BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

تالعات ەشەنقۇلوۆ ٴبىلىم جانە عىلىم ۆيسە-مينيسترى بولىپ تاعايىندالدى

قر ۇكىمەتىنىڭ قاۋلىسىمەن تالعات ٴىلياس ۇلى ەشەنقۇلوۆ ۋاقىتشا، ەلميرا امانگەلدىقىزى سۋحانبەرديەۆانىڭ بالا كۇتىمىنە بايلانىستى دەمالىسقا شىعۋى كەزەڭىندە قر ٴبىلىم جانە عىلىم ۆيسە-مينيسترى بولىپ تاعايىندالدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

تالعات ەشەنقۇلوۆ 1978 جىلى جامبىل وبلىسىندا دۇنيەگە كەلگەن.

1999 جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىن، 2000 جىلى — «قاينار» ۋنيۆەرسيتەتىن، 2010 جىلى — قر پرەزيدەنتى جانىنداعى مەملەكەتتىك باسقارۋ اكادەمياسىن ٴتامامداعان.

ەكونوميست، زاڭگەر، مەملەكەتتىك جانە جەرگىلىكتى باسقارۋ ماگيسترى، مەملەكەتتىك جانە جەرگىلىكتى باسقارۋ باعىتى بويىنشا دوكتور (phd) بىلىكتىلىگىنە يە. قازاق، ورىس، اعىلشىن تىلدەرىندە سويلەيدى.

ەڭبەك جولىن 1997 جىلى جامبىل وبلىسىنىڭ تاراز قالاسىنداعى «الما» اق-دا باستاعان، جامبىل وبلىسى ادىلەت باسقارماسىندا، قارجى مينيسترلىگىندە، ٴبىلىم جانە عىلىم مينيسترلىگىندە، جوعارعى كەڭەستە، قورشاعان ورتانى قورعاۋ مينيسترلىگىندە، قر ەسەپ كوميتەتىندە ٴتۇرلى لاۋازىمداردى اتقارعان.

تاعايىندالعانعا دەيىن قر ٴبىلىم جانە عىلىم مينيسترلىگىنىڭ ٴبىلىم جانە عىلىم سالاسىنداعى باقىلاۋ كوميتەتى ٴتوراعاسىنىڭ ورىنباسارى قىزمەتىن اتقارعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي