە سپورت مينيسترلىگى ٴتىل ساياساتى كوميتەتىنىڭ شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى قىزمەتكەرلەرى، استانا، الماتى جانە شىمكەنت قالالارى مەن وڭىرلەردەگى مەملەكەتتىك ٴتىل وقىتۋ ورتالىقتارىنىڭ، جوعارى وقۋ ورىندارىنىڭ ماماندارى جانە ادىسكەر-عالىمدار قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي