BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

شىمكەنتتە جاستار فورۋمى وتەدى

فوتو: ©

2018 جىلدىڭ 11 جەلتوقسان كۇنى «rixos khadisha shymkent» قوناق ٴۇي كەشەنىندە ٴۇشىنشى مەگاپوليستىڭ بەلسەندى جاستارىنىڭ فورۋمى وتەدى. ۇيىمداستىرۋشى - شىمكەنت قالاسى بالالار، وتباسى جانە جاستار ىستەرى جونىندەگى باسقارماسى.
شارانىڭ نەگىزگى ماقساتى – قالاداعى بيزنەس-قاۋىمداستىقتار مەن جاستاردىڭ اراسىندا كاسىبي جانە ىسكەرلىك بايلانىسىن دامىتۋ، جاڭا بۋىننىڭ وزەكتى ماسەلەلەرىن انىقتايتىن جانە ونى شەشۋ جولىن قاراستىراتىن كوممۋنيكاسيالىق الاڭ قۇرۋ.

فورۋم اياسىندا قۋانىش شونباي، اقەركە ابىلايحان، باۋىرجان قاسىمبەرگەبايەۆ، اسقار ابۋباكيروۆ، يبراگيم ەسكەندىر، سەرىك ەسماتوۆ، ارمان وسپانوۆ، وركەن كەنجەبەك، ياكوۆ فەدوروۆ سىندى ەلىمىزگە تانىمال سپيكەرلەر قاتىسىپ، ٴوز تاجىربيەلەرىمەن بولىسەدى. سونىمەن قاتار، فورۋمعا شىمكەنت قالاسىنىڭ اكىمى - عابيدوللا راحماتوللا ۇلى ٴابدىراحىموۆ، جەرگىلىكتى اتقارۋشى ورگانداردىڭ وكىلدەرى، ٴىرى جانە ورتا بيزنەس وكىلدەرى، قالا جاستارى قاتىسادى. ايتا كەتەيىك، اتالعان شاراعا 14-29 جاس ارالىعىنداعى كەز-كەلگەن ادام قاتىسا الادى.
ٴىس-شارا بارىسىندا سپيكەرلەرمەن بىرگە ٴتۇرلى سالا ەكسپەرتتەرى 5 سەكسيادا بويىنشا تاجىريبە الماسادى. ولار:

ٴى. جاستار كاسىپكەرلىگىن دامىتۋ;
ٴىى. ٴبىلىم بەرۋ سالاسىنىڭ وزىق تەحنولوگيالارى;
ٴىىى. جاستار اراسىندا بۇقارالىق سپورتتى دامىتۋ;
ٴىv. بۇقارالىق اقپارات قۇرالدارى مەن الەۋمەتتىك جەلىنىڭ جاستار تاربيەسىندەگى ٴرولى;
v. جاستار ۇيىمدارىنىڭ الەۋەتىن ارتتىرۋ.

سونىمەن قاتار، فورۋمدا شىمكەنت قالاسى بالالار، وتباسى جانە جاستار ىستەرى جونىندەگى باسقارماسى مەن قالاداعى ٴىرى كاسىپورىندار، ۇلكەن جانە شاعىن بيزنەس قۇرىلىمدارمەن جاستار اراسىنداعى جۇمىسسىزدىقتى ازايتۋ ماقساتىندا ەكىجاقتى مەموراندۋمعا قول قويىلادى.
وسىعان وراي، ٴىس-شارانىڭ ماڭىزدىلىعىن ەسكەرە وتىرىپ، اقپاراتتىق قولداۋ كورسەتۋلەرىڭىزدى سۇرايمىز.

وتەتىن كۇنى: 11 جەلتوقسان 2018 ج.
وتەتىن ۋاقىتى: 09:00
وتەتىن ورنى: «rixos khadisha shymkent»
بايلانىس تەلەفونى: +7 707 191 3151


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي