BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

تەحنيكالىق ماماندىقتار بويىنشا گرانتتار سانىن كوبەيتۋ ٴۇشىن ۇكىمەت قاۋلىلارى ازىرلەنەدى – مينيستر

فوتو: Yvision

بۇگىن ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ پرەزيدەنتتىڭ بەس الەۋمەتتىك باستاماسىنىڭ ٴۇشىنشى باعىتىن جۇزەگە اسىرۋ ٴۇشىن ٴساۋىر ايىندا ٴتيىستى قاۋلىلار ازىرلەنەتىنىن مالىمدەدى، دەپ حابارلايدى baq.kz ٴتىلشىسى.

ۇلتتىق ەكونوميكا ٴمينيسترى ۇكىمەت باسشىسى باقىتجان ساعىنتايەۆتىڭ قاراۋىنا ەلباسى نۇرسۇلتان نازاربايەۆ ۇسىنعان پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسى جوباسىن ۇسىندى.

سونىمەن قاتار تيمۋر سۇلەيمەنوۆ جوعارى ٴبىلىم الۋدىڭ قولجەتىمدىلىگىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ ماسەلەسىنە توقتالدى.

«بۇل ماسەلەگە ٴبىلىم جانە عىلىم مينيسترلىگى جاۋاپ بەرەدى. بيۋدجەتتى ناقتىلاۋ شەڭبەرىندە وسى باعىت بويىنشا تەحنيكالىق ماماندىقتارعا نازار اۋدارا وتىرىپ، مەملەكەتتىك ٴبىلىم بەرۋ تاپسىرىستارىن ۇلعايتۋ جوسپارلانىپ وتىر. ٴبىلىم بەرۋ جۇيەسىنىڭ ينفراقۇرىلىمىن دامىتۋ ماسەلەلەرى پىسىقتالادى. تەحنيكالىق جانە اۋىل شارۋاشىلىعى ماماندىقتارى بويىنشا گرانتتاردى ۇلعايتۋ ٴۇشىن ٴساۋىر سايىندا ۇكىمەت قاۋلىلارى ازىرلەنەدى»، - دەدى تيمۋر سۇلەيمەنوۆ.

وسى ورايدا مينيستر ستۋدەنتتەردى جاتاقحانامەن قامتاماسىز ەتۋ ماسەلەسى قالاي شەشىلەتىتىن ٴتۇسىندىردى.

«جاتاقحانالاردى مەملەكەتتىك جەكە مەنشىك ارىپتەستىك قاعيداتتارىنا سايكەس سالۋ بويىنشا تەتىكتەردى ايقىنداۋ جانە زاڭنامالىق تۇزەتۋلەردى ازىرلەۋ جوسپالانىپ وتىر. مامىر ايىنىڭ سوڭىنا دەيىن اكىمدەر جاتاقحانالار سالۋ ٴۇشىن جوعارى وقۋ ورىندارى مەن كوللەدجەر اۋماقتارىنىڭ ماڭىنان جەر ۋچاسكىلەرىن جانە ينجەنەرلىك كوممۋنيكاسيالاردى ايقىندايدى»، - دەدى ۆەدوسمستۆو باسشىسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي