BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

پاۆلوداردا 900-گە جۋىق ٴمۇعالىم ٴۇش تىلدىلىك كۋرسىنان وتكەن

فوتو: интернеттен

پاۆلودار، baq.kz ٴتىلشىسى. ەرتىس وڭىرىندەگى مەكتەپتەردە ٴۇش تىلدە ساباق بەرۋگە كوشۋ كەزەڭ-كەزەڭمەن جۇرگىزىلۋدە. سوڭعى ٴۇش جىل ىشىندە 843 ۇستاز شەت تىلدەرى كۋرستارىنان ٴوتىپ، بازالىق ساباقتارىن اعىلشىن تىلىندە وتكىزۋدىڭ ادىس-تاسىلدەرىن مەڭگەردى.

وبلىستىق ٴبىلىم بەرۋ باسقارماسى جانىنداعى يننوۆاسيالىق دامۋ ورتالىعى ماماندارىنىڭ حابارالۋىنشا، باسىمدىق جاراتىلىستانۋ-ماتەماتيكالىق باعىتتاعى پاندەرگە بەرىلگەن. ناقتىراق ايتقاندا، فيزيكا، حيميا، بيولوگيا جانە اقپاراتتانۋ پاندەرىن اعىلشىن تىلىندە وتكىزۋگە بىردىندەپ كوشۋ قاراستىرىلعان.

«مۇعالىمدەردىڭ ٴتىل ٴبىلىمى بىرنەشە دەڭگەي بويىنشا باعالانادى. قازىرگى ۋاقىتتا 112 ۇستاز بىلىكتىلىكتەرىن ارتتىرۋدا. وسىدان ەكى جىل بۇرىن ۆ2 دەڭگەيىن يگەرگەن مامانداردىڭ جالاقىسىنا ۇستەماقى قاراستىرىلماعان ەدى. بيىلعى جىلى بىلىكتى ۇستازدار ايلىقتارىن كوبەيتۋ مۇمكىندىگىنە يە بولماق. ال تاعى 500 پەداگوگ ۆ1 دەڭگەيىنە جەتكەن. كۋرستاردان كەيىن مۇعالىمدەردىڭ جۇمىسىن سۇيەمەلدەۋ ماقساتىندا كانيكۋل كەزىندە مەنتورلىق كۋرستار ۇيىمداستىرىلادى»، - دەيدى يننوۆاسيالىق ورتالىقتىڭ ادىسكەرى ٴلاززات احماديەۆا.

بۇگىندە اعىلشىن ٴتىلىن مەڭگەرگەن مۇعالىمدەردىڭ ورتاشا جاسى - 30-40. كۋرستاردان وتۋگە نيەت بىلدىرگەن كادرلاردىڭ باسىم بولىگى - جاستار. قازىرگى ۋاقىتتا اتالعان ٴتورت ٴپاندى شەت تىلىندە مەڭگەرىپ جاتقان وقۋشىلار سانى 10 مىڭنان اسىپ جىعىلادى. 234 ورتا مەكتەپتە اعىلشىن تىلىندە وقىتۋ ٴىشىنارا ەنگىزىلگەن. ولاردىڭ 136-سى – اۋىلدىق جەرلەردەگى ٴبىلىم بەرۋ وردالارى.

بۇعان دەيىن ەكى مىڭعا جۋىق پەداگوگ اتتەستاسيالىق تەست تاپسىرىپ، بىلىمدەرىن دالەلدەگەن. وسى جولى شەبەر-پەداگوگ، ساراپشى-پەداگوگ مارتەبەسىنە يە بولعاندارعا ۇستەماقى قاراستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي