BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

ستيۆەن حوكينگتى جەرلەۋ راسىمىنە 2038 جىلعا دەيىن تۋعاندار قاتىسادى

مارقۇم فيزيك ستيۆەن حوكينگتىڭ كۇلىن جەر قوينىنا تاپسىرۋعا ۋاقىت ساياحاتشىلارى قاتىسا الادى. شارا بيلەتىن ويناتاتىن سايتقا 2038 جىلدىڭ 31 جەلتوقسانىنا دەيىن دۇنيەگە كەلگەن ادامدار تىركەلۋ قۇقىعىنا يە، دەپ حابارلايدى baq.kz اقپارات اگەنتتىگى lenta.ru سايتىنا سىلتەمە جاساپ.

ستيۆەن حوكينگ اتىنداعى قوردىڭ وكىلى جۋرناليستەرگە «ۋاقىتتا ساياحاتتاۋعا بولمايتىنىن ەشكىم دالەلدەگەن جوق» دەپ قىسقا جاۋاپ بەردى.

حوكينگتىڭ كۇلى جەر قوينىنا 15 ماۋسىم كۇنى لوندوندا تاپسىرىلادى. ول يسااك نيۋتون مەن چارلز دارۆين قابىرلەرىنىڭ ورتاسىنا جەرلەنەدى. اتالعان شاراعا قاتىسۋعا 15 مامىرعا دەيىن ٴوتىنىمحات جىبەرۋگە بولادى.

ەستەرىڭىزگە سالا كەتسەك، 2009 جىلى حوكينگ ۋاقىت ساياحاتشىلارىنا ارناپ مەرەكەلىك وتىرىس ۇيىمداستىرعان بولاتىن. شاراعا كەلۋ ۋاقىتى مەن كۇنى ول ٴوتىپ كەتكەن سوڭ عانا جاريالاندى. بۇل ارام نيەتتى ادامدار كەلىپ الماسىن دەگەن ماقساتپەن جاسالعان.

ەستەرىڭىزگە سالا كەتسەك، فيزيك 14 ناۋرىز كۇنى 77 جاسىندا كوز جۇمدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي