BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

پەتروپاۆلدا ٴۇندىستاننان كەلگەن 46 ستۋدەنت ٴبىلىم الىپ ٴجۇر

فوتو: Автор

سولتۇستىك قازاقستان، baq.kz ٴتىلشىسى. م.قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى بيىلعى وقۋ جىلىنان مەديسينا سالاسىنا ماماندار دايارلاۋعا كىرىستى. جاڭادان اشىلعان بولىمدە 108 ستۋدەنت ٴبىلىم الىپ ٴجۇر. ولاردىڭ 46-سى ٴۇندىستاننان كەلگەن جاستار.

بۇگىنگى كۇنى م.قوزىبايەۆ اتىنداعى سقمۋ-دە رەسەي، قىتاي، وزبەكستان، ٴازىربايجان، گرۋزيا سىندى تاعى دا باسقا الىس-جاقىن شەت مەملەكەتتەردەن كەلگەن 200-گە جۋىق ستۋدەنت وقيدى. امير كحان ٴۇندىستان رەسپۋبليكاسىنىڭ دجايپۋر-رادجيستان قالاسىنان كەلگەن. بالا كەزىنەن دارىگەر بولۋدى ارمانداعان جاس جىگىت قازاقستاندا ٴبىلىم الۋ مۇمكىندىگى تۋعاندا كوپ ويلانباپتى. ەندى ول پەتروپاۆلدا 5 جىل وقيدى. شەتەلدىك ستۋدەنتكە قازاقستان ۇناسا كەرەك.

«بالا كەزىمنەن وزگەلەردىڭ دەرتىنە شيپا جاساۋدى ارماندايتىنمىن. دارىگەر – قاستەرلى ماماندىق. قازاقستانعا ٴبىرىنشى رەت كەلۋىم. ادامدار وتە قوناقجاي ەكەن. قازاق ستۋدەنتتەرىمەن تانىسىپ، دوستاسىپ ۇلگەردىك. اۋا-رايى سالقىن بولعانىمەن، ازىرگە مەن ٴۇشىن جاعىمدى. بولاشاقتا حيرۋرگ بولعىم كەلەدى»، - دەيدى ول.

ٴۇندىستاننان كەلگەن ستۋدەنتتەردىڭ وقۋ اقىسى جىلىنا 850 مىڭ تەڭگە. بۇل سوما قازاق جاستارىنىڭ تولەماقىسىنان 30 پايىزعا جوعارى. شەتەلدىك ستۋدەنتتەردىڭ قازاقستانعا كەلۋىنىڭ ٴبىر سەبەبى – ٴۇندىستاندا مەديسينا ماماندارىن دايارلايتىن وقۋ ورىندارى تاپشى ٴارى وقۋ قۇنى ورتا ەسەپپەن 10 ەسە قىمبات.

«جۋىق ارادا جوعارى ٴبىلىمدى كادرلاردى ازىرلەۋ ماقساتىندا زامانۋي تەحنيكا ساتىپ الىنادى. «فيزيولوگيا، اناتوميا جانە مورفولوگيا»، «گيستولوگيا جانە جاسۋشالىق بيولوگيا» جاڭا يننوۆاسيالىق زەرتحانالارىن اشۋ جوسپاردا بار. 3د ستيمۋلياتورلار – وقىتۋ باعدارلامالارى، مەديسينالىق وقۋلىقتار ساتىپ الىنادى. بۇل ماقساتقا ۋنيۆەرسيتەت بيۋدجەتىنەن 100 ملن تەڭگە بولىنگەن»، - دەيدى م.قوزىبايەۆ اتىنداعى سقمۋ مەديسينا جوعارى مەكتەبىنىڭ ديرەكتورى اسەت ىزدەنوۆ.

ۋنيۆەرسيتەت تاراپىنان شەتەلدىك ستۋدەنتتەر ٴۇشىن بارلىق جاعداي جاسالعان. جاتاحانادان ورىندار بەرىلىپ، ىستىق تاماق ۇيىمداستىرىلعان. ۇندىلىك قىز-جىگىتتەر ەت جەمەيتىندىكتەن ولارعا ارنايى اس ٴمازىرى دە ازىرلەنگەن. ستۋدەنتتەرگە جەرگىلىكتى ۇستازدارمەن قاتار، يوردانيادان ارناي شاقىرىلعان وقىتۋشى ٴدارىس وقيدى. جۋىق ارادى سولتۇستىك قازاقستانعا ٴۇندىستاننان تاعى 100 ستۋدەنت كەلمەك.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي