BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

عالىمدار اقپاراتتى ەستە ساقتاۋدىڭ جاڭا جولىن ويلاپ تاپتى

شوتلانديا عالىمدارى جۇمىس اراسىندا قىسقامەرزىمدى دەمالىستىڭ ەستە ساقتاۋ قابىلەتىن ايتارلىقتاي جاقسارتاتىنىن دالەلدەدى، دەپ حابارلايدى baq.kz اقپارات اگەنتتىگى.

شوتلاندياداعى حەريوت-ۋاتت ۋنيۆەرسيتەتىنىڭ پسيحولوگتارى جاڭا اقپاراتپەن جۇمىستان كەيىن 10 مينۋت دەمالۋ ارقىلى ەستە ساقتاۋ قابىلەتىن ايتارلىقتاي جاقسارتۋعا بولاتىنىن دالەلدەدى. زەرتتەۋ جۇمىسى scientific reports جۋرنالىندا جاريالاندى.

«سوڭعى زەرتتەۋلەر ناتيجەسى اقپاراتتى «قايتالاۋ» ارقىلى كوپكە دەيىن ەستە ساقتاۋعا بولاتىنىن كورسەتتى. مي بەلسەندى بولىپ تۇرعان كەزدە اۆتوماتتى تۇردە ٴبىر اقپاراتتى بىرنەشە رەت قايتالايدى. بۇل، اسىرەسە، ۇيىقتاپ جاتقاندا نەمەسە اقپاراتتى وقىعاننان كەيىن دەمالىپ وتىرعاندا بايقالادى»، - دەيدى جاڭا جۇمىس اۆتورلارىنىڭ ٴبىرى مايكل كرەيگ (michael craig).

عالىمدار ادامنىڭ جاڭا اقپاراتتى قانشالىقتى جاقسى ەستە ساقتايتىنىن انىقتاۋعا كومەكتەسەتىن تەست ويلاپ تاپتى. ٴبىرىنشى ەكسپەريمەنتكە 18-31 جاس ارالىعىنداعى 60 ەرىكتى قاتىستى. ەرىكتىلەرگە 60 سۋرەت كورسەتىلىپ، كەيىن ولاردى ٴۇش توپقا ٴبولدى.

ٴبىرىنشى توپ مۇشەلەرى 10 مينۋت بويى دەمالدى. ەكىنشى توپ مۇشەلەرى سۋرەتتەر اراسىنداعى ايىرماشىلىقتى انىقتاۋ ويىنىن وينادى. ال ٴۇشىنشى توپ مۇشەلەرى بىردەن كەلەسى كەزەڭگە ٴوتىپ كەتتى. وسى كەلەسى كەزەڭ تاپسىرماسىن باسقالارعا قاراعاندا ٴبىرىنشى توپ مۇشەلەرى ٴساتتى ورىنداپ شىقتى.

عالىمدار جاڭا اقپاراتتى ەستە ساقتاۋعا ۇيقى كومەكتەسەتىنىن ايتىپ كەلگەن بولاتىن. ال ٴقازىر بۇل مەحانيزمنىڭ كۇندىز دە جاقسى جۇمىس ىستەيتىنى بەلگىلى بولدى. ياعني ادامعا اقپاراتتى ەستە ساقتاۋ ٴۇشىن مىندەتتى تۇردە ۇيىقتاۋدىڭ قاجەتى جوق.

پسيحولوگ ماماندار ەندى دەمالىستىڭ اقپاراتتى ەستە ساقتاۋ كەزىندە مي بەلسەندىلىگىنە قالاي اسەر ەتەتىنىن انىقتاماق. بۇل زەرتتەۋ جۇمىسىن سوڭىنا دەيىن جەتكىزۋ ٴۇشىن ەرىكتىلەردى ەلەكتروەنسەفالوگرافيا تاسىلىمەن زەرتتەيتىن بولادى. مۇنداي زەرتتەۋ تۇرلەرى اقپاراتتى ەستە ساقتاۋ كەزىندە ميدىڭ قانداي بولىكتەرىنىڭ جۇمىس ىستەيتىنىن انىقتاۋعا كومەكتەسەدى. سونداي-اق، عالىمدار 60 جاستان اسقان ەرىكتىلەردىڭ قاتىسۋىمەن تاعى ٴبىر زەرتتەۋ جۇمىسىن جۇرگىزبەك.

ەستەرىڭىزگە سالا كەتسەك، كاناداداعى ۋوتەرلۋ ۋنيۆەرسيتەتىنىڭ عالىمدارى داۋىستاپ وقۋ ارقىلى اقپاراتتى جاقسىلاپ ەستە ساقتاۋعا بولاتىنى تۋرالى ايتقان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي