BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

ساعاديەۆ «كۇندەلىك» پورتالىنا جاسالعان حاكەرلىك شابۋىل تۋرالى پىكىر ٴبىلدىردى

فوتو: saittar.kz

ٴبىلىم جانە عىلىم ٴمينيسترى ەرلان ساعاديەۆ kundelik.kz پورتالىنا جاسالعان حاكەرلىك شابۋىل تۋرالى پىكىر ٴبىلدىردى، دەپ حابارلايدى baq.kz ٴتىلشىسى.

«ۇلتتىق اقپاراتتىق تەحنولوگيالارعا» شابۋىل جاسالدى، سوعان ساي «كۇندەلىك» جۇيەسىنە دە زاقىم كەلدى. شابۋىل بىرنەشە كۇنگە جالعاستى. ٴمان-جايىن مەن دە بىلمەيمىن. «كۇندەلىك» جۇيەسى «ۇات» اق-تىڭ ىشىندە ورنالاسقان»، - دەپ جاۋاپ بەردى ساعاديەۆ جۋرناليستەر ساۋالىنا.

ول شابۋىلدان كەيىن kundelik.kz قانا ەمەس ەلەكتروندىق ۇكىمەتتىڭ بىرنەشە قىزمەتى جۇمىس ىستەمەي قالعانىن ايتتى.

«بۇل دەگەنىمىز ولاردىڭ ٴبارى ىستەن شىقتى دەگەن ٴسوز ەمەس. ولار سول ساتتە ۋاقىتشا ىستەن شىققان بولۋى مۇمكىن. مەن ونى شەشە الاتىن مامان ەمەسپىن، ٴبىراق قاجەتتى قورعاۋ جۇيەلەرىن ورناتسا قايتادان ٴبارى ٴوز ورنىنا كەلەدى»، - دەپ سەندىردى مينيستر ۇكىمەت كۋلۋارىندا.

ەسكە سالا كەتسەك، «كۇندەلىك» اقپاراتتىق جۇيەسىنە 2018 جىلدىڭ 4 قىركۇيەگىندە ddos حاكەرلىك شابۋىل جاسالعانىن حابارلاعان بولاتىنبىز. kundelik.kz پورتالىنىڭ ازىرلەۋشىلەرى قازىرگى ۋاقىتتا پورتالعا جانە مەملەكەتتىك ورگاندار ٴۇشىن ەسەپتىك جۇيەگە قولجەتىمدىلىك جىلدامدىعىنىڭ ازايۋى مۇمكىن ەكەندىگىن مالىمدەدى.

ٴقازىر شەتەلدىك ddos شابۋىلدارعا قارسى تۇرۋ بويىنشا بىرىككەن جۇمىستار جاسالىپ جاتىر.

«kundelik» - بۇل قازاقستاننىڭ جالپى بىلىمدىك مەكتەپتەرىنىڭ ەلەكتروندى كۇندەلىكتەرى مەن جۋرنالدارىنىڭ ۇلتتىق جۇيەسى. جۇيەگە 6 مىڭنان استام مەكتەپ قوسىلعان، 4 ملن. استام قولدانۋشى تىركەلگەن. ەلەكتروندى كۇندەلىكتەردى ەنگىزۋ ارقىلى وقۋ ٴۇردىسىنىڭ تازالىعى جانە وقۋشىلار مەن مۇعالىمدەر اراسىندا اقپاراتپەن الماسۋ قولايلىعى جوعارىلايدى، سونىمەن قاتار ەسەپ تاپسىرۋ ٴۇردىسى جەڭىلدەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي